சென்னை, அக்.20 –
சென்னையில் பெய்த கன மழையால் தலைநகர் சென்னை தண்ணீரில் தத்தளிக் கிறது. மக்களை மறந்த டம்மி முதல்வர், சீனில் இல்லை. வெள்ளம் வந்தாலும் வெளியே வரவில்லை. மக்களைப் பற்றி கவலைப்படாத அரசாக த.வெ.க. அரசு உள்ளது.
தமிழ்நாட்டில் வடகிழக்கு பருவமழை தீவிரமடைந்துள்ள நிலையில், சென்னையில் கனமழை கொட்டி தீர்த்தது.
அதிகபட்சமாக ஒரேநாளில் பாரிமுனையில் 36 சென்டி மீட்டர் அளவுக்கு பெருமழை வெளுத்து வாங்கியது. தமிழ்நாட்டில் வடகிழக்கு பருவமழை தொடங்கி தீவிரமடைந்துள்ளது.
இதனைத் தொடர்ந்து மாநிலத்தின் பல்வேறு பகுதிகளில் மழை கொட்டி தீர்த்து வருகிறது. இந்நிலையில், சென்னையில் பெருமழை பெய்தது. நுங்கம்பாக்கம், தேனாம்பேட்டை, ஆழ்வார்பேட்டை, சேப்பாக்கம், திருவல்லிக்கேணி, மயிலாப்பூர், திருவொற்றியூர், பெரம்பூர், கிண்டி, கோடம்பாக்கம், அசோக் நகர், தியாகராய நகர் உள்ளிட்ட நகரின்
பல்வேறு இடங்களில் அதி கனமழை பெய்தது. மாலையில் பெய்ய தொடங்கிய மழை நள்ளிரவு வரை வெளுத்து வாங்கியது. இடி, மின்னல் மற்றும் சூறைக்காற்றுடன் அதிகனமழை கொட்டி தீர்த்தது.
வெள்ளக்காடாக காட்சியளித்த
கிளாம்பாக்கம் பேருந்து நிலையம்!
சென்னை புறநகர் பகுதிகளில் பெய்த கனமழை காரணமாக கிளாம்பாக்கம் பேருந்து நிலையம் வெள்ளக்காடாக காட்சி அளித்தது. கிளாம்பாக்கம் பேருந்து முனையத்தை ஒட்டியுள்ள ஜி.எஸ்.டி. சாலையில் கடுமையான வெள்ளப்பெருக்கு ஏற்பட்டு வாகனங்கள் நீரில் தத்தளித்ததால், அப்பகுதியில் போக்குவரத்து முற்றிலுமாக முடங்கியது. பேருந்து நிலையத்தின் வெளிப்பகுதிகள் மற்றும் அதனைச் சுற்றியுள்ள பகுதிகளில்
முழங்கால் அளவுக்கு மேல் தண்ணீர் தேங்கியதால் பயணிகள் மற்றும் பொதுமக்கள் பெரும் சிரமத்திற்கு ஆளாகினர். ஆயுதபூஜை மற்றும் தொடர் விடுமுறை யால் வெளியூர் செல்லும் ஆயிரக்கணக்கான மக்கள் இந்த மழைவெள்ளத்தால் பாதிக்கப்பட்டனர்.
போக்குவரத்து நெரிசல்!
நுங்கம்பாக்கத்தில் நேற்று பெய்த கனமழையால், அப்பகுதிகளில் மழைநீர் தேங்கி உள்ளது. நுங்கம்பாக்கம் சுரங்கப்பாதையில் அதிகளவில் தண்ணீர் தேங்கியது. பிரதான சாலைகளில் தேங்கியுள்ள தண்ணீரால் வாகனங்கள் மெதுவாக ஊர்ந்து செல்லும் நிலை ஏற்பட்டு, கடும் போக்குவரத்து நெரிசல் ஏற்பட்டது.
உத்தமர் காந்தி சாலையில் உள்ள இந்து சமய அறநிலையத்துறை ஆணையர் அலுவலக வளாகம் மழைநீர் வடியாமல் குளம்போல் தேங்கியது
மின்வெட்டால்
மக்கள் தவிப்பு!
இதனிடையே, சென்னை நகரின் பல்வேறு பகுதிகளில் மின் தடை ஏற்பட்டது. கனமழையால் மக்கள் வீடுகளில் முடங்கியநிலையில் மின்வெட்டால் இருளில் தவித்தனர். சென்னையின் பல்வேறு பகுதிகளில் 5 மணி நேரத்துக்கும் மேலாக மின்வெட்டு நிலவியதால் பொதுமக்கள் அவதியடைந்தனர்.
மின்னகத்தை தொடர்பு கொண்டால் அழைப்பை அதிகாரிகள் ஏற்கவில்லை என பொதுமக்கள் புகார் தெரிவித்தனர். மின்வாரிய அதிகாரிகளின் தொலைபேசி எண்கள் தொடர்பு கொள்ள முடியாத நிலையில் இருப்பதாகவும் வேதனை தெரிவித்தனர்.
வெளியில் வராத முதல்வர் –
த.வெ.க. அமைச்சர்கள்!
சென்னையை கனமழை புரட்டி போட்ட நிலையில், த.வெ.க. அமைச்சர்கள் ஒருவர் கூட வெளியில் வந்து பாதிப்பை ஆய்வு செய்யாமல் வீடுகளில் முடங்கினர். இதனால் பொதுமக்கள் கடும் அதிருப்தியடைந்தனர்.
முந்தைய தி.மு.க. ஆட்சியில் பருவமழை தொடங்குவதற்கு முன்பாகவே அனைத்து முன்னெச்சரிக்கை நடவடிக்கைகளும் முறையாக, திட்டமிட்டு மேற்கொள்ளப்படும்.
இதனால் எந்த பாதிப்பும் ஏற்படாமல் பொதுமக்கள் பாதுகாக்கப்பட்டனர். எவ்வளவு மழை கொட்டி தீர்த்தாலும் நள்ளிரவு என்றாலும் கூட அப்போதைய முதலமைச்சர் மு.க.ஸ்டாலின், துணை முதலமைச்சர் உதயநிதி ஸ்டாலின் மற்றும் தி.மு.க. அமைச்சர்கள், தி.மு.க. சட்டமன்ற உறுப்பினர்கள், மேயர்கள், தி.மு.க. உள்ளாட்சி பிரதிநிதிகள் உள்ளிட்டோர் நேரடியாக களத்தில் இறங்கி ஆய்வுகளில் ஈடுபட்டு அதிகாரிகளுக்கு உடனுக்குடன் உத்தரவுகளை பிறப்பித்த னர். நள்ளிரவிலும் கொட்டும் மழையில் நனைந்தபடி அனைத்து தேவையான நிவாரணப் பணிகளையும் முடுக்கி
விட்டனர்.
ஆனால் தற்போதைய த.வெ.க.
ஆட்சியாளர்கள், சென்னையை கனமழை புரட்டி போட்டும், ஒருவர் கூட வெளியில் வந்து பாதிப்பைஆய்வு செய்யாமல் வீடுகளில் முடங்கி கிடந்தனர். இதனால் பொதுமக்கள் கடும் அதிருப்தி
யடைந்தனர். வாக்களித்த மக்களுக்கு சேவையாற்றவும், நிவாரணப்பணிகளை முடுக்கி விடவும், தேங்கிய மழைநீரை அகற்றவும் ஒரு த.வெ.க. அமைச்சர் கூட நடவடிக்கை எடுக்கவில்லை.
சமூக ஆர்வலர்கள் கேள்வி!
முதலமைச்சர் விஜய் உட்பட த.வெ.க. அமைச்சர்கள், அக்கட்சியின் சட்டமன்ற உறுப்பினர்கள் அனைவரும் மக்களை மறந்து வீட்டில் உறங்கி கொண்டிருந்ததாக விமர்சனங்கள் எழுந்துள்ளன. வீட்டை விட்டு வெளியே வராத இவர்கள்தான் எதிர்வரும் மழையில் மக்களை காப்பாற்ற போகிறார்களா என்று சமூக ஆர்வலர்கள் கேள்வி எழுப்பியுள்ளனர்.
இந்நிலையில், மழைக்காலங்களில் முந்தைய தி.மு.க. ஆட்சியின்அபரிமிதமான செயல்பாடுகள், அரவணைப்புகள், நிவாரணப் பணிகள் மக்களின் கண்முன்னே வந்து செல்வதாக பலரும் கருத்து தெரிவித்துள்ளனர்.
இதற்கிடையே, சென்னை மற்றும் சுற்றுவட்டாரப் பகுதிகளில் இன்றும் கனமழை முதல் மிக கனமழை வரை பெய்ய வாய்ப்புள்ளதாக வானிலை ஆய்வுமையம் சிவப்பு எச்சரிக்கை விடுத்துள்ளது.சென்னை மண்டல வானிலை ஆய்வு மையம் வெளியிட்டுள்ள அறிவிப்பின்படி, அதிகாலை நேரத்தில் மேகக் கூட்டங்கள் கடல் பகுதிக்கு நகர்ந்ததால் தற்காலிகமாக மழை குறைந்திருந்தாலும், வளிமண்டல சுழற்சி காரணமாக, சென்னை மற்றும் அதன் புறநகர்ப் பகுதிகளில் இன்று மதியம் அல்லது மாலை மற்றும் இரவு நேரங்களில் மீண்டும் பலத்த இடியுடன் கூடிய கனமழை பெய்யக்கூடும் என்றும் தெரிவிக்கப்பட்டுள்ளது.
இதுகுறித்து பொதுமக்களுக்கு போனில்எச்சரிக்கை விடுக்கப்பட்டுள்ளது.