இ
டைத்தேர்தல் என்பதை விட “கூட்டணி எடைத்தேர்தல்” என்றே கூற வேண்டும். மழைக் காளானாய் முளைத்த கனவுக் கட்சிக்கு தாராபுரம் மதுராந்தகம் இடைத்தேர்தல்கள் பரிசோதனை களமாய் பார்க்கப்பட்டது. இதுவரை தமிழகம் சந்தித்திராத மின்வெட்டும் அரிவாள் வெட்டும் பாலியல் வன்கொடுமைகளும் பல சரக்கு விலை உயர்வும் மக்களை பெரும் அச்சத்துக்குள் ஆழ்த்தி இருந்த வேளையில் நடைபெற்று முடிந்தது இடைத்தேர்தல்.
தாராபுரத்தில் தன்மானத் தலைவரின் ரோடு ஷோவை பார்க்க பொதுமக்கள் பொது அமைப்புகள் எனப் பலரும் காலையிலிருந்து சாலையின் இருபுறத்திலும் திரண்டு இருந்தது மக்கள் தலைவனை மதிக்கும் மாண்பை வெளிப்படுத்தியது. மூத்த தி.மு.க. கழகப் பெருந்தொண்டர் தந்த மாலையை
அக்கூட்ட நெரிசலிலும் வாங்கி மாலையிட்டு மதிப்பளித்தது பார்ப்பவர் மனதை நெகிழச் செய்தது.
பொதுக்கூட்டமா? மாநாடா? என்று வியக்கும் வண்ணம் ஐம்பதாயிரத்திற்கும் மேற்பட்ட மக்கள் அணி திரண்டிருந்தனர். பொதுக்கூட்டத்திடலுக்கு வருகை புரிந்த இனமானத் தலைவரின் வண்டியும் வழியில் தி.மு.க. தொண்டர்களின் பெருங்கூட்டத்திற்கிடையே சிக்கிக் கொண்டது. தலைவரின் தலைசிறந்த தார்மீக உரையை அட்டைக்கத்தியால் அறுக்க முயன்றனர் தற்குறிகள்.
தி.மு.க. முதன்மைப் பிரச்சாரகரில் ஆசிரியர் வீரமணி, கவிஞர் கனிமொழி ராஜாத்தி கருணாநிதி எம்.பி., இளம் தலைவர் உதயநிதி, தே.மு.தி.க. பிரேமலதா விஜயகாந்த், ஜவஹிருல்லா, தமிமுன் அன்சாரி போன்றோரின் பிரச்சாரக் களங்கள் மக்களை ஒரு திசை நோக்கிய வாக்குப்பயணத்தை உருவாக்கியது.
இஸ்லாமிய வாக்காளர்களை கவருவதற்காக களம் இறக்கப்பட்ட அமைச்சர்கள் ஷாஜகான், ஃபெரோஸ் ஆகியோருக்கு கிடைத்த அனுபவம் இஸ்லாமியர்கள் வாக்குகளால் மட்டுமல்ல வாய்மையாலும் தி.மு.க.வின் பக்கமே நிற்கின்றனர் என்பதை
தேர்தல் முடிவுகள் அடித்துக் கூறின.
தி.மு.க. முன்னாள் அமைச்சர் பெருமக்களின் வாக்குச் சேகரிப்பு முறைகளும் கிராமங்களில் முகாமிட்டு மக்களோடு மக்களாக கலந்து பேசிய விதமும் தாராபுரம் வாக்காளர்களை புதிய அனுபவத்திற்கு ஆளாக்கியது.
தாராபுரம் தேர்தல் தேதி அறிவிக்கப்பட்டதில் இருந்து அமில சோதனைக்கு ஆளானார் த.வெ.க. வேட்பாளர். பல இடங்களிலும் விரட்டப்பட்டார். ஏமாந்தவர்களின் ஏவுகணை பேச்சால் எட்டுப்பட்டி போலீஸையும் அழைத்துக் கொண்டு பிரச்சாரம் மேற்கொண்டார். விஜயின் சாலைப் பயணம் ந(ர)கர மக்களின் சோதனைப் பயணமானது.
தாராபுரம் கோவிந்தாபுரம் பகுதியில் தேர்தல் நடப்பதற்கு இரண்டு நாட்களுக்கு முன்பாக தேர்தல் பறக்கும் படையால் 5 கோடி ரூபாய் த.வெ.க. வேட்பாளர் சத்தியபாமா மகனின் காரில் கைப்பற்றப்பட்டது (உளவுத்துறை செய்தி). ஆனால், முன்னாள் அ.தி.மு.க. (த.வெ.க.) செயலாளர் ஒருவரிடம் ஒப்படைக்கப்பட்டது. தூய சக்தியின் அவலட்சணம் இப்படியாக இருக்க மற்றொரு புறத்தில் மாண்புமிகு எதிர்க்கட்சி தலைவர் உதயநிதி ஸ்டாலின் அவர்கள் கூறியது போல Panic Buying (தாறுமாறாக விலைக்கு வாங்குவது) தொடங்கியது. பிற கட்சிகளைச் சேர்ந்தவர்களுக்கும் ஜாதி மதத் தலைவர்களுக்கும் 5 கோடி ரூபாய் வரை தேர்தல் பரிசாக வழங்கப்பட்டது.
கடைசி நேரத்தில் வெளியான விஜய் கட்சி வேட்பாளர் சத்தியபாமாவின் “ஏளனக் காணொளி” தேர்தலில் அதிர்வை ஏற்படுத்தியது. அதுவரை அவர்கள் போட்ட ஏமாற்று திட்டங்கள் தவிடுபொடியாகும்படியாக அமைந்தது.
“கேரவன் மைனர்” -ஐ தாராபுரம் மக்கள் கொத்து பரோட்டா போட்டனர். 100 கிலோ மீட்டர் சுற்றி வந்து 50 கோடி ரூபாய் செலவு செய்தும் கிடைத்த பயன் தலைசுற்றி நின்றது தான்.
“தேங்காய் மாங்காய் பட்டாணி சுண்டல்” என்ற கூட்டணி கணக்குகளுக்கு இனி வேலை இல்லை என்ற புதிய தேர்தல் பாதையை உருவாக்கியது இத்தேர்தல்.
வாக்குப்பதிவு முடிவுகள் இரண்டு உண்மைகளைப் பேசின. தபால் வாக்குகளில் 35 சதவீதம் கலந்த பொதுமக்களின் வாக்கு சீட்டு பதிவு முறையில் தி.மு.க.வின் வெற்றியை 47.15 சதவீதம் என்ற ஆதாரத்தை அறிவித்தது.
ஒவ்வொரு சுற்றிலும் வாக்குப்பெட்டியின் மாயாஜாலம் நடந்து கொண்டே இருந்தது. ஆனால் 23 வது கடைசி சுற்றில் அம்பலமானது தேர்தல் கமிஷன் மண்டி. தி.மு.க. 39 சதவீதம் பெற்று முதலிடம் பெற்றும் த.வெ.க. 26 சதவீதம் பெற்று மூன்றாம் இடத்திலும் சந்தி சிரித்தது.
நரி பரியாகாது! தற்குறி ஒருபோதும் ஆச்சரியக்குறியாக முடியாது என்பதே இந்த இடைத்தேர்தல் சொல்லும் வலுவான உண்மை.