அரியலூர்,அக், 18-–
அரியலூர் மாவட்டம் ஜெயங்கொண்டம் - கும்பகோணம் செல்லக்கூடிய தமிழக அரசின் வெற்றிப் பயண பேருந்து கும்பகோணத்திலிருந்து கல்லூரி பள்ளி மாணவர்கள் என பயணிகளுடன் ஜெயங்கொண்டம் நோக்கி வந்து கொண்டிருந்த பொழுது தா.பழூர் பேருந்து நிறுத்தத்தை தாண்டி சிறிது தூரத்தில் பேருந்து டயர் பஞ்சர் எனக் கூறி பேருந்தில் பயணித்த பயணிகளை பேருந்தில் இருந்து கீழே இறக்கி விட்டனர் ஓட்டுனரும்,நடத்துனரும்.
இந்த பேருந்து வெற்றிப் பயண பேருந்து என்பதால் பெண்களுக்கு பயண சீட்டு வழங்கப்படவில்லை என பயணிகள் கூறுகின்றனர். இந்த நிலையில் பேருந்தில் இறக்கிவிடப்பட்டவர்களை மாற்றுப் பேருந்தில் ஜெயங்கொண்டம் செல்ல அனுப்பி வைக்காமல். பள்ளி கல்லூரி மாணவர்கள் மற்றும் பிரசவித்த தாய்மார்கள் முதியவர்கள் என அனைவரையும் பாதி வழியில் இறக்கி விட்டுவிட்டு நீங்கள் என்ன பணம் கொடுத்தா வந்தீர்கள் உங்களை மாற்று வண்டியில் ஏற்றிவிட்டு செல்ல என கூறி பஞ்சர் என சொன்ன பேருந்தை செயங்கொண்டம் எடுத்து சென்றனர். பஞ்சர் ஆன பேருந்தை எப்படி செயங்கொண்டம் வரையில் எடுத்து செல்லமுடியும் என பயணிகள் பொதுமக்கள் கேட்கின்றனர்.
ஓட்டுனர் மற்றும் நடத்துனர் பயணிகளிடம் சத்தம் போட்டுவிட்டு பேருந்தை எடுத்துக்கொண்டு ஜெயங்கொண்டம் சென்று விட்டதாக கூறுகின்றனர்.
பயணிகள் மிகவும் சிரமத்துடன் ஒரு கிலோ மீட்டர் நடந்தே பழூரை நோக்கி வந்தனர்.
பிறகு அரை மணிநேரம் காத்திருந்து அங்கு வந்த வேறு பேருந்தில் ஏறி மீண்டும் செயங்கொண்டம் சென்றனர்.
பெண்களுக்கு இலவச பயணம் என்பதால் பாதி வழியில் இறக்கி விட்டு விட்டு மாற்று பேருந்து ஏற்படுத்தாமல் நடத்துனர் ஓட்டுனர் சென்றுள்ளனர். இதுவேபணம் கொடுத்து பயணித்திருந்தால் பாதி வழியில் விட்டுச் சென்ற ஓட்டுனர் நடத்தினர் பொதுமக்கள் ஆகிய எங்களை மாற்று பேருந்தில் ஏற்றி அனுப்பாமல் சென்று இருப்பார்களா? வெற்றிப் பயணம் என்று சொல்லி எங்களை பாதிவழில் இறக்கிவிட்டு சென்றுவிட்டார்கள் இதுதான் தவெக அரசின் மாற்றமா?
மாற்றம் வேண்டும் என்று வாக்களித்த எங்களை நடுரோட்டில் இறக்கிவிட்டு சென்றதுதான் தவெகவின் மாற்றமா என பயணிகள் கேட்கின்றனர்.