நாகை, அக்.18–
தமிழ்நாட்டில் நிர்வாக
திறமையற்ற சோபா மாடல் விஜய் தலைமையிலான த.வெ.க. ஆட்சி பொறுப்பு
ஏற்றது. முதல் கொலை,கொள்ளை, வழிபறி, போதைப்பொருள் கடத்தல், விற்பனை என நாளுக்கு நாள் அதிகரித்து வருகிறது. இந்நிலையில் ஒன்றிய நிதி அமைச்சகத்தின் கீழ் செயல்பட்டு வரும் வருவாய் குற்றப்பிரிவு புலனாய்வு துறை திருச்சி மண்டல அதிகாரிகளுக்கு நாகையில் இருந்து இலங்கைக்கு சர்வதேச போதைப்பொருளான மெத்தபெட்டமைன் கடத்துவதாக ராமநாதபுரம் மாவட்டத்தில் இருந்து தகவல் இந்நிலையில் வந்தது. இதையடுத்து நேற்றுமுன்தினம் (16ம் தேதி) காலை 6 மணி அளவில் நாகப்பட்டினம் மாவட்டம் வேளாங்கண்ணி அருகே பிரதாப ராமபுரம் நடுத்தெருவை சேர்ந்த சுகன் என்பவர் வீட்டிற்கு 16 பேர் கொண்ட அதிகாரிகள் 4 காரில் வந்தனர்.சுகன் வேளாங்கண்ணியில் தங்கும் விடுதி ஒன்றை ஒப்பந்த முறையில் எடுத்து நடத்தி வருகிறார். அதிகாரிகள் அதிரடியாக சுகன் வீட்டின் உள்ளே நுழைந்தனர். அப்போது அவர்கள் ஒன்றிய நிதி அமைச்சகத்தின் கீழ் செயல்பட்டு வரும் வருவாய் குற்றப்பிரிவு புலனாய்வு துறை அதிகாரிகள் என கூறினர். வீட்டில் போதை பொருள் வைத்திருப்பதாக தகவல் வந்துள்ளது. இதன் பேரில்
வீட்டில் சோதனை மேற்கொள்ள வேண்டும என கூறி சோதனை மேற்கொண்டனர். அந்த அதிகாரிகள் குழுவினர் சுகன் அவரது சகோதரர்கள், பெற்றோர் மற்றும் நண்பர்கள் என அனைவரிடமும் காலை 10 மணி வரை விசாரணை மேற்கொண்டனர். இதில் சுகன் வீட்டில் பதுக்கி வைத்திருந்த சர்வதேச சந்தை மதிப்பில் ரூ.100 கோடி மதிப்பிலான 135 கிலோ மெத்த பெண்டமைன் என்ற சர்வதேச போதைப்பொருள் இலங்கைக்கு கடத்த இருந்ததை கண்டு பிடித்தனர். அவரிடம் நடத்திப விசாரணை யில் சென்னையில் இருந்து சுகன் காரில் கடந்த சில தினங்களுக்கு முன்பு மெத்த பெண்டமைன் கடத்தி வந்து வேளாங்கண்ணியில் உள்ள அன்னை கார் பார்கிங் காரை நிறுத்தி விட்டு சென்று நேற்று (16ம் தேதி) காலை காரை வேளாங்கண்ணி காந்தி செட்டி தெருவை சேர்ந்த மணிகண்டன் எடுத்துக் கொண்டு சுகன் வீட்டிற்கு வந்தது தெரியவந்தது. மேலும் இந்த கடத்தலுக்கு மூளையாக நாகப்பட்டினம் மாவட்ட த.வெ.க. செயற்குழு உறுப்பினரும், வழக்கறிஞருமான வேளாங்கண்ணி அருகே கீழப்பி டாகை சிந்தாமணி மெயின் ரோட்டை சேர்ந்த பூபாலன் ((42) செயல்பட்டது தெரியவந்தது. இதையடுத்து பிரதாம ராமபுரத்தில் இருந்து 8 பேர் கொண்ட அதிகாரிகள் பூபாலன் வீட்டிற்கு புறப்பட்டு சென்றனர். பூபாலன் வீட்டிற்கு சென்ற அதிகாரிகள் பல மணி நேரம் சோதனை மேற்கொண்டனர். ‘பூபாலன் மனைவி இலங்கையை சேர்ந்தவர் என்பது விசாரணையில் தெரியவந்தது. இதை பூபாலன் தனக்கு சாதகமாக பயன்படுத்திக்கொண்டு சுகன் போன்றவர்கள் மூலம் நாகப்பட்டினத்தில் இருந்து இலங்கைக்கு போதைப்பொருட்களை கடத்துவது விசாரணையில் தெரியவந்தது. காலை தொடங்கிய விசாரணை மாலை 3 மணி வரை நீடித்தது.
பூபாலன் நடந்து முடிந்த சட்டசபை தேர்தலில் கீழ்வேளூர் தொகுதியில் த.வெ.க. சார்பில் போட்டியிட விருப்ப மனு கட்சி தலைமையிடத்தில் கொடுத்திருந்தார். மேலும் தவெக சார்பில் மாவட்டத்தில் நடைபெறும் பல்வேறு போராட்டம், கூட்டங் களில் பங்கு பெற்றுள்ளார். ஒன்றிய அரசின் கட்டுப்பாட்டில் உள்ள அதிகாரிகள் திடிரென சோதனை நடத்துவது குறித்து பல மணி நேரத்திற்கு பின்னர் அப்பகுதி மக்களுக்கு தெரியு வந்தது. மேலும் உள்ளூர் போலீசார் தகவல்கள் சேகரிக்க முடியாமல் அதிகாரிகள் சோதனை நடத்திய இடங்களில் தடுமாறி வந்தனர்.
மாலை 5 மணிக்கு
பின்னர் வேளாங்கண்ணி அருகே சிந்தாமணி மெயின் ரோட்டைச் சேர்ந்த
த.வெ.க. நிர்வாகி பூபாலன் (42),பிரதாபராமபுரம் நடுத்தெருவைச் சேர்ந்த சுகன் (27), வேளாங்கண்ணி காந்தி செட்டி தெருவை சேர்ந்த மணிகண்டன் (29), பிரதாபராம புரம் யாதவர் தெருவைச் சேர்ந்த சதீஷ் (30) ஆகிய 4 பேரை கைது செய்தனர். மேலும் பூபாலனிடம் இருந்து ரூ.30 லட்சம் மதிப்பிலான் ஆடம்பர காரை பறிமுதல் செய்தனர். பறிமுதல் செய்த 135 கிலோ மெத்தபெட்டமைன், பூபாலனிடம் பறிமுதல் செய்த கார் உட்பட 2 கார்கள் ஆகியவற்றுடன் நாகப்பட்டினம் சுங்கத்துறை அலுவலகத்திற்கு வந்தனர். முதலில் மாலை 6.30 மணிக்கு பூபாலன் அழைத்து வரப்பட்டு விசாரணை நடத்தினர். இதன் பின்னர் 8.30 மணிக்கு மற்ற 3 பேரையும் அழைத்து வந்தனர்.
அங்கு தொடர்ந்து தனித்தனியாக விசாரணை நடத்தினர். விசாரணை இரவு 10 மணி வரை நடந்தது.
இந்நிலையில் தூய கட்சியாக தம்பட்டம் அடித்துக் கொள்ளும் த.வெ.க. தனது கட்சியைச் சேர்ந்த நாகை மாவட்ட செயற்குழு உறுப்பினர் பூபாலனை கட்சியிலிருந்து நீக்குவதாக அறிவித்து அவசர அவசரமாக அறிவிப்பு வெளியிட்டது குறிப்பிடதக்கது.