மதுரை, அக். 16 –
மதுரை, கம்பம், ஸ்ரீவில்லிபுத்தூரில் ஒரே நாளில் 3 பேர் கொலை செய்யப்பட்ட சம்பவம் பரபரப்பை ஏற்படுத்தி உள்ளது. மதுரை மாவட்டம், விராதனூர் சத்யா நகர் பகுதியை சேர்ந்தவர்கள் சந்தோஷ்குமார் (24), தினேஷ் (20). இருவரும் நேற்று முன்தினம் நள்ளிரவில் அப்பகுதியில் டூவீலரில் சென்று கொண்டிருந்தனர். அப்போது அவ்வழியாக வந்த கார் திடீரென டூவீலர் மீது மோதியது. இதில் இருவரும் நிலைதடுமாறி கீழே விழுந்தனர். காரில் இருந்து இறங்கிய கும்பல், இருவரையும் சரமாரியாக வெட்டிவிட்டு தப்பிச் சென்றது. இச்சம்பவத்தில் பலத்த காயமடைந்த சந்தோஷ்குமார் சம்பவ இடத்திலேயே துடிதுடித்து உயிரிழந்தார். தினேஷ் படுகாய மடைந்தார்.
கம்பம்: தேனி மாவட்டம், கம்பம் அருகே உள்ள அண்ணாபுரம் பகுதியை சேர்ந்தவர் பிரபு (32). இங்குள்ள ஜவுளிக்கடையில் வேலை பார்த்து வந்தார். இவரது மனைவியும் அதே கடையில் வேலை பார்த்து வருகிறார். இருவரும் நேற்று முன்தினம் தினம் இரவு கம்பம் புறவழிச் சாலை பகுதியில் உள்ள திரையரங்கிற்கு டூவீலரில் சென்றனர். கம்பம் ஊத்துக்காடு பிரிவு அருகே, இவர்களின் டூவீலர் மீது எதிரே வந்த மற்றொரு டூவீலர் லேசாக உரசியது. அந்த டூவீலரில் கம்பம் கோம்பை ரோடு பகுதியை சார்ந்த ரஞ்சித் (21), கிரி (21), வருசநாடு பகுதியை சேர்ந்த முத்துப்பாண்டி (23) ஆகியோர் இருந்தனர். அவர்களிடம், ‘ஒரே வாகனத்தில் மூன்று பேர் ஏன் இவ்வளவு வேகமாக வருகிறீர்கள்?’ என்று ேகட்டு பிரபு கண்டித்தார்.
பின்னர் மனைவியை திரையரங்கில் இறக்கிவிட்ட அவர், டூவீலரை நிறுத்த பார்க்கிங் பகுதிக்கு சென்றார். அங்கு வந்த ரஞ்சித், கிரி, முத்துப்பாண்டி ஆகியோர் அவருடன் தகராறு செய்தனர். தகராறு முற்றிய நிலையில் திடீரென கத்தியை எடுத்து பிரபுவை சரமாரியாக தாக்கியதில் அவர் உயிரிழந்தார். கம்பம் வடக்கு போலீசார் வழக்குப்பதிந்து ரஞ்சித், கிரி ஆகியோரை கைது செய்தனர். ஸ்ரீவில்லி புத்தூர்: விருதுநகர் மாவட்டம், ஸ்ரீவில்லிபுத்தூர் அருகே உள்ள கூனம்பட் டியைச் சேர்ந்தவர் ஈஸ்வரன் (48). கூலி தொழிலாளி. இவரது மனைவி பாலகுரு (42). ஸ்ரீவில்லிபுத்தூர் அருகே உள்ள சித்தா லம்புத்தூர் பகுதியை சேர்ந்தவர் தமிழழகன் (34). டிரைவர். இவருக்கு திருமண மாகி மனைவி இறந்துவிட்டார்.
இவர் ஈஸ்வரனின் மகளுடன் பழகி வந்துள்ளார். இதனை ஈஸ்வரன் கண்டித்துள்ளார். இந்நிலையில் ஈஸ்வரனின் மகளை பெண் கேட்டு தமிழழகன் சமீபத்தில் வீட்டிற்கு வந்தார். அப்போது அவர்களுக்குள் தகராறு ஏற்பட்டது. இதனிடையே நேற்று முன்தினம் இரவு ஈஸ்வரனின் வீட்டிற்கு தமிழழகன் வந்தார். அப்போது ஈஸ்வரன் கண்டித்ததால் திரும்ப சென்றுவிட்டார். இதையடுத்து ஈஸ்வரனும், அவரது மனைவி பாலகுருவும் சித்தாலம்புத்தூரில் உள்ள தமிழழகனின் வீட்டிற்கு சென்றனர். அங்கு, நடந்த சம்பவங்களை அவரது தந்தையிடம் கூறி கண்டித்தனர்.
அப்போது ஈஸ்வரனுக்கும் தமிழழகனுக்கும் தகராறு ஏற்பட்டது. ஆத்திரமடைந்த ஈஸ்வரன், தான் கொண்டுவந்த அரிவாளால் தமிழழகனை வெட்டினார். அப்போது தமிழழகன் அந்த அரிவாளை பிடுங்கி பதிலுக்கு ஈஸ்வரனை சரமாரியாக வெட்டினார். இதில் ஈஸ்வரன் உயிரிழந்தார். தடுக்க முயன்ற ஈஸ்வரன் மனைவி பாலகுருவுக்கும் வெட்டு விழுந்தது. இது குறித்து போலீசார் விசாரிக்கின்றனர்.
பாலியல் தொழில் போட்டி? வாலிபர் கொன்று புதைப்பு
காட்பாடி தாலுகா திருவலம் அடுத்த அம்முண்டியை சேர்ந்தவர் தேவராஜ் (35). இவர் வேலூர் காகிதப்பட்டறையில் உள்ள ஒரு தனியார் லாட்ஜில் ஊழியராக பணிபுரிந்து வந்தார். கடந்த 9ம் தேதி காலை வழக்கம்போல் வீட்டில் இருந்து பணிக்கு சென்றவர், வீடு திரும்பவில்லை. தேவராஜ் கடைசியாக சென்ற யாசினை (32) உட்பட 2 பேரை பிடித்து விசா ரித்ததில், தேவராஜை கழுத்தில் வெட்டி கொலை செய்து யாசின் வீட்டின் பின்புறம் புதைத்திருப்பது தெரியவந்தது.
முதற்கட்ட விசாரணை யில், யாசின் சூதாட்ட கிளப் நடத்தி வந்ததும், பெண்களை வைத்து விபசாரம் செய்து வந்ததும் தெரியவந்தது. தேவராஜ் பணி செய்து வந்த தனியார் லாட்ஜிலும் விபசாரம் உட்பட சமூக விரோத செயல்கள் நடந்து வருவதும்தெரியவந்தது. இதனால் தொழில் போட்டியில் தேவராஜ் கொலை செய்யப்பட்டிருக்கலாம் என கூறப்படுகிறது.