#Title

இஸ்லாம் மதம் தழுவும் பிற்படுத்தப்பட்ட மக்களின் இட ஒதுக்கீட்டு உரிமையைக் காப்பாற்ற தமிழ்நாடு அரசு உடனடியாக சீராய்வு மனு தாக்கல் செய்ய வேண்டும் ! கழகத்தலைவர் மு.க.ஸ்டாலின் வலியுறுத்தல் !

சென்னை, அக்.17–

‘‘உச்சநீதிமன்றத்தின் தீர்ப்பு சமூக நீதிக்கு எதிரானது’’ என்றும், ‘‘இஸ்லாம் மதம் தழுவும் பிற்படுத்தப்பட்ட மக்களின்இட ஒதுக்கீட்டு உரிமைகளைக் காப்பாற்றதமிழ்நாடுஅரசு உடனடியாக சீராய்வு மனுதாக்கல் செய்ய வேண்டும்’’ எனவும் கழகத் தலைவர் மு.க.ஸ்டாலின் அவர்கள் வலியுறுத்தி அறிக்கை விடுத் துள்ளார்.

இதுகுறித்து கழகத் தலைவர் மு.க.ஸ்டாலின் அவர்கள் விடுத்துள்ள அறிக்கையில் கூறியிருப்பதாவது:–

இஸ்லாம் மதம் தழுவும் பிற்படுத்தப் பட்ட மக்களின் இட ஒதுக்கீட்டு உரிமையைக் காப்பாற்ற தமிழ்நாடு அரசு உடனடியாகச் சீராய்வு மனு தாக்கல் செய்ய வேண்டும்

உச்சநீதிமன்றத் தீர்ப்பு,

சமூகநீதிக்கு எதிரானது!

சமூகரீதியான பின்னடைவு (social backwardness) ஒரு நாளிலோ ஒரு தலைமுறையிலோ ஏற்படுவதல்ல. ஆயிரம் ஆயிரம் ஆண்டுகளாகத் தொடர்ந்த சமூகக் கட்டமைப்பினால் அடைந்தது. மதம் மாறுவதாலேயே அது மறைந்துவிடுவதில்லை.

இதுவே சமூக யதார்த்தமாக இருக்கும்நிலையில், “இஸ்லாமைத் தழுவியபிற்படுத்தப்பட்ட மக்களுக்கு BC (M) பிரிவுக்கான இட ஒதுக்கீடு அளிக்கத் தேவையில்லை” எனும் மாண்பமை உச்சநீதிமன்றத்தின் தீர்ப்பு சமூகநீதிக்கு எதிரானது.

தமிழ்நாடு அரசு உடனடியாக இத்தீர்ப்புக்கு எதிராக சீராய்வு மனுவைத் தாக்கல் செய்ய வேண்டும். பிற்படுத்தப் பட்ட சமூகங்களில் இருந்து இஸ்லாம் மதத்தைஏற்பவர்களின் இட ஒதுக்கீட்டு உரிமையை நிலைநாட்ட வேண்டும்.

திராவிட மாடல்

அரசில் தீர்மானம்!

கடந்த #DravidianModel அரசில், கிறித்தவர்களாக மதம் மாறும் ஆதி திராவிடர்களுக்கும் இட ஒதுக்கீடு அளிக்கும் வகையில் அரசியலமைப்புச் சட்டத்தில் திருத்தங்கள் மேற்கொள்ள ஒன்றிய அரசை வலியுறுத்தித் தீர்மானம் நிறைவேற்றினோம். அந்த முயற்சிகளையும் தற்போதைய தமிழ்நாடு அரசு தொடர்ந்து முன்னெடுக்க வேண்டும்.

சாதியினால் ஒடுக்குமுறையை எதிர்கொண்ட BC, MBC, SC மக்களுக்கு அதனையே அளவு கோலாகக் கொண்டு இட ஒதுக்கீடு அளிப்பதுதான் சமூகநீதிக்கு வழிவகுக்கும். பின் பற்றும் மதத்தைக் காரணம் காட்டி அந்த உரிமையை மறுப்பது சமூக அநீதியாக அமைந்துவிடும்.

இவ்வாறு கழகத் தலைவர் மு.க. ஸ்டாலின்அவர்கள் தமது அறிக்கையில் கூறியுள்ளார்.