#Title

குன்றத்தூரில் இன்று மாலை நடைபெறுகிறது காஞ்சிபுரம் வடக்கு மாவட்ட தி.மு.கழக செயற்குழு உறுப்பினர்கள் கூட்டம்! மாவட்ட கழகச் செயலாளர் தா.மோ.அன்பரசன் அறிக்கை!

காஞ்சிபுரம், அக். 16–

காஞ்சிபுரம் வடக்கு மாவட்ட தி.மு.கழக செயற்குழு உறுப்பினர்கள் கூட்டம் கழக மறுசீரமைப்பு குழு – தலைமைக் கழகப் பிரதிநிதிகள் சி.என்.அண்ணாதுரை எம்.பி., – கோவி.லெனின் என்.மருது கணேஷ் – ராணி ரவிச்சந்திரன் ஆகியோர் முன்னிலையில் நடைபெறுகிறது என்று காஞ்சிபுரம் வடக்கு மாவட்டச் செயலாளர் – முன்னாள் அமைச்சர் தா.மோ.அன்பரசன் கூறியுள்ளார்.

இது குறித்து அவர் வெளியிட்டுள்ள அறிக்கை வருமாறு:

காஞ்சிபுரம் வடக்கு மாவட்டக் கழக செயற்குழு உறுப்பினர்கள் கூட்டம் இன்று 16.10.2026 – வெள்ளிக்கிழமை, மாலை 4.00 மணியளவில், குன்றத்தூர், செங்குந்தர் திருமண மண்டபம் வளாகத்தில் அமைந்துள்ள அறிஞர் அண்ணா திருமண மண்டபத்தில் மாவட்ட அவைத் தலைவர் த.துரைசாமி தலைமையிலும், தலைமை கழகப் பிரதிநிதிகள் சி.என்.அண்ணாதுரை எம்.பி., – கோவி.லெனின் – என்.மருது கணேஷ் – ராணி ரவிச்சந்திரன் – மாவட்ட கழக துணைச் செயலாளர்கள் இ.கருணாநிதி, வரலட்சுமி மதுசூதனன், து.மூர்த்தி மற்றும் மாவட்ட பொருளாளர் வெ.விசுவநாதன் ஆகியோர் முன்னிலையிலும் நடைபெற உள்ளது.

இக்கூட்டத்தில் கழக நாடாளுமன்ற உறுப்பினர்கள் – முன்னாள் சட்டமன்ற உறுப்பினர்கள், தலைமைச் செயற்குழு – பொதுக்குழு உறுப்பினர்கள், மாநகர – பகுதி – ஒன்றிய – நகர – பேரூர் கழகச் செயலாளர்கள், கழக அணிகளின் மாநில நிர்வாகிகள் – மாவட்ட அமைப்பாளர்கள், உள்ளாட்சி மன்றப் பிரதிநிதிகள், சிறப்பு அழைப்பாளர்கள் உள்ளிட்ட கழக நிர்வாகிகள் அனைவரும் தவறாமல் கலந்து கொண்டு சிறப்பிக்கும்படி அன்புடன் கேட்டுக்கொள்கிறேன்.

இக்கூட்டத்தில் கழக மறுசீரமைப்பு பணிகள் குறித்து ஆலோசிக்கப்பட்ட உள்ளது.

இவ்வாறு அவர் அறிக்கையில் கூறியுள்ளார்.

திரைப்படப் பாடலாசிரியரும் கவிஞருமான கருணாகரனின் தந்தை, மறைந்த எம். லட்சுமணன் அவர்களின் முதலாம் ஆண்டு நினைவு நாளை முன்னிட்டு, சென்னையில் அவரது திருவுருவச் சிலை திறப்பு விழா நடைபெற்றது. இவ்விழாவில், திராவிட முன்னேற்றக் கழகத்தின் செய்தித் தொடர்பாளரும் முன்னாள் நாடாளுமன்ற உறுப்பினருமான டி.கே.எஸ். இளங்கோவன் மற்றும் நடிகர் சங்கத் தலைவர் நாசர் ஆகியோர் கலந்துகொண்டு சிலையைத் திறந்து வைத்துச் சிறப்பித்தனர். மேலும், திமுக சட்டத்துறை இணைச் செயலாளர் ஈ. பரந்தாமன், மருத்துவரும் நடிகருமான தீரஜ், நடிகர் தீனா, மருத்துவர் கிருத்திகா தேவி மற்றும் மாவட்டச் செயலாளர் ஆர்.டி. சேகர் ஆகியோர் கலந்துகொண்டு விழாவைச் சிறப்பித்தனர். கலைஞரின் தீவிரத் தொண்டராக வாழ்ந்த மறைந்த எம். லட்சுமணன் அவர்களின் நினைவைப் போற்றும் வகையில் நடைபெற்ற இவ்விழாவில், அரசியல் பிரமுகர்கள் மற்றும் திரைத்துறையினர் பங்கேற்றுச் சிறப்பித்தனர்.