சென்னை, அக்.15–
‘தி டைம்ஸ் ஆஃப் இந்தியா’ வெளியிட்டுள்ள செய்தியில், தமிழகத்தில் அறிவிக்கப்படாத மின்வெட்டு நிலவி வருவதாகவும், கடந்த சில மாதங்களாக மாநிலத்தின் பல்வேறு பகுதிகளில்நள்ளிரவு மற்றும் மாலை நேரங்களில் தொடர் மின்வெட்டு ஏற்பட்டு வருவதாகவும் தெரிவிக்கப்பட்டுள்ளது.
காற்றாலை மின் உற்பத்தி சரிவு மற்றும் மத்திய மின் தொகுப்பில் இருந்து போதிய அளவு
மின்சாரம் கிடைக்காததால்,
தமிழகத்தில் சுமார் 4 ஆயிரம் மெகாவாட் மின் பற்றாக்குறை
ஏற்பட்டுள்ளதாகவும், மாநிலத்தில் நிலவும் மின் பற்றாக்குறையைச் சமாளிக்க, தமிழ்நாடு மின்சார விநியோகக் கழகம் வரலாற்றிலேயே இல்லாத அளவிற்கு உச்சவிலைக்கு வெளிச் சந்தையிலிருந்துமின்சாரம் வாங்கஒப்பந்தம்
செய்துள்ளது.
இதன்படி, அக்டோபர் 12 முதல் அக்டோபர் 31 வரை, 24 மணி நேரமும் மின்சாரம் வழங்குவதற்காக ஆயிரத்து 500 மெகாவாட் மின்சாரம் கொள்முதல் செய்யப்பட உள்ளது.
24 மணி நேர மின்சாரப் பயன்பாட்டிற்கு ஒரு யூனிட் சராசரியாக 34 ரூபாய்49 காசுகள் வரை விலை நிர்ணயிக்கப்பட்டுள்ளது. மாலை 6 மணி முதல் நள்ளிரவு 12 மணி வரை நிலவும் கூடுதல் மின் தேவையைச் சமாளிக்கவாங்கப்படும் மின்சாரத்தின் விலை,ஒரு யூனிட்டுக்குரூ.37 வரை மிக உச்சகட்ட விலையாக ஒப்பந்தம் செய்யப்பட்டுள்ளது.
இதே காலகட்டத்தில் அண்டை மாநிலமான ஆந்திரா, தங்களின் மின் தேவையை முன்கூட்டியே கணித்து கடந்த மாதமேஒப்பந்தம் செய்ததால், அவர்கள் 150 மெகாவாட் மின்சாரத்தை ஒரு யூனிட்டுக்கு 20 ரூபாய் வரையிலான விலையில் வாங்குகின்றனர்.
ஆனால் தமிழ்நாடு மின்சார வாரியம் முன்கூட்டியே திட்டமிடாத தால், ஒன்றிய அரசின் வர்த்தக இணையம் வழியாக எந்த ஒரு மாநிலமும் வாங்காத மிக அதிகபட்ச விலைக்கு இந்த மின்சா ரத்தை வாங்க வேண்டிய கட்டாயத்திற்குத் தள்ளப்பட்டுள்ளதாகவும் குற்றச்சாட்டு எழுந்துள்ளது.