#Title

நெல்லை பாளையங்கோட்டை - முருகன் குறிச்சி – திருவனந்தபுரம் சாலையில் மாணவ- – மாணவிகள் நலன் கருதி வேகத்தடை அமைத்திட வேண்டும்! நெல்லை மத்திய மாவட்டப் பொறுப்பாளர் மு.அப்துல் வஹாப் எம்.எல்.ஏ. மாவட்ட ஆட்சியரிடம் கோரிக்கை!

நெல்லை, அக்.16–

நெல்லை மத்திய மாவட்ட பொறுப்பாளர் மு.அப்துல்வஹாப் எம்.எல்.ஏ. முருகன் குறிச்சி- திருவந்தபுரம் சாலையில் வேகத்தடை அமைக்க கோரியும்,கடந்த கழக ஆட்சியில் தேசிய நெடுஞ்சாலை திருநெல்வேலி கோட்டம் மூலம் ரூபாய் 5.58 கோடி நிதி ஒதுக்கீடு செய்யப்பட்டு பணிகள் துவங்கப்பட்டது. தொடங்கப்பட்ட பணிகள் இடையில் நிறுத்தப்பட்டதால் மக்கள் மிகவும் சிரமப்படு கின்றனர்.அதனை மக்கள் பயன்பாட்டிற்கு உடனடியாக பணிகளை

துவங்க வலியுறுத்தியும்,ஆகிய 2 கோரிக்கை மனுக்களை நெல்லை மாவட்ட ஆட்சியர் ஆனந்த்மோகனிடம் நேரில் கொடுத்துள்ளார்.

அதில் அவர் தெரிவித்திருப்பதாவது:

பாளையங்கோட்டை-முருகன் குறிச்சியில் திருவனந்தபுரம் சாலையில் கதீட்ரல் மேல்நிலைப்பள்ளி, மேரி ஜார்ஜ் பெண்கள் மேல்நிலைப்பள்ளி அமைந்துள்ளது.பள்ளிகளுக்கு எதிர் புறத்தில் சாலையின் வடபுறத்தில் மிகப்பெரும் வணிக நிறுவனங்களும் அமைந்துள்ளது.

மாணவ,மாணவியர்கள் பேருந்துகளில் ஏறுவதற்கு சாலையை கடந்து வடபுறம் வரவேண்டியுள்ளது.சாலையில் வாகனங்கள் மிக வேகமாக வருவது மாணவர்களுக்கு அச்சத்தை ஏற்படுத்துகிறது.ஒரு சில விபத்துகளும் நடந்துள்ளது.

எனவே மாணவ,மாணவியர்கள் பாதுகாப்பு கருதி திருவனந்தபுரம் சாலையில் 2 பள்ளிகளுக்கு மேற்கிலும், கிழக்கிலும் உடனடியாக வேகத்தடை அமைத்திட கேட்டுக்கொள்கிறேன்.என தெரிவித்துள்ளார்.

மற்றொரு மனுவில் அவர் தெரிவித்திருப்பதாவது.

பாளையங்கோட்டை சட்டமன்றத் தொகுதிக்குட்பட்ட மேலப்பாளையம் அம்பாசமுத்திரம் ரோடு ரிலையன்ஸ் பங்க் ரவுண்டானாவில் இருந்து VST பள்ளிவாசல் சந்திப்பு வரை சாலை அகலப்படுத்த திட்டமிடப்பட்டு கடந்த தி.மு.க.ஆட்சியில் தேசிய நெடுஞ்சாலை திரு நெல்வேலி கோட்டம் மூலம் ரூபாய் 5.58 கோடி நிதி ஒதுக்கீடு செய்யப்பட்டு பணிகள் துவங்கப்பட்டது.தொடங்கப்பட்ட பணிகள் இடையில் நிறுத்தப்பட்ட தால் சாலையில் சிதறிக் கிடக்கும் ஜல்லிக் கற்கலாலும்,தூசுகளாலும் மக்கள் மிகவும் சிரமப்படு கின்றனர்.

பாளையங்கோட்டையில் இருந்து பாபநாசம் வரை அன்றாட வாகனங்களில் பயணிக்கின்ற பொதுமக்களும், பாளையங்கோட்டையில் படிக்க வரும் மாணவ,மாணவியர்களும்,வேலைக்கு செல்பவர்களும் தினமும் அதிகமாக பயன்படுத்தும் முக்கிய சாலையாக விளங்குகிறது.

ஏற்கனவே அம்பை சாலையில் போடப்படாத சாலையினால் ஒரு குழந்தையின் உயிர் பறிக்கப்பட்டது போல்,துயர சம்பவம் நடப்பதற்கு முன் உடனடியாக பணிகளை துவங்கி விரைவில் மக்கள் பயன்பாட்டிற்கு கொண்டு வருமாறு கேட்டுக் கொள்கிறேன் என தெரிவித் துள்ளார்.

இவ்வாறு அவர் தனித்தனியாக இரண்டு கோரிக்கை மனுவில் தெரிவித்துள்ளார்