சென்னை, அக்.15 –

“மின் உற்­பத்­தித் திட்­டங்­களை முன்­னெ­டுப்­ பதை விடுத்து, மின்­கட்­ட­ணத்தை உயர்த்­து­வ­தும், மின்­வெட்­டுக்கு வழி­வ­குப்­ப­தும், தனி­யா­ரி­டம் அதிக விலை கொடுத்து மின்­சா­ரம் வாங்­கு­வ­தும் மக்­க­ளின் சுமையை மேலும் அதி­க­ரிக்­கும்” என்று தேமு­திக பொதுச்செய­லா­லர் பிரே­ம­லதா விஜ­ய­காந்த கூறி­யுள்­ளார்.

இது குறித்து அவர் வெளி­யிட்­டுள்ள அறிக்­கை­யில், “கடந்த காலங்­க­ளில் ஒரு யூனிட் மின்­சா­ரத்தை ரூ.13-க்கு கொள்­மு­தல் செய்த நிலை­யில், மின்­மிகை மாநி­ல­மாக இருந்த தமி­ழ­கத்­தில் தற்­போது ஒரு யூனிட் மின்­சா­ரத்­தைத் தனி­யா­ரி­டம் இருந்து ரூ.35-க்கு கொள்­மு­தல் செய்ய வேண்­டிய அவ­சி­யம் என்ன?

தமி­ழ­கம் எந்­தத் திசையை நோக்­கிச் செல்­கி­றது என்ற கேள்­வியை இன்று மக்­கள் எழுப்பி வரு­கின்­ற­னர்.

ஒரு­பு­றம் மின்­ வெட்டு, மறு­பு­றம் மின்­கட்­டண உயர்வு என மக்­கள் பல்­வேறு சிர­மங்­க­ளைச் சந்­தித்து வரும் நிலை­யில், தனி­யா­ரி­டம் இருந்து ஒரு யூனிட் மின்­சா­ரத்தை ரூ.35 என்ற அதிக விலைக்கு வாங்­கு­வது எந்த வகை­யில் நியா­ய­மா­னது? இதற்­குத் தமி­ழகஅரசு உரிய விளக்­கம் அளிக்க வேண்­டும்.

ஏற்­கெ­னவே மின்­சா­ரத் துறை கடன் சுமை­யில் இருக்­கும் நிலை­யில், தமி­ழ­கம் சுமார் ரூ.10 லட்­சம் கோடி கட­னில் இருப்­ப­தா­கக் கூறப்­ப­டும் சூழ­லில், தனி­யா­ரி­டம் தொடர்ந்து அதிக விலை கொடுத்து மின்­சா­ரம் வாங்­கு­வ­தன் மூலம் மேலும் நிதிச் சுமையை ஏற்­ப­டுத்­து­வது எதற்­காக?

இந்­தக் கொள்­மு­தல் நட­வ­டிக்­கை­யின் அவ­சி­யம், விலை நிர்­ண­யம் மற்­றும் அதன் பின்­ன­ணி­யில் உள்ள கார­ணங்­கள் குறித்து அரசு வெளிப்­ப­டை­யாக விளக்க வேண்­டும்.

தமி­ழக மக்­க­ளின் நல­னைக் கருத்­தில்கொண்டு, மின்­சார உற்­பத்­தியை அதி­க­ரிப்­ப­தற்­கான புதிய திட்­டங்­ களை அரசு உட­ன­டி­யா­கச் செயல்­ப­டுத்த வேண்­டும். மின் உற்­பத்­தித் திட்­டங்­களை முன்­னெ­டுப்­பதை விடுத்து, மின்­கட்­ட­ணத்தை உயர்த்­து­வ­தும், மின்­வெட்­டுக்கு வழி­வ­குப்­ப­தும், தனி­யா­ரி­டம் அதிக விலைகொடுத்து மின்­சா­ரம் வாங்­கு­வ­தும் மக்­க­ளின் சுமையை மேலும் அதி­க­ரிக்­கும்.

மக்­க­ளின் வரிப் பணத்­தை­யும், மாநி­லத்­தின் நிதி­நி­லை­யை­யும் கருத்­தில்கொண்டு, மின்­சார உற்­பத்­தி­யைப் பெருக்கி, நியா­ய­மான விலை­யில் தடை­யற்ற மின்­சா­ரம் வழங்­கு­வதே அர­சின் கட­மை­யா­கும்” என்று பிரே­ம­லதா விஜ­ய­காந்த் வலி­யு­றுத்­தி­யுள்­ளார்.

விழுப்புரம் வடக்கு மாவட்டம் செஞ்சி, மயிலம், திண்டிவனம் சட்டமன்றத் தொகுதிக்கான தி.மு.க. செயற்குழுக் கூட்டம் செஞ்சியில் உள்ளதனியார் மண்டபத்தில்மாவட்ட அவைத் தலைவர் டாக்டர் சேகர் தலைமையில் நடைபெற்றது. செயற்குழு கூட்டத்தில் விழுப்புரம் வடக்கு மாவட்டச் செயலாளர், முன்னாள் அமைச்சர் செஞ்சி மஸ்தான் கலந்து கொண்டு பல்வேறு ஆலோசனை வழங்கி சிறப்புரையாற்றினார். உடன் முன்னாள் மத்திய அமைச்சர் செஞ்சி ராமச்சந்திரன், தலைமைக் கழக பிரதிநிதிகள் புதுச்சேரி மாநில தி.மு.க. அமைப்பாளர் புதுவை சிவா , மாநில மாணவரணி செயலாளர் ஜெ. வீரமணி, முன்னாள் சட்டமன்ற உறுப்பினர்கள் சேது நாதன், செந்தமிழ்ச் செல்வன், மாவட்ட இளைஞரணி அமைப்பாளர் ஆனந்த், செயற்குழு உறுப்பினர்கள் விஜயகுமார், நெடுஞ்செழியன் உள்ளிட்ட கழக நிர்வாகிகள் உள்ளனர்.