சென்னை, அக். 15 –
முதலமைச்சர் விஜய் தலைமையிலான ஆட்சி அமைந்த பிறகு மின் மீட்டர் கணக்கீட்டில் தொடரும் குளறுபடியால் நுகர்வோர் கூடுதல் கட்டணம் செலுத்த வேண்டிய நிலைக்கு தள்ளப்பட்டுள்ளனர். இதனால், மின் நுகர்வோர் கடும் அவதிக்குள்ளாகி இருக்கின்றனர்.
மின் நுகர்வோர் பயன்படுத்தும் மின்சார பயன்பாடு குறித்த கணக்கீடு 2 மாதங்களுக்கு ஒரு முறை மேற்கொள்ளப்பட்டு அதற்கான கட்டணம் மின்வாரியத்தால் நிர்ணயிக்கப்படு கிறது.
த.வெ.க. ஆட்சி வந்த பிறகு மின் மீட்டர் கணக்கீட்டில் பல குளறுபடிகள் இருக்கின்றன என்று நுகர்வோர் குற்றச்சாட்டு களை முன்வைத்துள்ள னர்.
இதுவரை இல்லாத அளவுக்கு பல வீடுகளுக்கு இருமடங்கு கட்டணம் அதிகரித்துள்ளது என்றும், சில வீடுகளுக்கு பல மடங்கு கட்டணம் அதிகரித்துள்ளது என்றும் புகார் எழுந்துள்ளது.
இதுகுறித்து பாதிக்கப்பட்டவர்கள் மின்வாரியத் துக்கு புகார் அளித்தும் முறையான நடவடிக்கை எடுக்கப்படவில்லை என்ற குற்றச்சாட்டும் இருக்கிறது.
அதுமட்டுமல்லாமல், இது தொடர்பாக விளக்கம் கேட்டு சம்பந்தப்பட்ட மின்வாரி யத்தை பொதுமக்கள் தொடர்பு கொண்டால் அங்கிருக்கும் அலுவலர்கள் மிக அலட்சியமாக பதில் அளிப்பதாகவும் கூறப்படு கிறது.
இதனால் வேறு வழியில்லாமல் அதிகப்படியான கட்டணத்தை செலுத்த வேண்டிய நிலைக்கு பொதுமக்கள் தள்ளப்பட்டுள்ளனர்.
மின் மீட்டர் கணக்கெடுப்பில் தொடர்ந்து குளறுபடி நிலவி வருவது பொதுமக்கள் மத்தியில் மிகுந்த அதிருப்தியை ஏற்படுத்தி உள்ளது.
அதாவது, சென்னையில் பெரும்பாலான பகுதியில் உள்ள பல வீடுகளில் மின் மீட்டர் குறிப்பிட்ட யூனிட்டுகளை எட்டுவதற்கு முன்பே அதனை எட்டி விட்டதாக கூறி மின் கணக்கீடு செய்யப்பட்டு அதற்கான கட்டணம் நிர்ணயிக்கப்பட்டுள்ளது. இது மின் நுகர்வோர் மத்தியில் கடும் அதிர்ச்சியை ஏற்படுத்தி உள்ளது.