அ
வர் 25 வயது பெண். சாஃப்ட்வேர் இன்ஜினியராகப் பணியாற்றுகிறார். அதிகாலை 5 மணிக்கு ஃபரிதாபாத்தில் உள்ள வீட்டிலிருந்து யாருக்கும் தெரியாமல் புறப்படுகிறார். குறிப்பாக, அவரது அம்மா விழித்துவிடக்கூடாது என்ற கவனத்துடன் கதவைத் திறந்து, பூனை போல நடந்து, தெருவுக்கு வந்து, ஒரு வாடகைக் கார் பிடித்து டெல்லியின் ஜந்தர் மந்தர் பகுதிக்கு வந்து சேர்கிறார் அந்தப் பெண்.
63 வயது நிறைந்த பெண்மணி தனது 36 வது வயது மகளுடன் முதல் நாள் இரவே குருகிராம் வீட்டிலிருந்து புறப்பட்டு டெல்லிக்கு வந்துவிட்டார். மாணவர்கள் பலரும் அவரைப் போலவே வந்து கொண்டிருந்த னர். அசாமிலிருந்து டெல்லிக்கு வந்த மாணவியால் தலைநகரின் கெடுபிடிகளைக் கடந்து ஜந்தர் மந்தர் பகுதிக்குச் செல்வது பெரும் சவாலாக இருந்தது.
ஹசரத் நிஜாமுதீன் ரயில் நிலையத்தில் எல்லைப் பாதுகாப்பு படை வீரர்கள் குவிக்கப்பட்டிருந்தனர். ரயில் நிலையத்தின் வாசலில் காத்திருந்த டாக்ஸி டிரைவர்களும், உள்ளே இருந்த போர்ட்டர்களும் எந்த ரயிலும் இயங்காத நிலையில் தங்கள் வயிற்றுப்பாட்டுக்கு வழி என்ன என்று தெரியாமல் தவித்துக் கொண்டிருந்தனர். புதுடெல்லிக்குள் நுழைவதற்கான ஒவ்வொரு வழித்தடத்திலும் போலீஸ் குவிக்கப்பட்டிருந்தது. மாணவர்கள், இளைஞர்கள், பொதுநலச் செயற்பாட்டா ளர்கள், சூழலியல் ஆர்வலர்கள், பொது
மக்கள், அரசியல் பிரமுகர்கள் உள்ளிட்ட
அத்தனை பேருக்குமே டெல்லிக்குள் நுழைவது பெரும் சவாலாக இருந்தது.
எஸ்.ஐ.ஆர் எனப்படும் சிறப்பு வாக்காளர் சீரமைப்பு முறையால் பொதுமக்களின் வாக்குரிமையைப் பறித்து, மோசடியாகத் தேர்தல் நடத்திய தலைமைத் தேர்தல் ஆணையர் ஞானேஷ்குமாரைப் பதவி நீக்கம் செய்ய வேண்டும் என்ற கோரிக்கையை முன்வைத்து டெல்லி ஜந்தர் மந்தரில் அக்டோபர் 10ஆம் தேதி நடந்தப் போராட்டத்தைத் தடுப்பதற்காகத்தான் ஒன்றிய பா.ஜ.க. அரசு, போர்ப் பதற்றம் போன்ற சூழலை உருவாக்கியிருந்தது.
எந்தப் பக்கம் திரும்பினாலும் போலீஸ் மற்றும் துணை ராணுவத்தினரின் தலைகள்தான். இத்தனைக்கும், தலைமைத்
தேர்தல் ஆணையருக்கு எதிராக நடந்தது, அரசியல் சட்டம் வழங்கியுள்ளநெறிமுறை களின்படியான அறவழிப் போராட்டம். அதை ஒடுக்கு வதற்காகத்தான் இத்தனைக் கெடுபிடிகள்.
ஜந்தர்மந்தர் 2.0 போராட்டத்தை முன்னெடுத்த கரப்பான்பூச்சி ஜனதா கட்சியின் தலைவர் அபிஜித் திப்கே, துணை ஒருங்கிணைப்பாளர் சவுரவ் தாஸ் உள்ளிட்டோர் மும்பையிலிருந்து டெல்லிக்கு வந்த விமானம் தரையிறங்கியதுமே, விமானத்திற்குள் புகுந்து அவர்களைக் கைது செய்தது காவல்துறை. விமான நிலைய நெறிமுறைகளுக்கு மாறான வகையில் நடந்த இந்தக் கைது, ஏர் இந்தியா விமான அதிகாரிகள் உள்பட பலரையும் அதிரவைத்தது.
போராடியவர்கள் சட்டத்திற்குட்பட்டு நடந்து கொண்டார்கள். போராட்டத்தை ஒடுக்குவற்காகக் களமிறக்கப்பட்ட அரசின் பாதுகாப்புப் படையினர் சட்டத்தைப் பூட்ஸ் காலால் மிதித்தனர். செய்தி சேகரித்த ஊடகத்தினர், அதிலும் குறிப்பாகப் பெண் செய்தியாளர்கள் மீது தாக்குதல் நடத்தப்பட்டது. போராட்டத்தில் ஈடுபட்ட பெண்களைக் கைது செய்து வாகனத்தில் ஏற்றும்போது காவல்துறை அதிகாரிகள் கடைப்பிடித்த முறை சொல்லக்கூசும் அளவுக்கு இருந்தது. அகில இந்திய மாணவர் சங்கத் தலைவர் நேரா போராவின் செயல்பாடுகளை எப்படியாவது முடக்கிவிட்டால், மொத்தப் போராட்டக் கூட்டத்தையும் விரட்டிவிடலாம் என நினைத்து டெல்லிப் போலீஸ் செயல்பட்டது.
பாதுகாப்பு என்ற பெயரில் ஊடுருவிய இந்துத்வா அமைப்பினரின் வன்செயல்கள் வீடியோ ஆதாரங்களாக வெளியாகி வைரலாயின. போலீசார் முன்னிலையிலேயே போராட்டக்காரர் ஒருவரை 5 பேர் கொண்ட கும்பல் தாக்குவதும், அவரைக் காப்பாற்ற வந்த பெண்ணை தூக்கிக் கீழே வீசி, பின்னர் தாக்குவதும்அந்த வீடியோவில் பதிவாகி யிருந்தது. இது தொடர்பாக 5 பேர் கைது செய்யப்பட்ட நிலையில், இந்து ரக் ஷா தள் அமைப்பின் தலைவர் பிங்கி சவுத்ரி என்பவர் அவர்கள் தங்கள் அமைப்பினர் என்றும், அவர்களுக்குப் பாதுகாப்பு தேவை என்றும் வெளிப்படையாகக் கேட்டிருக்கிறார்.
அமைதியாகக் கூடி, அறவழியில் நடைபெறும் போராட்டத்தை ஒடுக்குவதற்கு போர்க்காலப் பதற்றம் போன்ற சூழல் உருவாக்கப்பட்டதால்தான், “அறிவிக்கப்படாத எமர்ஜென்சி” என்று இதனை விமர்சித்து, தன் கண்டனத்தைப் பதிவு செய்தார் திராவிட நாயகர் நம் கழகத் தலைவர் அவர்கள். எஸ்.ஐ.ஆர். மோசடி குறித்து முதன் முதலில் விழிப்புணர்வை ஏற்படுத்தியதும், தகுதியுள்ள ஒரு வாக்காளர் பெயர்கூட விடுபடக்
கூடாது என்று தி.மு.க.வினரைக் களமிறக்கிச் செயல்பட வைத்ததும், சட்டமன்றத்
தேர்தல் நடை பெற்ற மாநிலங்களில் நடந்த எஸ்.ஐ.ஆர். மோசடிகள் குறித்த செய்தி ஊடகங்களில் வெளியானதுமே இந்திய தலைமைத் தேர்தல் ஆணையர் ஞானேஷ்குமார் பதவி விலக வேண்டும் என்று முதல் குரல் கொடுத்தவரும் கழகத் தலைவர் அவர்கள்தான்.
இந்தியத் தலைநகரில் மாணவர்களும் இளைஞர்களும் ஜனநாயகம் காக்கும் போராட்டத்தில் ஈடுபட்டிருந்த அதே நாளில், சென்னையிலும் தமிழ்நாட்டின் பல பகுதிகளிலும் மாணவர் அமைப்புகள் தங்கள் போராட்டத்தை முன்னெடுத்தன. சென்னை பெசன்ட் நகரில் கூடிய மாணவர்களையும் இளைஞர்களையும் த.வெ.க. அரசின் காவல்துறை ஒரு மண்டபத்தில் சிறை வைத்தது.
உரிமைகளுக்காகப் போராடும் மாணவர்களை த.வெ.க அரசு கைது செய்வது இது முதல்முறையல்ல. ‘நீட்’ தேர்வுக்கு எதிரானப் போராட்டத்தின்போதும் மாணவர் அமைப்பினரைத் தீவிரவாதிகள் போல இழுத்துச் சென்று வேனில் ஏற்றியது. இடதுசாரி மாணவர் - இளைஞர் அமைப்புகளின் செயல்பாடு களைக் கல்வி நிலையங்களில் அனுமதிக்கக்கூடாது என்று கல்லூரிக் கல்வி இயக்ககம் மூலமாக சுற்றறிக்கை வெளியிட்டதும் த.வெ.க அரசுதான். எஸ்.ஐ.ஆர். மோசடிகளுக்குக் காரணமானத் தலைமைத்
தேர்தல் ஆணையர் பதவி விலகக் கோரி நடந்த போராட்டத்தையும் முடக்கிடும் வகையில், காலையிலேயே கைது நடவடிக்கைகளைத் தொடங்கிவிட்டது த.வெ.க அரசு.
மாணவர்களும் இளைஞர்களும் காவல்துறையினரால் கைது செய்யப்பட்டு மண்டபத்தில் அடைத்துவைக்கப்பட்டிருக்கிறார்கள் என்ற தகவல் கிடைத்தவுடனேயே கழகத் தலைவர் அவர்கள் இது குறித்து, கழக நிர்வாகி களுக்குத் தெரிவித்து, அறவழியில் போராடுபவர்களுக்கு ஆதரவாகக் கழகம் உறுதியாக நிற்கிறது என்பதை நேரில் உணர்த்திடச்
செய்தார்.
அதன்படி, கழகத் துணைப் பொதுச்செயலாளர் ஆ.ராசா எம்.பி, மாவட்டக் கழகச் செயலாளர் மா.சுப்பிரமணியன், நாடாளுமன்ற உறுப்பினர் தமிழச்சி தங்கபாண்டியன் ஆகியோர் விரைந்து சென்று, கைது செய்யப்பட்டிருந்தவர்களைச் சந்தித்து, போராட்டத்திற்கு கழகத்தின் ஆதரவைத் தெரிவித்ததுடன், அவர்களை விடுவிக்கும் வரை இங்கு தான் இருப்போம் என உறுதியளித்து, மண்டபத்தின் வாசலிலேயே தரையில் அமர்ந்து, போராட்டக்காரர்களை விடுவிக்கும்படி முழக்கங்கள் எழுப்பினர்.
தி.மு.க. நிர்வாகிகள் களமிறங்கியதால் காவல்துறை தயங்கியது. கைதானவர்களை விடுவிக்க முடிவு செய்தது. மதியப் பொழுதிற்குள் அவர்கள் அனைவரும் விடு விக்கப்பட, வாசலில் உட்கார்ந்து தங்களுக்காக முழக்கம் எழுப்பிய தி.மு.க. நிர்வாகிகளுக்குஅவர்கள் நன்றி தெரிவித்துவிட்டுச் சென்றனர். தலைமைத் தேர்தல் ஆணையருக்கு எதிராக டெல்லியில் நடக்கின்ற போராட்டமாக இருந்தாலும், சென்னையில் நடக்கின்ற போராட்டமாக இருந்தாலும் எங்கள் நிலைப்பாடு ஒன்றுதான் என்பதைச் செயலில் உணர்த்திக்காட்டியது திராவிட முன்னேற்றக் கழகம்.
அக்டோபர் 10 அன்று இந்தியத் தலை
நகரில் மாணவர்கள் - இளைஞர்களின் தன்னெழுச்சியானப் போராட்டம் நடைபெற்ற நாளில், தாங்களும் எஸ்.ஐ.ஆரை எதிர்க்கிறோம் என்று சொல்லிக்கொள்ளும் காங்கிரஸ் கட்சியின் எம்.பி.யும், மக்களவை எதிர்க்கட்சித் தலைவருமான ராகுல்காந்தி, அங்கே இல்லாமல் சென்னைக்கு வந்து விட்டார். மம்தாபானர்ஜி, அரவிந்த் கெஜ்ரிவால்,
இடதுசாரி கட்சிகளின் தலைவர்கள் டெல்லியில் மாணவர்களுக்கு ஆதரவாக இருந்து, பா.ஜ.க. அரசால் கைது செய்யப்பட்ட நிலையில், ராகுல்காந்திக்கு சென்னையில் அப்படி என்ன வேலை?
சட்டமன்றத் தேர்தலில் தி.மு.க. கூட்டணியில் 5 சீட்டுகளை வென்று, அடுத்தநாளே த.வெ.க. பக்கம் தாவிய நன்றிக்கெட்டத்தனத்தை மேலும் உறுதி செய்யும் வகையில், டெல்லி குலுங்கிட போராட்டம் நடந்த நாளில், விஜய்யுடன் சென்னையில் ஒரு காபிக் கடையில் உட்கார்ந்து உறிஞ்சிக் கொண்டிருந்தார் ராகுல்காந்தி. எந்த விஜய்? எஸ்.ஐ.ஆருக்கு எதிராகப் போராடிய மாணவர்களைக் காலையில் கைது செய்த ஆட்சியை நடத்துகிற அதே விஜய்தான். காங்கிரசின் இரட்டை வேடத்தை ராகுல்காந்தியே வெளிச்சம் போட்டுக் காட்டிவிட்டார்.
முதலாளியான ஒன்றிய அரசின் மனம் நோகாதபடி சேவகம் செய்வதில் பா.ஜ.க ஆளும் மாநில அரசுகளை மிஞ்சி நிற்கிறது விஜய்யின் த.வெ.க. அரசு. தமிழ்நாட்டில் போராட்ட உரிமைகளை முற்றிலும் பறிக்கின்ற வகையில் கடந்த 5 மாதங்களாகக் காவல்துறையின் தொடர் நடவடிக்கைகள் அமைந்துள்ளன. சென்னையில் தொடங்கி நாமக்கல் வரை பல ஊர்களிலும் தூய்மைப் பணியாளர்களின் போராட்டங்களைக் காவல்துறை கொண்டு முடக்கியது த.வெ.க அரசு. செவிலியர்களின் போராட்டத்தையும் ஒடுக்கியது. பன்னோக்கு மருத்துவப் பணியாளர்கள் தங்களின் கோரிக்கைகளை வலியுறுத்திப் போராடுவதற்கும் அனுமதியில்லை.
போராட்டத்தில் பங்கேற்பதற்காக வீட்டிலிருந்து புறப்பட்ட மருத்துவப் பணியாளர்களை அங்கேயே தடுத்து, வீட்டுக்காவலில் வைத்தது த.வெ.க அரசின் காவல்துறை. பாத்ரூம் செல்வதற்குக்கூட அனுமதிக்காமல், மருத்துவப் பணியாளர்களை விரட்டிச் சென்று கைது செய்தது. “மக்களுக்கு ஒன்று என்றால் இந்த விஜய் நிற்பான்” என்று பஞ்ச் டயலாக் பேசிய விஜய்யின் ஆட்சியில் ஜனநாயகம் பஞ்சர் ஆகிக்கிடக்கிறது.
தி.மு.க. ஆட்சியில் திட்டமிடப்பட்டு,
ஒன்றிய அரசிடம் நிதிக்காகப் போராடி, மாநில நிதியில் கட்டமைக்கப்பட்ட சென்னை மெட்ரோ இரண்டாவதுகட்டத் திட்டத்தை, நிதி தராத அரசின்பிரதமரும், நிர்வாகத் திறனில்லாத அரசின் முதல்வரும் சேர்ந்து தொடங்கி வைத்தார்கள். அந்த விழாவில் வைக்கப்பட்டிருந்தவள்ளுவருக்கு காவிச் சாயம் பூசப்பட்டிருந்தது. பா.ஜ.க வேறல்ல, த.வெ.க வேறல்ல என்பதன் அடை யாளம்தான் அது. தகிடுதத்தஆட்சியில் தமிழ்நாடு தனது தனித்துவமான பண்பாட்டு விழுமியங்களையும், ஜனநாயக உரிமைகளையும் ஒவ்வொருநாளும் இழந்து கொண்டிருக்கிறது.