திருச்சி, அக். 19–-
துறையூரில் நடந்த, அரசு சமுதாய வளைகாப்பு விழாவில், த.வெ.க., மாவட்ட செயலரை அமர வைத்து, அதிகாரிகளை நிற்க வைத்து, குழு புகைப்படம் எடுத்த துணை சபாநாயகர் ரவிசங்கரின் செயல் அதிர்ச்சியை ஏற்படுத்தியுள்ளது.
திருச்சி மாவட்டம், துறையூரில் உள்ள ஆர்த்திமஹாலில், ஒருங்கிணைந்தகுழந்தைகள் வளர்ச்சி திட்ட அலுவலகம் சார்பில், 100 கர்ப்பிணியருக்கான சமுதாய வளைகாப்பு விழா நேற்று முன்தினம் காலை நடந்தது. சமுதாய வளைகாப்பு விழாவில், துறை யூர் தொகுதி த.வெ.க., எம்.எல்.ஏ.,வும்,
துணை சபாநாயகருமான ரவிசங்கர், குழந்தைகள் வளர்ச்சி திட்ட அலுவலர் மலர்க்கொடி, தாசில்தார் சித்ரா, துணை தாசில்தார் ராமு, வட்டார அரசு டாக்டர் கள் மற்றும் பல்வேறு துறை அதிகாரிகள் பங்கேற்றனர். அரசு விழாவான வளைகாப்பு நிகழ்ச்சி முடிந்ததும், கர்ப்பிணியர்,அரசு அதிகாரிகள், துணை சபாநாயகர் ரவிசங்கருடன் குழு புகைப்படம் எடுத்துக் கொண்டனர்.
அப்போது, கர்ப்பிணி யருக்கு நடுவே, இரு நாற் காலிகள் போடப்பட்டு, அதில் ஒன்றில் துணை சபாநாயகர் ரவிசங்கரும், மற்றொரு நாற்காலியில் த.வெ.க., மாவட்டச் செயலர் ஜெகன் மோகனும் அமர்ந்தனர்.
டாக்டர்கள், தாசில்தார், குழந்தைகள்திட்ட வளர்ச்சி அலுவலர் உள்ளிட்ட அதி காரிகளை, நாற்காலிக்கு பின் நிற்க வைத்து, குழு புகைப்படம் எடுத்தனர்.
எந்த பதவியிலும்
இல்லாத, ஆளுங்கட்சியை சேர்ந்த மாவட்டச் செயலரை அமர வைத்ததுணை சபா நாயகர்,
அரசின் திட்டங்களை செயல்படுத்தும்
அதிகாரிகளான எங்களை நிற்க வைத்து அவமதித்து விட்டார் என, புலம்பினர்.
இந்த புகைப்படம் வலைதளங்களில் பரவி விவாதமாகி உள்ளது.
ஒருங்கிணைந்த தஞ்சை மாவட்ட முன்னாள் மாவட்ட செயலாளர், முன்னாள் அமைச்சர்,மன்னை ப.நாராயணசாமி அவர்களின் 33 வது நினைவு தினத்தை முன்னிட்டு கும்பகோணம் பாலக்கரையில் உள்ள மாநிலங்களவை உறுப்பினர் சு.கல்யாணசுந்தரம் அலுவலகத்தில் மன்னை
ப.நாராயணசாமி அவர்களின் திருவுருவப்படத்திற்கு மாலை அணிவித்து மலர் மலர் தூவி மரியாதை செலுத்தினார்கள். இதில் கும்பகோணம் மேற்கு ஒன்றிய செயலாளர் எஸ்.கே.முத்துசெல்வம் உள்ளிட்ட கழக நிர்வாகிகள் பங்கேற்றனர்.