சென்னை, அக்.15 –

தலைமைத் தேர்தல் ஆணையர்ஞானேஷ்குமாரை பதவி நீக்க வலியுறுத்திபோராட்டம் நடத்திய காக்­ரோச் ஜனதா கட்­சி­யின் அசு­தோஷ் ரங்கா மற்றும் சௌரவ் தாஸ் ஆகி­ய இருவரும் நேற்று முன்தினம் கைது செய்யப் பட்டது தொடர்பாக, கழகத் தலைவர் மு.க.ஸ்டாலின் அவர்கள் வெளியிட்டுள்ளபதிவில், ‘அவ்விருவருக்கும் எனது ஆதரவும்தோழமையும்’ என்று குறிப்பிட்டுள்ளார்.

காக்­ரோச் ஜனதா கட்­சி­யின் அசு­தோஷ் ரங்கா, சௌரவ் தாஸ் ஆகி­யோர் கைதாகி ஐந்து நாள் நீதி­மன்­றக் காவ­லில் வைக்­கப்­பட்­ட­னர்.

போராட்­டம் நடத்­து­வ­தற்­கான இட­மாக ஜந்­தர் மந்­தர் ரத்து செய்­யப்­பட்ட மறு­நாளே, அங்கு நுழைய முயன்­ற­தா­கக் கூறி டெல்லி காவல்­து­றை­யி­னர் இரு­வர் மீதும் முதல் தக­வல் அறிக்கை பதிவு செய்­த­னர்.

லைவ் லா செய்­தி­யின்­படி, டெல்லி சிறப்பு நிர்­வாக மாஜிஸ்­தி­ரேட் நீதி­மன்­றம் இரு­வ­ரை­யும் 5 நாள் நீதி­மன்­றக் காவ­லில் வைக்க உத்­த­ர­விட்­டது.

இது­கு­றித்து காக்­ரோச் ஜனதா கட்­சி­யின்நிறு­வ­னர் அபி­ஜித் திப்கே, எக்ஸ் தளத்­தில் வெளி­யிட்ட பதி­வில், “அசு­தோ­ஷும் சௌர­வும் ஐந்து நாள் நீதி­மன்­றக் காவ­லுக்கு அனுப்­பப்­பட்­டுள்­ள­னர். அவர்­க­ளது குற்­றம் என்ன? ஜந்­தர் மந்­த­ரில் தேசி­யக் கொடியை காட்­டி­ய­து­தான்’’ என்­றார்.

மேலும், “நரேந்­திர மோதி, கொஞ்­ச­மா­வது துணிச்­ச­லைக் காட்­டுங்­கள். எதிர்ப்­புக் குரல்­களை ஒடுக்­கு­வ­தில் நீங்­கள் இவ்­வ­ளவு உறு­தி­யாக இருந்­தால், கோழைத்­த­ன­மான உத்­தி­க­ளுக்­குப் பின்­னால் ஒளிந்­து­கொள்­ளா­மல், அவ­ச­ர­ நி­லையை அதி­கா­ர­பூர்­வ­மாக அறி­விக்­கும் துணிச்­ச­லைக் காட்­டுங்­கள்,” என்று குறிப்­பிட்­டுள்­ளார்.

மேலும், “எங்­கள் தலை­வர்­க­ளான அசு­தோஷ், சௌரவ் ஆகிய இரு­வ­ரை­யும் ஐந்து நாட்­கள் சிறை­யில் அடைத்­தால் அவர்­கள் அச்­ச­ம­டைந்­து­ வி­டு­வார்­கள் என்று அரசு நினைத்­தால், அது தவ­றான எண்­ணம். அவர்­கள் தலை­நி­மிர்ந்­த­ப­டியே சிறைக்­குள் செல்­கி­றார்­கள். தாங்­கள் அஞ்­சப்­போ­வ­தில்லை என்­பதை நாட்டு மக்­க­ளுக்­குத் தெரி­வித்­துள்­ள­னர்,” என்றுஅஜின்க்யா ஷிண்டே கூறி­னார்.

இதற்கிடையே கழகத் தலைவர் மு.க.ஸ்டாலின் அவர்கள் தமது சமூக வலைதளப் பதிவொன்றில் கைதான இருவருக்கும் ஆதரவை தெரிவித்தும், பா.ஜ.க. அரசைக் கண்டித்தும் குறிப்பிட்டுள்ளார்.

நேற்று (14-.10-.2026), கழகத் தலைவர் மு.க.ஸ்டாலின் அவர் களின் சமூக வலைதளப் பதிவு வருமாறு:–

எத்தனை போராட்டக்காரர்களை இந்த அரசால் கைது செய்ய முடியும்? எத்தனை இளைஞர்களின் குரலை பா.ஜ.க.வால் ஒடுக்க முடியும்?

அவர்கள் சிறையில்அடைக்கும் இளைஞர்களின் எண்ணிக்கை அதிகரிக்க அதிகரிக்க, எந்த அரசியல் கட்சியையும் சாராத சாதாரண பொதுமக்களும் பெருமளவில் வீதிக்கு வந்து, மக்கள் சக்தி என்னவென்பதை அவர்களுக்குக் காட்டுவார்கள்!

அஷுதோஷ் ரங்கா மற்றும் சவுரவ் தாஸ் ஆகியோருக்கு எனது ஆதரவும் தோழமையும்! அவர் களுக்குத் தேவையான அனைத்துச் சட்ட உதவிகளை வழங்கவும், வழக்கறிஞர்களை ஏற்பாடு செய்ய வும் தி.மு.க. தயாராக உள்ளது.

இவ்வாறு கழகத் தலைவர் மு.க.ஸ்டாலின் அவர்கள் தமது சமூக வலைதளப் பதிவில் குறிப்பிட்டுள்ளார்.