கொல்கத்தா, அக்.16–
மேற்கு வங்கத்தின் முன்னாள் முதல்வர் மம்தா பானர்ஜி, சி.ஜே.பி. நிர்வாகிகள் கைது செய்யப்பட்ட சம்பவத்திற்குத் தனது கடுமையான கண்டனங்களைப் பதிவு செய்துள்ளார். மேலும், நாட்டின் கோடிக்கணக்கான இளைஞர்களை நோக்கி, “சகோதரியாக எப்போதும் உங்களு டன் இருக்கிறேன்” என்று அவர் உறுதியளித்துள்ளார்.
மம்தா பானர்ஜியின் எக்ஸ் தளப் பதிவு வருமாறு:இந்தக் கைது நடவடிக்கைக்குக் கண்டனம் தெரிவித்து மம்தா பானர்ஜி தனது சமூக வலைதளப் பதிவில், ஜனநாயக உரிமைக்காக எங்களுடைய முந்தைய தலைமுறையினரும் நாங்களும் கடுமையாகப் போராடியுள்ளோம்; அந்தப் போராட்டத்தை நாம் தொடர்ந்து செய்தாக வேண்டும். அசுதோஷ் ரன்கா மற்றும் சௌரவ் தாஸ் கைது செய்யப்பட்டுள்ளதை நான் வன்மையாகக் கண்டிக்கிறேன்.
ஜனநாயகத்தைப் பாதுகாக்க அனைவரும் ஒன்றிணைந்து போராட வேண்டிய தருணம் இது. இது ஒட்டுமொத்த தலைமுறையையும் அச்சுறுத்தி அமைதிப்படுத்தும் முயற்சி யாகும். இதை எக்காலத்திலும் ஏற்றுக்கொள்ள முடியாது. நமது அரசியலமைப்பு உரிமைகளை நாம் ஒரு போதும் விட்டுக்
கொடுக்கக் கூடாது.
நாட்டின் பல பகுதிகளில் இதுபோன்ற ஜனநாயகப் படுகொலைகள் தொடர்ந்துஅரங்கேறி வருவதாக குறிப்பிட்ட அவர், மேற்கு வங்கத்தில் உள்ள 14,000 மக்கள் காவல்துறையினரின் அச்சுறுத்தல்களை எதிர்கொண்டு வருவதாகவும் குற்றம் சாட்டினார்.
‘மக்களின், மக்களால், மக்களுக்காக’ என்ற ஜனநாயகக் கோட்பாட்டை மறந்து செயல்படும் அரசு, தனது இறுதிக்கட்டத்தைநெருங்கி வருவதாகவும் அவர்கடுமையாக விமர்சித்தார்.
இறுதியாக, நாட்டின் இளம் தலைமுறையினருக்குத் தைரியம் ஊட்டும் வகையில், “கோடிக்கணக்கானஇளைஞர்களுக்கு நான் சொல்கிறேன்; உங்கள் சகோதரி உங்களுடன் இன்றும், என்றும், எப்போதும் இருக்கிறேன். நாம் அனைவரும் ஒன்றுபட்டு நின்று நமது நாட்டைப் பாதுகாப்போம்” என்றுமம்தா பானர்ஜி குறிப்பிட் டுள்ளார்.