சென்னை, அக். 15 –
சென்னையில் வசிக்கும் லட்சக்கணக்கான வெளி மாவட்ட மக்கள் பண்டிகைக் காலங்களில் தங்களது சொந்த ஊர்களுக்குச் செல்ல அரசுப் பேருந்துகளைப் பயன்படுத்துகின்றனர்.
இதனால், சென்னையில் இருந்து வெளியூர்களுக்குச் செல்லும் பேருந்துகளில் கடும் கூட்டம் காணப்படுவது வழக்கம்.இதைக் கருத்தில் கொண்டு,கடந்த திமுக ஆட்சியில்,கலைஞர் நகர், தாம்பரம், பூந்தமல்லி உள்ளிட்ட பல்வேறு பகுதிகளில் இருந்து சிறப்புப் பேருந்துகள் இயக்கப்பட்டன.
இதன் மூலம், பயணிகள் தங்களுக்கு அருகில் உள்ள பேருந்து நிலையங்களுக்குச் சென்று பேருந்துகளில் ஏறிச் செல்லும் வசதி இருந்தது.
ஆனால், தற்போது ஆயுத பூஜை மற்றும் தீபாவளிபண்டிகைகளுக்கானசிறப்புப் பேருந்து ஏற்பாடுகளில் தவெக அரசு குளறுபடிகளை அரங்கேற்றியுள்ளது.
அதன்படி சென்னைக்குவெளியே மறைமலை நகரில் தற்காலிகப் பேருந்துநிலையம் அமைக்கப்படும் என அறிவிக்கப்பட்டுள்ளது. இதனால் சென்னையின் பல்வேறு பகுதிகளில்இருந்து வரும் பயணிகள்கடும் சிரமத்துக்கு ஆளாகவுள்ளனர்.
இந்நிலையில், த.வெ.க. அரசின் முடிவால் பொதுமக்கள் அதிர்ச்சியடைந்துள்ளனர். சென்னையி லிருந்து 41 கிலோ மீட்டர் தொலைவில் தற்காலிக பேருந்து நிலையம் அமைப்பது எந்தவகையில் நியாயம் என கேள்விஎழுப்பியுள்ளனர்.
பண்டிகைக் காலங்களில்ஏற்கெனவே சென்னையின் முக்கியச் சாலைகளில் போக்குவரத்து நெரிசல் அதிகரிக்கும் நிலையில், பேருந்து நிலையத்தை அடைவதற்கே பயணிகள் கூடுதல் நேரம் செலவிட வேண்டிய நிலை ஏற்பட்டுள்ளது.
சென்னையின் பல்வேறுபகுதிகளில் இருந்து இணைப்புப் பேருந்துகளை அதிகரிப்பதுடன், தேவைக்கேற்ப கூடுதல் புறப்பாட்டு இடங்களை ஏற்படுத்தவும் நடவடிக்கை எடுக்க வேண்டும் என பயணிகள் வலியுறுத்தியுள்ளனர்.