சென்னை, அக். 18–
விடுதலைப் போராளி வீரபாண்டிய
கட்டபொம்மனின் நினைவு நாள் நேற்று முன்தினம், அதனையொட்டி விடுத்த வலைதளப் பதிவில் கழகத் தலைவர் மு.க. ஸ்டாலின் அவர்கள், ‘‘தமிழ் நிலத்தின்
தன்மானம் காத்த தியாகி வீரபாண்டிய
கட்டபொம்மன் புகழ் வாழ்க!’’ என்று குறிப்பிட்டுள்ளார்.
இதுகுறித்து கழகத் தலைவர் மு.க.ஸ்டாலின் அவர்களின் சமூக வலைதளப் பதிவு வருமாறு :–
தூக்குமேடைக்கு நடந்து செல்லும்போதும் துணிச்சலோடும் கர்வத்தோடும்சென்ற விடுதலைப் போராளி வீர பாண்டிய கட்டபொம்மன் நினைவுநாள்!
மானம்தான் பெரிதென வாழ்ந்து, அந்நியர் ஆட்சிக்கு எதிரான கனலை மக்கள் மனதில் விதைத்த அவரது
வீரத்துக்குத் தலைவணங்குகிறேன்.
வீரபாண்டிய கட்டபொம்மன் அவர்களுக்கு நமது திராவிட மாடல் அரசில் சென்னை காந்தி மண்டப வளாகத்தில் திருவுருவச் சிலை அமைத்ததுடன், மதுரையில் திருமங்கலம் - – கள்ளிக்குடி
இரயில் நிலையங்களுக்கு இடையே கட்டப்பட்டுள்ள சாலை மேம்பாலத்துக்கும் அவரது பெயரைச் சூட்டிப் பெருமை கொண்டோம்!
தமிழ் நிலத்தின் தன்மானம் காத்த தியாகி வீரபாண்டிய கட்டபொம்மன் வாழ்க!
இவ்வாறு அப்பதிவில் கழகத் தலைவர் அவர்கள் குறிப்பிட்டுள்ளார்.