சென்னை, அக்.15 –

த.வெ.க. ஆட்சி அமைந்த இந்த நான்கே மாதங்­க­ளில் கடும் விலை­வாசி உயர்­வி­லும், பண­வீக்­கத்­தி­லும் தமிழ்­நாடு முத­லி­டம் என­வும், எந்த மாநி­லத்­தி­லும் இல்­லாத அள­வுக்கு கழக ஆட்­சி­யில் குறைந்த விலைக்கு வாங்­கிய ஒப்­பந்­தங்­களை ரத்­து செய்­து­விட்டு அதிக விலை கொடுத்து மின் கொள்­மு­தல் செய்­வ­து­தான் இந்த ஆட்­சி­யில் மாற்­றமா? என­வும், ஆட்சி நிர்­வா­கத்­தின் அடிப்­படை கூட அறி­யாத இந்த அறி­வி­லி­க­ளின் அலட்­சி­யத்­தால் எதிர்­வ­ரும் மாதங்­களை மக்­கள் எப்­படி எதிர்­கொள்­ளப்­போ­கி­றார்­கள் என்­றும், முன் யோச­னை­யும், மூளை­யும் இல்­லாத, மூடர் கூட்­டத்­தி­டம் தமிழ்­நாடு சிக்கி விட்­டது என்­றும், கழ­கத் தலை­வர் மு.க.ஸ்டாலின் அவர்­கள் தமது ட்விட்­டர் பக்­கத்­தில் வேதனை தெரி­வித்­துள்­ளார்.

அப்பதிவில் கழ­கத் தலை­வர் மு.க.ஸ்டாலின் அவர்­கள் கூறி­யி­ருப்­ப­ தா­வது:–

த.வெ.க. ஆட்சி அமைந்த நான்கே மாதங்­க­ளில் தமிழ்­நாடு முத­லி­டம்! எதில் தெரி­யுமா? பண­வீக்­கத்­தி­லும் விலை­வாசி உயர்­வி­லும்!

மின்­வெட்டு குறித்து

எச்­ச­ரித்­தும் நட­வ­டிக்கை இல்லை!

இவர்­க­ளுக்கு, அத்­தி­யா­வ­சி­யப் பொருட்­க­ளின் விலை­யைக் கட்­டுக்­குள் வைக்­கத் தெரி­ய­வில்லை என்­றால் கூட பர­வா­யில்லை. விலை­வாசி உயர்வே ஏற்­ப­ட­வில்லை என உண­வுத்­துறை அமைச்­சர் சொல்­லும் வடி­கட்­டிய பொய்­யைக் கேட்­டுத்­தான் ஏழை மக்­கள் இன்­னும் எரிச்­ச­லில் இருக்­கி­றார்­கள்.

மின்­வெட்டு குறித்­தும் அனைத்து எதிர்க்­கட்­சி­க­ளும் கடந்த பல மாதங்­க­ளாக எச்­ச­ரித்து வந்­தோம். அப்­போதே சுதா­ரித்து உரிய நட­வ­டிக்­கை­களை எடுத்­தி­ருக்க வேண்­டும்.

எந்த மாநி­ல­மும் வாங்­காத அதிக

விலை­யில் மின்­கொள்­மு­தல்­தான் மாற்­றமா?

மின்­துறை அமைச்­சர் பஞ்­சா­பைக் காட்ட, முத­ல­மைச்­சரோ இலண்­டன் பறந்­து­விட்­டார். இப்­போது, கடைசி நிமி­டத்­தில் கத­வைத் தட்டி, யூனிட்­டுக்கு 35 ரூபாய் கொடுத்து வெளிச்­சந்­தை­யில் வாங்­கப் போகி­றார்­க­ளாம். கழக ஆட்­சி­யில் குறைந்த விலைக்கு வாங்­கிய ஒப்­பந்­தங்­களை இரத்து செய்­து­விட்டு, இந்­தி­யா­வி­லேயே இது­வரை எந்த மாநி­ல­மும் வாங்­காத அதிக விலைக்கு வாங்­கு­வ­து­தான் இவர்­கள் கொண்டு வந்­துள்ள மாற்­றமா?

அ.தி.மு.க. எம்.எல்.ஏ.க்களை

பர்­சேஸ் செய்ய மின்

கொள்­மு­தல் ஊழலா?

இது யார் வீட்­டுக் காசு சார்? அ.தி.மு.க.வில் இருந்து மேலும் 15 பேரை purchase செய்­யப் போகி­றோம் என்று வேறு வெட்­கமே இல்­லா­மல் ஒப்­பு­தல் வாக்­கு­மூ­லம் கொடுக்­கி­றீர்­களே? அதற்­குப் பணம் போதா­மல்­தான் மின்­சா­ரம் வாங்­கு­வ­தில் ஊழல் நடக்­கி­றதா என மக்­கள் மன­தி­லும் கேள்­வி­கள் எழத் தொடங்­கி­விட்­டன.

குறுவை பொய்த்த நிலை­யில், டெல்டா விவ­சா­யி­க­ளின் பேச்­சைக் கேட்­கா­மல், ஜோசி­ய­ரின் பேச்­சைக் கேட்டு மேட்­டூர் அணை­யை­யும் தவ­றான தேதி­யில் திறந்து வைத்­தார்­கள். 5 கோடி ரூபாய் செல­வில் சாலை­யோ­ரத் தடுப்­பு­கள் அமைத்து CM ரீல்ஸ் எடுத்­த­தைத் தவிர அத­னால் விளைந்த பயன் என்ன? இப்­போது சம்பா சாகு­ப­டி­யும் சாத்­தி­ய­மா­குமா எனத் தெரி­யா­மல் கடை­மடை விவ­சா­யி­கள் நீரின்­றிப் பரி­த­விக்­கி­றார்­கள்.

இப்­படி, முன்­யோ­ச­னை­யும் இல்­லாத மூளை­யும் இல்­லாத ஒரு மூடர் கூட்­டத்­தி­டம் சிக்கி, நம் கண்­முன்னே தமிழ்­நாடு சீர­ழிந்து கொண்­டி­ருக்­கி­றது. வாலில் தீப்­பற்­றிய குரங்­குக் கூட்­டம் வன­மெல்­லாம் தாவி, கொளுத்தி விடு­வ­தைப் போலத்­தான் த.வெ.க. அர­சின் அமைச்­ச­ரவை அமைந்­தி­ருக்­கி­றது.

இவர்­களை வழி­ந­டத்த வேண்­டிய முத­ல­மைச்­சரோ, உடுப்பி, இலண்­டன், விஜ­ய­வாடா என மாதம் ஒரு ஊருக்­குச் சென்று விழா­வைச் சிறப்­பிப்­ப­தி­லேயேகுறி­யாக இருக்­கி­றார்.

அறி­வி­லி­க­ளின் கூட்­டத்தை நாளும்

மக்­கள் எப்­படி எதிர்­கொள்­வார்­களோ?

மொத்­தத்­தில், ஆட்சி நிர்­வா­கத்­தின் அடிப்­படை கூட அறி­யாத இந்த அறி­வி­லி­க­ளின் அலட்­சி­யத்­தா­லும் அழிச்­சாட்­டி­யத்­தா­லும் எதிர்­வ­ரும் மாதங்­க­ளைத் தமிழ்­நாட்டு மக்­கள் எப்­படி எதிர்­கொள்­ளப் போகி­றார்­கள் என்ற அச்­சம்­தான் மேலோங்­கு­கி­றது.

Collectionகுமாரு