செஞ்சி அக் 16-–
விழுப்புரம் மாவட்டம் செஞ்சி அடுத்த ஆலம்பூண்டியில்7 வயது சிறுமி காணமல் போன வீட்டுக்கு, விழுப்புரம் வடக்கு மாவட்ட செயலாளர் முன்னாள் அமைச்சர் செஞ்சி மஸ்தான்ஒன்றியக் குழுத் தலைவர் விஜயகுமார் மற்றும் கட்சி நிர்வாகிகளுடன் நேரில் சென்று பெற்றோரைச் சந்தித்து விவரங்களை கேட்டறிந்தார்.இதுகுறித்து முன்னாள் அமைச்சர், விழுப்புரம் வடக்கு மாவட்ட செயலாளர் செஞ்சிமஸ்தான் தனது அறிக்கையில் கூறுகையில்
தொடர்ந்து, விசாரணை மேற்கொண்டு வரும் காவல்துறை அதிகாரிகளையும் சந்தித்து விசாரணை யின் நிலவரம் குறித்து கேட்டறிந்தார்.
சிறுமி காணாமல் போனது தொடர்பாக நான்கு நாட்களாக காவல்துறையினர் தேடியும் விசாரணை நடத்தியும், இதுவரை எந்த முன்னேற்றமும் ஏற்படாதது வேதனையளிக்கிறது.
குழந்தையின் பெற்றோரும், கிராம மக்களும் மிகுந்த கவலையிலும் கொந்தளிப்பிலும் உள்ளனர்.
தமிழக முதல்வர் விஜய், ‘நான் உங்கள் வீட்டுப் பிள்ளை, உங்கள் நண்பன், தாய் மாமன்’ எனப் பேசி வருகிறார். ஆனால், காவல்துறைக்குப் பொறுப்பு வகிக்கும் முதல்வராக, காணாமல் போன சிறுமியை மீட்பதில் உரிய கவனம் செலுத்தவில்லை.
திரைப்படங்களில் மூன்று மணி நேரத்தில் குற்றவாளிகளை கண்டுபிடித்து நடவடிக்கை எடுப்பது போன்ற காட்சிகளில் நடித்தது சாதனையல்ல.
நிஜ வாழ்க்கையில் ஒரு குழந்தை காணாமல் போயிருக்கும்போது, அதை மீட்டுப் பெற்றோரிடம் ஒப்படைப்பதற்குத் தேவையான நடவடிக்கைகளை தமிழக முதல்வராக விரைந்து நடவடிக்கை எடுக்க வேண்டும்.
காவல்துறையால் சிறுமியைக் கண்டுபிடிக்க முடியாத நிலை ஏற்பட்டால், இனியும் காலதாமதம் செய்யாமல் வழக்கை சிபிசிஐடி விசாரணைக்கு மாற்றி உத்தரவிட வேண்டும். பொறுப்புள்ள எதிர்க்கட்சியாக, இந்த விவகாரத்தில் தொடர்ந்து அமைதி யாக இருக்க முடியாது.
சிறுமியைப் பாதுகாப்பாக மீட்கவும், அவரது பெற்றோரின் கவலையைப் போக்கவும் தமிழக அரசும் காவல்துறையும் விரைந்து நடவடிக்கை எடுக்க வேண்டும்என இவ்வாறு அவர் அறிக்கையில் தெரிவித்துள்ளார்.