தஞ்சை, அக். 16 –
டெல்டா மாவட்ட விவசாயிகளின் முக்கிய நீர் ஆதாரமாக விளங்கக்கூடிய மேட்டூர் அணையிலிருந்து ஆண்டுதோறும் ஜூன் 12-ம் தேதி பாசனத்திற்கு தண்ணீர் திறந்து விடப்படுவது வழக்கம்.
ஜூன் 12ஆம் தேதி திறக்கப்படும் நீரானது, ஜனவரி மாதம் 28ஆம் தேதி வரை சுமார் 200 நாட்களுக்கு மேல் பாசனத்திற்கு தண்ணீர் திறந்து விடப்படும். 7 மாதத்திற்கு திறக்கப்படும்நீரால் தமிழ்நாட்டில் குறுவை, சம்பா, தாளடி என முப்போகவிளைச்சல் நடைபெறும். கடந்த ஐந்து ஆண்டுகளாகமேட்டூர் அணையில் போதிய நீர் இருப்பு இருந்ததால், தமிழகத்தில் நெல் சாகுபடி உயர்ந்து விவசாயம் செழித்தது. இந்தாண்டு, த.வெ.க. அரசு செப்டம்பர் மாதம் ஒன்றாம் தேதி டெல்டா பாசனத்திற்கு தண்ணீர் திறந்து வைத்தது.
கர்நாடகா அரசிடம் இருந்து நீர் பெறப்படாததால், அணையின் நீர்மட்டம் 59 அடிக்கு குறைந்து, நீர்வரத்து வினாடிக்கு 787 கன அடியாக குறைந்தது. இதனால் டெல்டா பாசனத்திற்கு திறந்து விடப்படும் நீர் நிறுத்தப்படும் என்று அறிவிக்கப்பட்டுள்ளது. போதியநீர் இல்லாததாலும் முறையான திட்டமிடல் இல்லாததாலும் தமிழகத்தில் சம்பா சாகுபடியும் பாதிக்கப்படும் அவல நிலைஉருவாகியுள்ளதாக விவசாயி கள் தெரிவித்துள்ளனர்.
விவசாயம் மட்டுமில்லாமல், சேலம், நாமக்கல், கரூர், திருச்சி, தஞ்சாவூர் திருவாரூர், நாகப்பட்டினம் உள்ளிட்ட பல மாவட்டங்களுக்குகுடிநீர் தட்டுப்பாடு ஏற்படும் அபாயம் நிலவுவதாகசமூக ஆர்வலர்கள் வேதனைதெரிவித்துள்ளனர்.
மேட்டூர் அணையின் நீர்மட்டம் 59 அடிக்கு கீழ் சரிந்ததால், நீரில் மூழ்கியிருந்த நந்தி சிலை முழுவதும் வெளியே தெரிய துவங்கியது. 120 அடி கொண்ட மேட்டூர் அணையின் நீர்மட்டம் 77 அடிக்கு கீழே செல்லும்போது கிறிஸ்தவ தேவாலயமும், 70 அடிக்குக் கீழே செல்லும்போது ஜலகண்டேஸ்வரர் ஆலய நந்தி சிலை தலைப்பகுதி வெளியில் தெரியும்.
மேலும் நீர்மட்டம் 40 அடிக்கு கீழே சரிந்தால் சோளபாடியில் வீரபத்திரன் ஆலயமும், 30 அடிக்கு கீழே சரிந்தால் மீனாட்சியம்மன் ஆலயம் வெளியே தெரியும். தற்போது நீர்மட்டம் 59 அடியாக சரிந்துள்ளது. இதன் காரணமாக பண்ணவாடி நீர்தேக்க பகுதியில் நீரில் மூழ்கியிருந்த ஜலகண்டேஸ்வரர் ஆலய கோபுரமும், நந்தி சிலை முழுவதும் வெளியே தெரிய தொடங்கியது.