சென்னை, அக்.17
மக்களை வெள்ள பாதிப்பிலிருந்து பாதுகாக்க வேண்டும்; அதற்கான முன்னெச்சரிக்கை நடவடிக்கைகளை உடனடியாக மேற்கொள்ள வேண்டும்; இதை வலியுறுத்தித்தான் இந்த கண்டன ஆர்ப்பாட்டம் நடைபெறுகிறது என்று மாவட்டக் கழக செயலாளர் பி.கே.சேகர்பாபு எம்.எல்.ஏ. தெரிவித்துள்ளார்.
கழகத் தலைவர் மு.க.ஸ்டாலின் அவர்களின் ஆணைக்கிணங்க சென்னை கிழக்கு– வடக்கு–வடகிழக்கு மாவட்ட கழகத்தின் சார்பில் எல் நினோ தீவிரம் மற்றும் வடகிழக்குப் பருவமழையால் ஏற்படக்கூடிய அபாயங்களை அலட்சியப்படுத்துவதையும், மாநகராட்சி மக்கள் பிரதி நிதிகளின் மக்கள் நலப் பணிகளை முடக்கும் தமிழக அரசின் நிர்வாகச் சீர்கேட்டையும் கண்டித்து நேற்று முன்தினம் (15.10.2026 வியாழக் கிழமை) காலை 9.00 மணியளவில், சென்னை மாவட்ட ஆட்சியர் அலுவலகம் அருகில் கண்டன ஆர்ப்பாட்டம் நடைபெற்றது.
வடகிழக்குப் பருவமழைக் காலத்தில் பொதுமக்கள் பாதிக்கப்படாமல் பாதுகாக்கும் வகையில், மழைநீர் வடிகால்களைத் தூர்வாருதல், கழிவுநீர் கால்வாய்களில் ஏற்பட்டுள்ள அடைப்புகளை அகற் றிச் சீரமைத்தல், கூவம் ஆற்றின் முகத்துவாரப் பகுதிகளில் நீரோட்டத் தடைகளை அகற்றுதல், மழைநீர் தேங்கும் தாழ்வான பகுதிகளில் உரிய முன்னெச்சரிக்கை மற்றும் பாதுகாப்பு நடவடிக்கைகளை மேற்கொள்ளுதல் உள்ளிட்ட அத்தியாவசியப் பணிகளைப் போர்க்கால அடிப்படையில் விரைந்து நிறைவேற்ற வலியுறுத்தியும், மக்களால் தேர்ந்தெடுக்கப்பட்ட மாநகராட்சி மக்கள் பிரதிநிதிகள் தங்களது மக்கள் நலப் பணிகளைத்தடையின்றி மேற்கொள்ள வழிவகை செய்ய வலியுறுத்தி யும் பெருநகர சென்னை மாநகராட்சி மேயர் பிரியா ராஜன் தலைமையில் நடைபெற்ற இக்கண்டன ஆர்ப்பாட்டத்தில் கழகத் துணைப் பொதுச்செயலாளரும், நாடாளுமன்ற மாநிலங்களவை குழு தலைவர் திருச்சி என்.சிவா எம்.பி. சென்னை கிழக்கு மாவட்டக் கழகச் செயலாளர் பி.கே. சேகர்பாபு எம்.எல்.ஏ., சென்னை வடகிழக்கு மாவட்டக் கழகச் செயலாளர் மாதவரம் எஸ்.சுதர்சனம், சென்னை வடக்கு மாவட்டக் கழகச் செயலாளர் ஆர்.டி. சேகர், கழக அயலக அணித் தலைவர் டாக்டர். கலாநிதி வீராசாமி எம்.பி. ஆகியோர் கண்டன உரையாற்றினர்.
மேலும், இக்கண்டன ஆர்ப்பாட்டத்தில் ஜோசப் சாமுவேல், ப.ரங்கநாதன், கே.எஸ்.ரவிச்சந்திரன், இ.பரந்தாமன் ஜே.ஜே.எபினேசர் தமிழன் பிரசன்னா, சுபேர்கான் தனியரசு,பி. ஸ்ரீராமுலு,பி.கே. மூர்த்தி, சரிதா மகேஷ் குமார் கூ.பி.ஜெயின் நேதாஜி கணேசன் ஆறுமுகம், இளைய அருணா, சர்பஜெபதாஸ், டாக்டர் ஜி.சாந்தகுமாரி, எஸ்.ராஜசேகர், எஸ்.முரளி, இசட்.ஆசாத், கே.கவியரசு ஆகியோரும்
மேலும், பெருநகர சென்னை மாநகராட்சியின் நிலைக்குழுத் தலைவர்கள், மண்டலக்குழுத் தலைவர்கள், மாநகர மன்ற உறுப்பினர்கள், மாவட்டங்களின் நிர்வாகிகள், மாவட்ட அணிக ளின் அமைப்பாளர்கள் துணை அமைப்பாளர்கள், வட்ட கழகச் செயலாளர்கள், பகுதி/வட்ட கழக நிர்வாகி கள், செயல்வீரர்கள், முன்னோடி கள் மற்றும் பொதுமக்கள் பெருந்திரளாகக் கலந்து கொண்டு கண்டனத்தைப் பதிவு செய்தனர்.
இக்கண்டன ஆர்ப்பாட்டத்தில் சென்னை கிழக்கு மாவட்ட கழகச் செயலாளர் பி.கே.சேகர்பாபு எம்.எல்.ஏ. உரையாற்றியது வருமாறு:–
வங்கக்கடலில் உருவாகக்கூடிய காற்றழுத்தத் தாழ்வு மண்டலங்கள், புயல் தாக்கம், எல் நினோ விளைவுகள் காரணமாக இந்த முறை அதிக அளவில் மழை பெய்யக்கூடும் என்று வானிலை ஆய்வாளர்கள் எச்சரித்து வருகின்ற நிலையில், சென்னை மாநக
ராட்சியின் பருவமழை முன்னெச்சரிக்கைப் பணிகளைத் துரிதப்படுத்த வேண்டும் என்பதை வலியுறுத்தியும், சென்னை மாநகராட்சி யின் மக்கள் நலப் பணிகளை முடக்குகின்ற தமிழக அரசைக் கண்டித்தும் இந்த மாபெரும் கண்டன ஆர்ப்பாட்டம் நடைபெறுகிறது.
சூரியன் என்றாலும், உதயசூரியன் என்றாலும் திராவிட முன்னேற்றக் கழகம்தான் என்பதை நிரூபிக் கின்ற வகையில், கொளுத்துகின்ற வெயிலுக்கு மத்தியில் இந்த ஆர்ப்பாட்டத்தில் பங்கேற்றிருக்கின்ற உங்கள் அனைவ ருடைய பாதம் தொட்டு என்னுடைய நன்றியையும் மகிழ்ச்சியையும் தெரிவித்துக்கொள்கிறேன். இன்றைக்கு ஜோசப் விஜய் மாடல் அரசு என்பது, திராவிட மாடல் அரசினுடைய கொள்கை, கோட்பாடுகள் நிறைந்த கடந்த ஐந்தாண்டு கால ஆட்சிக்குப் பிறகு, ஒரு சில சுயநலவாதி களின் கைகளிலே சென்றிருக்கின்ற ஆட்சியாக இருக்கிறது. ஆம்! இன்றைக்குத் தமிழகம் ஒரு சோக்காளியிடம் மாட்டிக்கொண்டு, தமிழக மக்களே சீக்காளிகளாக மாறுகின்ற ஒரு சூழ்நிலை உருவா கியிருக்கிறது. இந்தச் சுயநல வாதிகளின் கைகளிலே ஆட்சி சென்றதன் காரணமாக மக்கள் சீரழிந்து கொண்டிருக்கிறார்கள் என்பது தெளிவாகத் தெரிகிறது.
முறையற்ற செயல்!
இன்றைக்கு இந்த ஆர்ப்பாட்டம் என்பது, தமிழகத்தினுடைய நலனுக்காக, தமிழக மக்களுக்காக, ஒட்டு மொத்த உலகத் தமிழர்களுக்காக, எங்கெல்லாம் பாதிப்புகள் ஏற்படுகின்றனவோ அங்கெல்லாம் ஆதரவுக் கரம் நீட்டுகின்ற நம் உயிரினும் மேலான அன்புத் தலைவர் தளபதி அவர்களுடைய வழிகாட்டுதலின்படி நடைபெறுகின்ற ஆர்ப்பாட்டம். இந்த ஆர்ப்பாட்டத்தை அறிவித்த பிறகுதான், சென்னை மாநகராட்சியில் நேற்றைக்கு ஆலோ சனைக் கூட்டம் என்று சட்டமன்ற உறுப்பினர்களையும், ஏழு அமைச்சர்கள் கொண்ட குழுவையும் அழைத்து மாநகராட்சியில் ஒரு கூட்டத்தைக் கூட்டி யிருக்கிறார்கள். நேற்றைக்கு அந்தக் கூட்டத்திலேயே நான் எடுத்துரைத்தேன். இந்த மாநகராட்சியினுடைய ஜீவநாடி, உயிர்நாடி என்று சொன்னால், மண்டலக் குழுத் தலைவர்களும் மாநகராட்சி மாமன்ற உறுப்பினர்களும்தான். மண்டலக் குழுத் தலைவர்களை அழைக்காமல் இப்படியொரு கூட்டத்தை நடத்து வது முறையற்ற செயல் என்பதை அவர்கள் முன்னி லையிலேயே எடுத்துரைத்தேன்.
அதேபோல், 300 ஆண்டுகளுக்கும் மேலான வரலாற்றுப் பெருமை கொண்ட சென்னை மாநகராட்சியில், திராவிட முன்னேற்றக் கழகத்தின் கடந்தகால ஆட்சியில்தான் 1,200 கிலோமீட்டர் அளவிற்கு மழைநீர் வடிகால் களை அமைத்துத் தந்திருக்கிறோம்.
நேற்றைக்கு அமைச்சர்கள் கூட்டத்திலேயே இதைத் தெரிவித்தேன்.
2021ஆம் ஆண்டு டிசம்பர் மாதம் 30ஆம் தேதி, புதுக்கோட்டை மற்றும் திருச்சி மாவட்டங்களில் தமது சுற்றுப்
பயணத்தை முடித்துக் கொண்டு, அன்றிரவு திருச்சி யிலிருந்து விமானம் மூலம் சென்னை திரும்பிய அன்றைய தமிழ்நாடு முதல மைச்சர், நம்முடைய கழகத் தலைவர் முத்துவேல் கருணாநிதி ஸ்டாலின் அவர்கள், தென்சென்னை மாவட்டக் கழகச் செயலாளரும் அமைச்சருமான மா.சுப்பிரமணியன் அவர்களைத் தொலைபேசியில் தொடர்புகொண்டு, “நான் நேராக மாநகராட்சி அலுவலகத்திற்கு வருகிறேன்” என்று தெரிவித்தார்.
இந்தத் தகவல் எனக்குக் கிடைத்தவுடன், நானும் உடனடியாக மாநகராட்சி அலுவலகத்திற்குச் சென்றேன். அவர் மாநகராட்சிக்கு வந்தபோது பல்வேறு பகுதிகள் வெள்ளத்தால் சூழப்பட்டிருந்தன. அன்றைக்கு ஒரு உத்தரவைப் பிறப்பித்தார். “அடுத்த ஆண்டு பெருமழை பெய்யும்போது, நான் இந்த மாநகராட்சிக்கு வருகிற நேரத்தில் ஒரு சொட்டுத் தண் ணீர்கூடத் தேங்கி நிற்கக் கூடாது” என்று அறிவுறுத்தினார். அதற்காக ஐந்து லட்சம் லிட்டர் கொள்ளளவு கொண்ட தண்ணீர் சேமிப்புத் தொட்டியை அமைத்து, அந்தத் தொட்டிக்கு வருகின்ற நீரை நீரேற்று நிலையத்துடன் இணைத்து வெளியேற்றுவதற்கான பணிகளை மேற்கொண்டோம். கடந்த நான்கு ஆண்டுகளில் பல்வேறு கனமழைகளைச் சந்தித்தபோ தும், மேற்கொள்ளப்பட்ட மழைநீர் வடிகால் பணிகளால் பல பகுதிகளில் தண்ணீர் தேங்குவது குறைக்கப்பட்டது என்பதை நேற்றைய கூட்டத்திலேயே எடுத்துரைத்தேன். இதுதான் மக்களுக்காகச் செயல்படுகின்ற ஓர் அரசின் நிர்வாகத் திறமை என்று தெரிவித்தேன்.
போராட்டம் அறிவித்த பின்
த.வெ.க. அரசு நடவடிக்கை!
ஆனால், தூங்கிக் கொண்டிருந்த ஜோசப் விஜய் தலைமையிலான அரசு, நம்முடைய கழகத் தலைவர் இந்தப் போராட்டத்தை அறிவித்தவுடன், இன்றைக்கு மழைநீர் கால்வாய்களைச் சென்று பார்வையிடுவதற்கு நடவடிக்கை எடுத்திருக்கிறது. திராவிட முன்னேற்றக் கழக ஆட்சியில் அக்டோபர் மாதத்திற்குள்ளாகவே மழைநீர் வடிகால்களில் இருக்கின்ற சுமார் ஒரு லட்சத்து அறுபதாயிரம் வண்டல் வடிகட்டும் தொட்டிகளின் மூடிகளைத் திறந்து, தேவையான இடங்களில் கான்கிரீட் சாலைகளை உடைத்து, தூர்வாரு கின்ற பணிகளை மேற்கொண்டோம்.
மழைக்குப் பிறகு டிசம்பர் மாதத்திலும் மீண்டும் ஒருமுறை தூர்வாருகின்ற பணிகளை மேற்கொண்டோம். ஆனால், இன்றைக்கு இருக்கின்ற அரசு என்ன செய்திருக்கிறது? 3,200 கிலோமீட்டர் அளவிற்கு மழைநீர் வடிகால்கள் இருக்கின்ற சென்னை மாநகராட்சியில், வெறும் 1,200 கிலோமீட்டர் மட்டுமே தூர்வாரியிருந்தால், மக்களுக்கு ஏற்படுகின்ற வெள்ளப் பாதிப்பை எப்படி உங்களால் தடுக்க முடியும்? என்று நேற்றைக்கு நடைபெற்ற ஆலோசனைக் கூட்டத்திலேயே கேள்வி எழுப்பினேன்.
மழைநீர் வடிகால்களை முழுமையாகத் தூர்வார வேண்டும்! மழைநீர் தடையின்றிச் செல்வதற்கான இணைப்புகளை ஏற்படுத்த வேண்டும்! மக்களை வெள்ளப் பாதிப்பிலிருந்து பாதுகாக்க வேண்டும்! அதற்கான அனைத்து முன்னெச் சரிக்கை நடவடிக்கைகளையும் உடனடியாக மேற்கொள்ள வேண்டும்! இதை வலியுறுத்தித்தான் இன்றைக்கு இந்தக் கண்டன ஆர்ப்பாட்டத்தை நடத்திக்கொண்டிருக்கிறோம். நான் பேசும்போது ஒருவருக்குப் போர் அடிக்கிறதாம்! உங்களுக்குப் போர் அடிக்காமல் இருப்பதற்கு நான் என்ன சுறா படத்தையா போட்டுக் காட்ட முடியும்?
முத்தமிழறிஞர் வழியில்
பயணிக்கும் இயக்கம்!
ஆட்சியில் இருந்தாலும், இல்லாவிட்டாலும் மக்களுக்கு நன்மை செய்கின்ற இயக்கம்தான் திராவிட முன்னேற்றக் கழகம்! எதிர்க்கட்சியாக இருந்தாலும் தகுந்த ஆலோசனைகளை வழங்குங்கள் என்று அமைச்சர் ஆதவ் அர்ஜுனா அவர்கள் கூறியிருக்கிறார். நாங்கள் ஆலோசனைகளை வழங்கத் தயாராகத்தான் இருக்கிறோம். மக்களுடைய நலனுக்காக எந்த நேரத்திலும் குரல் கொடுக்கின்ற இயக்கம்தான் திராவிட முன்னேற்றக் கழகம். அதேநேரத்தில், மாநில உரிமைகள் என்று வருகின்றபோது, திராவிட முன்னேற்றக் கழகம் என்றைக்கும் அந்த உரிமைகளை விட்டுக்கொடுக்காது! என்றும் நம்முடைய முத்த மிழறிஞர் தலைவர் கலைஞர் அவர்கள் காட்டிய வழியில் பயணிக்கின்ற இயக் கம்தான் திராவிட முன்னேற்றக் கழகம்!
வாக்காளர் பட்டியல் சிறப்புத் தீவிரத் திருத்தப் பணிகள், அதாவது எஸ்.ஐ.ஆர். பணிகள் தொடர்பாக நம்முடைய கழகத் தலைவர் நீலிக் கண்ணீர் வடிப்பதாக அமைச்சர் ஆதவ் அர்ஜுனா கூறியிருக் கிறார். நான் கேட்கிறேன்! அனைத்துக் கட்சிக் கூட்டத் தைக் கூட்டினோம்! சட்டமன்றத்தில் தீர்மானம் நிறை வேற்றினோம்! வாக்காளர்களுடைய உரிமைகளைப் பாது காப்பதற்காகப் பல்வேறு நடவடிக்கைகளை மேற்கொண்டோம்! இத்தனை நடவடிக்கைகளையும் மேற்கொண்ட பிறகும், எங்களுடைய தலைவரின் செயல்பாட்டை நீலிக்கண்ணீர் என்று விமர்சிப்பது எந்த வகையில் நியாயம்? மக்களுடைய உரிமைகளுக்காகக் குரல் கொடுப்பது நீலிக்கண்ணீர் அல்ல! அது திராவிட முன்னேற்றக் கழகத்தின் கடமை உணர்வு!
விண்ணிலிருந்து மண்ணிற்கு மழைத்துளி வந்து சேர்வதற்கு முன்னால் மண்ணில் வாழ்கின்ற மக்களை சந்தித்து நிவாரணமும் ஆறுதலும் வழங்கியவர் எங்கள் திராவிட மாடல் நாயகர் மக்களின் வலி தீர்க்கும் மாமருந்தாய் அவருக்கு தோள் கொடுப்பவர் எங்கள் எதிர்க்கட்சித் தலைவர் உதயநிதி ஸ்டாலின் அவர்கள் இந்த ஆர்ப்பாட்டம் இன்று இறுதியல்ல இதுபோன்று தொடர்ந்து மக்கள் பிரச்சனைகளுக்காக பல கட்டங்களாக ஆர்ப்பாட்டங்கள் தொடரும் பாஜக எதிர்ப்பு என்று வந்தவுடன் பனையூரில் சென்று பதுங்குவோர் போல அல்ல எங்கள் தலைவர்.
உறவுக்கு கை கொடுப்போம் உரிமைக்கு குரல் கொடுப்போம் என்றும் திராவிட முன்னேற்ற கழகம்.
இவ்வாறு முன்னாள் அமைச்சரும் மாவட்டச் செயலாளருமான பி.கே.சேகர்பாபு பேசினார்.