#Title

மாதவரம் வடபெரும்பாக்கத்தில் 1931–ஆம் ஆண்டு துவங்கப்பட்ட அரசு ஆதிதிராவிடர் நல துவக்கப் பள்ளியை மூட முயற்சி – மாணவர்கள், பெற்றோர்கள் அதிர்ச்சி!- புழல் எம். நாராயணன் தலைமையில் கழகத்தினர் தடுத்து நிறுத்தினர்! ஏதும் இல்லை!

மாதவரம், அக்.17

சென்னை மாதவரம் சட்டமன்ற தொகுதிக்குட்பட்ட 17–வது வட்டம் வடபெரும்பாக்கம் சின்னத்தோப்பு பகுதியில் அமைந்துள்ளது அரசு ஆதிதிராவிடர் நல துவக்கப்பள்ளி. 1931 ஆம் ஆண்டு துவங்கப்பட்ட இப்பள்ளியில் ஒன்று முதல் மூன்று வகுப்புகள் இருந்தன. அதன் பிறகு ஐந்தாம் வகுப்பு வரை நடைபெற்று வருகின்ற இந்த பள்ளியில் சுமார் நூற்றுக்கும் மேற்பட்ட மாணவர்கள் வடபெரும்பாக்கம், சின்னத்தோப்பு, விநாயகபுரம், செட்டிமேடு ஆகிய சுற்றுவட்டார பகுதியில் இருந்து படித்து வந்தனர், காலப்போக்கில் தனியார் பள்ளிகள் ஆரம்பித்த காரணத்தினால் பொதுவாக மாணவர்களுடைய எண்ணிக்கை குறைந்து வந்தது,

இந்த நிலையில் கடந்த திராவிட மாடல் அரசில் தமிழ்நாடு முதலமைச்ச ராக இருந்த மு.க. ஸ்டாலின் அவர்களின் உத்திரவின் பேரில் இந்த பள்ளியில் கட்டிடங்கள் சீரமைக்கப்பட்டு மாணவர் செல்வங்கள் தொடர்ந்து பள்ளிக்கு அதிகப்படியாக வர ஆரம்பித்தனர், தற்பொழுது இந்த பள்ளியில் குழந்தைகள் 21 பேர் படித்து வந்த சூழ்நிலையில் ஆட்சி மாற்றத்தினால் பள்ளி பராமரிப்பு பணிகள் சரிவர நடைபெறாத காரணத்தினால் பெற்றோர்கள் தங்களது குழந்தை களை பள்ளிக்கு அனுப்புவதை குறைத்த காரணத்தினால் இந்த பள்ளியை இழுத்து மூட ஆளும் த.வெ.க. அரசு முடிவு செய்துள்ளதாக தெரிகிறது.

இந்த பள்ளியில் உள்ள ஆசிரியர் ஒருவர் மாணவர்களிடம் இனிமேல் பள்ளிக்கு வராதீர்கள், வெள்ளிக்கிழமை முதல் பள்ளி இயங்காது பக்கத்தில் இருக்கக்கூடிய மாநகராட்சி பள்ளிகளில் சேர்ந்து கொள்ளுங்கள் என்று கூறியிருக்கிறார். தகவல் அறிந்த பெற்றோர்கள் மாதவரம் வடக்கு பகுதி செயலாளர் புழல் எம். நாராயணன் அவர்களுக்கு முறையிட்டனர்.

பள்ளிக்கு நேரடியாக சென்ற பகுதி செயலாளர் புழல் எம்.நாராயணன், வட்டச் செயலாளர் கே. கருணாகரன் மற்றும் நிர்வாகிகள் பள்ளி ஆசிரியரிடம் இது குறித்து விசாரித்த போது, மாணவர்களின் வருகை குறைவாக உள்ள காரணத்தினால் வேறு பள்ளியில் சேர்க்க சொல்லி மாவட்ட கல்வி துணை அலுவலர் உத்தரவு என்று தெரிவித்தனர். தகவல் தெரிந்த பொதுமக்கள் பள்ளியை முற்றுகையிட்டனர்.

அதன் பின்னர் புழல் எம். நாராயணன் அவர்கள் சென்னை பெருநகராட்சி மேயர் பிரியா ராஜன் மற்றும் மாவட்ட பள்ளி கல்வி துணை அலுவலர், மணலி மண்டல செயற்பொறியாளர் ஆகியோரின் தொலைபேசி தொடர்பு கொண்டு பள்ளி நிலவரத்தை விளக்கி இனிவரும் காலங்களில் பள்ளியில் குழந்தைகள் சேர்க்கும் விகிதத்தை அதிகப்படுத்தும் வகையில் பேரணிகள் மற்றும் விழிப்புணர்வு முகாம்கள் ஏற்படுத்தி சரி செய்து தருவதாக உறுதி அளித்ததன் பேரில் தொடர்ந்து இந்த பள்ளி அங்கேயே இயங்க பள்ளி கல்வி துணை இயக்குனர் உத்தரவிட்டதாக தெரிவித்தார்.

17–வது வார்டு உதவி பொறியாளர் தினேஷ் அவர்கள் நேரில் வருகை தந்து ஆசிரியர்களிடத்தில் பேசி தொடர்ந்து பள்ளியை நடத்துமாறு அறிவுறுத்தினார்.

தி.மு.க. நிர்வாகிகள் டி. திவாகர், எம். மைக்கேல், பி. செந்தில், வக்கீல் எழிலன், சதீஷ்குமார், மோகன்ராஜ் உள்ளிட்டோர் உடன் இருந்தனர்.

நூற்றாண்டு நெருங்கும் ஒரு பள்ளிக்கூடத்தை இழுத்து மூட உத்தரவிட்ட த.வெ.க. அரசுக்கு பொதுமக்கள் தங்களது கண்டனத்தை தெரிவித்து வருகின்றனர்.