சென்னை, அக்.17

கோவை­யில் பெரி­யார் அறி­வு­ல­கம் திறந்­தி­ருப்­பது திரா­விட மாடல் அர­சின் சாதனை தான் என்­றும், அதற்­காக திரா­விட நாய­கர் மு.க.ஸ்டாலின் அவர்­க­ளுக்கு நவம்­பர் முதல் வாரத்­தில் பாராட்டு விழா நடத்­து­வோம் என்று திரா­வி­டர் கழ­கத் தலை­வர் கி.வீர­மணி அவர்­கள் தெரி­வித்­துள்­ளார்.

இது குறித்து திரா­வி­டர் கழ­கத் தலை­வர் கி.வீர­மணி அவர்­க­ளின் அறிக்கை வரு­மாறு:–

உயர் எண்­ணங்­கள் மல­ரும் சோலை­யாம்

தந்தை ‘‘பெரி­யார் அறி­வு­ல­கம்’’ என்ற நூல­கத்தை உரு­வாக்­கி­னார்

‘திரா­விட மாடல்’ அர­சின் நாய­கர் மு.க. ஸ்டாலின்!

தொடங்­கி­ய­போதே பாராட்­டி­னோம், இன்­றும் பாராட்­டு­கி­றோம்!

மேனாள் முத­ல­மைச்­சர் முடித்து வைத்­ததை –

இந்­நாள் முத­ல­மைச்­சர் திறந்­தி­ருப்­பது வர­வேற்­கத்­தக்­கது!

தமிழ்­நாட்டு வர­லாற்­றில் மிகப்­பெ­ரிய வர­லாற்­றுப் பெரு­மை­க­ளில் ஒன்­றாக அமை­யும் ‘பெரி­யார் அறிவு உல­கம்’ என்ற புதுமை பூத்­துக் குலுங்­கும் ஆய்­வுக் கள­மா­க­வும், இளைய தலை­மு­றை­யி­ன­ரும் எதை­யும் ஆர்­வத்­து­டன் அறிந்­து­கொள்ள, அறிவு ஊற்­றுப் பெரு­கி­டும் ‘‘பெரி­யார் அறி­வு­ல­கம்’’ என்ற 300 கோடி ரூபாய் செல­வில் அமைக்­கப்­பட திட்­ட­மி­டப்­பட்டு தொடங்­கப்­பட்­டது திரா­விட மாடல் தி.மு.க. ஆட்­சி­யின் ஒப்­பற்ற முத­ல­மைச்­சர் முத்­து­வேல் கரு­ணா­நிதி ஸ்டாலின் அவர்­க­ளால்!

‘எல்­லோ­ருக்­கும் அறிவு’

பரப்­பி­டும் வண்­ணம்!

தந்தை பெரி­யார் பிறந்து, பொது வாழ்க்­கை­யைத் தொடங்­கிய கோவை மாவட்­டத்தலை­ந­க­ரில், நவீன தக­வல் தொழில்­நுட்ப ஆய்வு உள்­பட பல்­வேறு வசதி வாய்ப்­பு­கள் ‘எல்­லோ­ருக்­கும் அறிவு’ என்று பரப்­பி­டும் வண்­ணம் ‘திரா­விட மாடல்’ ஆட்சி திட்­ட­ மிட்­டது.

சாத­னைச் சரித்­தி­ரம் படைத்­தார், அன்­றைய முத­ல­மைச்­சர் மு.க. ஸ்டாலின்!

கோவை­யில் பெரி­யார் அறி­வு­ல­கம், மது­ரை­யில், கலை­ஞர் நூற்­றாண்டு நூல­கம், திருச்­சி­யில், கல்வி வள்­ளல் காம­ரா­சர் பெய­ரில் நூல­கம், நெல்­லை­யில், காயிதே மில்­லத் பெய­ரி­லான நூல­கம், சேலத்­தில், பார­தி­தா­சன் அறி­வு­ல­கம், கட­லூ­ரில், 98.26 கோடி ரூபாய் மதிப்­பீட்­டில் அமை­ய­வுள்ள அஞ்­சலை அம்­மாள் அறி­வு­ல­கம் என, புரட்­சிக் க­வி­ஞர் அவர்­கள் விரு ம்­பி­ய­படி, ‘அறிவை விரிவு செய், அகண்­ட­மாக்கு, விசா­லப் பார்­வை­யால் விழுங்கு உல­கத்தை’ என்­பதை செய­லாக்கி, சாத­னைச் சரித்­தி­ரம் படைத்­தார், அன்­றைய முத­ல­ மைச்­சர் மு.க.ஸ்டாலின் அவர்­கள். விக்­டர் ஹியூகோ சொன்­னார், ‘‘ஒரு நூல­கத்­தைத் திறப்­பது பல சிறைச்­சா­லை­களை மூடு­வ­தற்­குச் சமம்’’ என்று. நாம் நன்றி தெரி­வித்து, பாராட்டி வர­வேற்­றோம்!

அந்த அறி­வுப் பணியை முத­ல­மைச்­சர் மு.க. ஸ்டாலின் அவர்­கள் அடிக்­கல் நாட்­டி­ய­போதே நாம் நன்றி தெரி­வித்து, பாராட்டி வர­வேற்­றோம்!

நேற்று (16.10.2026) தமிழ்­நாட்­டின் முத­ல­மைச்­சர் ஜோசப் விஜய் திறந்து வைத்­தி­ருக்­கி­றார் – வர­வேற்­கத்­தக்­க­து­தான்.

அது­வும் ‘திரா­விட மாடல்’

ஆட்­சி­யின் சாத­னை­தான்!

பொது­வாக மக்­க­ளாட்­சி­யில், ஒரு கட்சி முத­ல­மைச்­சர் கட்டி முடித்­ததை அடுத்து வரும் முத­ல­மைச்­சர் திறப்­பது வழ­மை­தான் என்­றா­லும், ஓர் அடிப்­படை உண்மை, மெட்ரோ ரயில் திட்­டத்தை (ரூ.800 கோடிக்கு மேல் பெரி­தும் மாநில அரசு நிதி­யின் சுமை­யி­லேயே கட்­டப்­பட்­டது) திறந்து வைத்­தா­லும், அது­வும் ‘திரா­விட மாடல்’ ஆட்­சி­யின் சாத­னை­தான்!

காலை உண­வுத் திட்­டத்­தின் விரி­வாக்­கம், மக­ளிர் உரி­மைத் திட்­டம் எல்­லாம் ‘திரா­விட மாடல்’ ஆட்­சி­யின் சாத­னை­கள் என்­கி­ற­போது, முந்­தைய முத­ல­மைச்­ச­ரை­யும், ஆட்­சி­யை­ யும் தரந்­தாழ்ந்து அவ­தூ­று­களை அள்ளி வீசி, திசை திருப்­பல்­கள் அர­சி­யல் அற­மா­காது!

இரண்டு அணி­க­ளுக்­கான போராட்­டம்!

அனை­வ­ரும் கல்வி, அறிவு பெறக்­கூ­டாது என்ற ஒரு மேல்­ஜாதி (ஆரிய) அணிக்­கும், ‘எல்­லோ­ருக்­கும் எல்­லாம்’ என்­னும் மக்­கள் நல கொள்கை அணிக்­கும்­தான் இன்­றைய போராட்­டம் – அர­சி­ய­லும்­கூட!

‘‘பெரி­யார் அறிவு உல­கம்’’ என்ற தலைப்பே மிக­வும் அற்­பு­தத் தலைப்பு – மிக­வும் தனித்­தன்­மை­ யா­னது!

மண்­டைச் சுரப்பை உலகு தொழும் என்­றும், ‘‘உயர் எண்­ணங்­கள் மல­ரும் சோலை’’­­யென்­றும் புரட்­சிக்­க­வி­ஞர் பார­தி­தா­சன், தந்தை பெரி­யார்­பற்றி ஆழ்ந்த பொரு­ளோடு பாடி­ய­தற்­கானஎழில் வடி­வம்­தான் இந்­தப் ‘‘பெரி­யார் அறி­வு­ல­கம்!’’

உல­கெங்­கும் உள்ள பெரி­யா­ரிஸ்­டு­கள், பகுத்­த­றி­வா­ளர்­கள், திரா­விட உணர்­வா­ளர்­கள், ஆய்­வா­ளர்­கள், அத்­து­ணைப் பேரும் மகிழ்ந்து பாராட்­டு­கின்­றோம். இதற்கு வித்­திட்டு முடித்து, தேர்­தல் அறி­விப்பு கார­ண­மாக தள்­ளிப் போன நிலை­யில், தற்­போது அது கம்­பீ­ர­மாக எழுந்து நிற்­கி­றது!

‘‘திரா­விட நாய­க­ருக்கு, திரா­வி­டர் கழ­கத்­தின் சார்­பில் – நன்றி, பாராட்­டுப் பெரு­விழா!’’

இதற்­காக நவம்­பர் முதல் வாரத்­தில், சென்­னை­யில் ‘‘திரா­விட நாய­க­ருக்கு, திரா­வி­டர் கழ­கத்­தின் சார்­பில் – நன்றி, பாராட்­டுப் பெரு­விழா!’’ என்று நடத்­தி­டத் திட்­ட­மிட்­டுள்­ளோம்.

‘பெரி­யார் அறிவு உல­கத்­தினை’ நேற்று திறந்து வைத்த முத­ல­மைச்­சர், அவ­ரது அரசு, இந்த நூல­கங்­க­ளின் வளர்ச்­சிக்கு மேலும் உத­வி­டு­வது அர­சின் தலை­யாய கட­மை­யா­கும்.

இவ்­வாறு அவர் அறிக்­கை­யில் குறிப்­பிட்­டுள் ளார்.