தருமபுரி, அக். 16 –
தருமபுரி அருகே முகமுடி கொள்ளையர்கள் அட்டகாசம். ஒரே இரவில் 4 கடைகளின் பூட்டை உடைத்து பாத்திர கடையில் ரூ.25 ஆயிரம் திருட்டு. சிசிடிவி காட்சிகள் வெளியாகி பரபரப்பு.
தருமபுரி மாவட்டம் அதியமான் கோட்டை மற்றும் ஔவை நகர், சத்யா நகர், ஒட்டப்பட்டி உள்ளிட்ட பகுதிகளில் இரவு நேரங்களில் தொடர் திருட்டில் ஈடுபட்டு வரும் முகமுடி அணிந்த கொள்ளையர்களால் வியாபாரிகள் மற்றும் பொதுமக்கள் அச்சமடைந்துள்ளனர்.
இந்நிலையில் நேற்று ஒரே இரவில் பாத்திரை கடை, உடற்பயிற்சி மையம், பழைய இரும்பு கடை என நான்கு கடைகளின் பூட்டுகளை உடைத்துள்ளனர். இதில் பாத்திரை கடையில் இருந்த சுமார் ரூ.25 ஆயிரம் ரொக்கப் பணத்தை மர்ம நபர் திருடிச் சென்றுள்ளனர். இந்தத் திருட்டுச் சம்பவம் தொடர்பான சிசிடிவி காட்சிகள் தற்போது வெளியாகி பெரும் பரபரப்பை ஏற்படுத்தியுள்ளது. சிசிடிவி காட்சிகளில் மர்ம நபர் கடைகளின் பூட்டுகளை உடைத்து உள்ளே புகுந்து பணத்தைத் திருடிச் செல்லும் காட்சிகள் பதிவாகியுள்ளது.
மேலும் அதியமான் கோட்டை மற்றும் ஔவை நகர், சத்யா நகர் ஆகிய பகுதிகளில் தொடர்ந்து நேற்று இரவு முன்தினம் நான்கு பேர் கொண்ட முகமுடி அணிந்த மர்ம கும்பல் சுற்றித்திரிந்து கடைகளை பார்வையிட்டு வரும் சம்பவத்தால் இரவு நேரங்களில் கடைகளைப் பாதுகாப்பாக வைத்திருப்பதில் வியாபாரிகள் கவலை அடைந்துள்ளனர்.
மேலும் சிசிடிவி காட்சிகளின் அடிப்படையில் மர்ம நபர்களைக் கண்டறிந்து தொடர் திருட்டுச் சம்பவங்களில் ஈடுபடுபவர்களைக் கைது செய்து தொடர்ந்து தருமபுரி மாவட்டத்தில் முகமுடி கொள்ளைகளின் அட்டகாசம் அதிகரித்து வருவதால்
காவல்துறையினர் விரைந்து நடவடிக்கை எடுக்க வேண்டும் என அப்பகுதி வியாபாரிகள் மற்றும் பொதுமக்கள் கோரிக்கை விடுத்துள்ளனர்.