தஞ்சை, அக்.14–

மேட்டூர் அணையின் நீர்மட்டம் 60 அடிக்கு கீழ் குறைந்துள்ளதால், டெல்டா பாசனத்திற்கு திறப்பு நீட்டிக்கப்படாத சூழல் உருவாகியுள்ளது.

காவிரி டெல்டா மாவட்ட விவசாயிகளின் முக்கிய நீர் ஆதாரமாக விளங்கக்கூடிய மேட்டூர் அணையில் இருந்து ஆண்டு தோறும் ஜூன் 12-ம் தேதி டெல்டா பாசனத்திற்கு தண்ணீர் திறந்து விடப்படு வது வழக்கம். ஆனால், த.வெ.க. அரசு கர்நாடகாவில் இருந்து நீரை பெற முடியாமல், 80 நாட்கள் காலதாமதத்திற்கு பிறகு செப்டம்பர் ஒன்றாம் தேதி அணையிலிருந்துதண்ணீர் திறந்து விடப்பட்டது. காலதாமதமாக திறந்தாலும் 100 நாட்கள் தங்களுக்கு தண்ணீர் தேவைப்படும் என்று டெல்டா மாவட்ட விவசாயிகள் வேண்டுகோள் விடுத்த நிலையில் அரசின் சார்பில் 45 நாட்கள் மட்டுமே தண்ணீர் திறக்கப்படும் என்று அறிவிக்கப்பட்டது. இதனால் அணையில் இருந்து தண்ணீர் திறந்து விட;g பட்டாலும் கடை மடை வரை நீர் சென்றடை யாததால் விவசாயம் பொய்த்துப் போய் உள்ளது. இச்சூழலில் தற்போது நீர்வரத்து மிகவும் சரிந்து வினாடிக்கு 892 கன அடி நீர் மட்டுமே வந்து கொண்டுள்ளது.

இதனால், நீர்மட்டம் படிப்படியாக குறைந்து இன்று காலை 60 அடிக்கு கீழே வந்துள்ளது.