சென்னை, அக். 20 –
தமிழகத்தில் கடந்த மூன்று மாதங்களாக அரிசி விலை தொடர்ந்து உயர்ந்து வருவதால், ஏழை மற்றும் நடுத்தரக் குடும்பங்கள் கடுமையாகப் பாதிக்கப்பட்டுள்ளன. அரிசி யுடன் பருப்பு, சமையல் எண்ணெய் உள்ளிட்ட அத்தியாவசியப் பொருள்களின் விலையும் அதிகரித்துள்ளதால், குடும்பங்களின் மாதாந்திரச் செலவுகள் உயர்ந்துள்ளன. விலையைக் கட்டுப்படுத்தவும், பதுக்கலைத் தடுக்கவும் அரசு உடனடியாக நடவடிக்கை எடுக்க வேண்டும் என பொதுமக்கள் வலியுறுத்தியுள்ளனர்.
மூன்று மாதங்களில் மூட்டை விலை!
ரூ.800 வரை உயர்வு:
தமிழகத்தில் 26 கிலோ கொண்ட சன்னரக அரிசி மூட்டை ஜூலை மாதத்தில் ரூ.1,600-க்கு விற்பனை செய்யப்பட்டது. இது ஆகஸ்டில் ரூ.1,750-ஆகவும், செப்டம்பரில் ரூ. 1,900-ஆகவும் உயர்ந்து, அக்டோபரில் ரூ.2,200-ஆக அதிகரித்துள்ளது. இதேபோல, 26 கிலோ கொண்ட மோட்டா ரக அரிசி மூட்டை விலை ஜூலையில் ரூ. 1,200-ஆக இருந்தது. இது ஆகஸ்டில் ரூ. 1,400-ஆகவும், செப்டம்பரில் ரூ.1,600-ஆகவும் உயர்ந்து, தற்போது ரூ.1,800-க்கு விற்பனை செய்யப்படுகிறது.
இதன்படி, சன்னரக அரிசி மூட்டை விலை ரூ.800, மோட்டா ரக அரிசி மூட்டை விலை ரூ. 600 அதிகரித்துள்ளன.
நெல், அரிசி வியாபாரிகள் சங்கத் தலைவர் டி.கோபி கூறியதாவது: –
தமிழகத்தில் சுமார் 600 அரிசி ஆலைகள் உள்ளன. ென்னை, திருவள்ளூர், காஞ்சிபுரம், செங்கல்பட்டு மாவட்டங்களில் மட்டும் சுமார் 200 ஆலைகள் செயல்படுகின்றன.
வழக்கமாக நாளொன்றுக்கு 100 லாரிகளில் வந்தநெல், தற்போது 50 லாரிகளில்மட்டுமே வருகிறது. சென்னையின் அரிசித் தேவையில் பெரும்பகுதி ஆந்திரம், கர்நாடக மாநிலங்களிலிருந்து பூர்த்தி செய்யப்படுகிறது. வரத்து குறைந்துள்ள தால் விலை உயர்ந்துள்ளது.
இந்த நிலை டிசம்பர் வரை நீடிக்கலாம். ஜனவரியில்புதிய நெல் வரத்து தொடங்கியபின்னரே விலை குறைய வாய்ப்புள்ளது என்றார்.
விற்பனை சரிவு; ரேஷன் அரிசியை நாடும் மக்கள்:
மொத்த வியாபாரி ராஜேஷ் கூறுகையில், விலை உயர்வால் முன்பு 26 கிலோ அரிசி மூட்டை வாங்கியவர்கள் தற் போது 10 கிலோ மூட்டை களை வாங்குவதாகத் தெரிவித்தார். சில வியாபாரிகள் அரிசியைப் பதுக்கி வைப்பதாகப் புகார்கள் எழுந்துள்ளதால், அரசு கண்காணிப்பைத் தீவிரப்படுத்த வேண்டும் என்றும் அவர் வலியுறுத்தினார்.
சில்லறை வியாபாரி ஒருவர் கூறுகையில், முன்பு 10 கிலோ அரிசி வாங்கிய வாடிக்கையாளர்கள் தற்போது 5 கிலோ மட்டுமே வாங்குகின்றனர். பருப்பு, எண்ணெய் உள்ளிட்ட பொருள்களின் விலையும் உயர்ந்துள்ளதால், பலர் ரேஷன் கடை அரிசியை நம்பியுள்ளனர் என்றார்.
இல்லத்தரசி மஞ்சுளா கூறியதாவது:
முன்பு மாதந்தோறும் ஒருமூட்டை அரிசி வாங்கினோம். தற்போது கடைகளில் 10 கிலோவும், ரேஷன் கடை களில் 15 கிலோவும் வாங்க வேண்டியுள்ளது. உணவுச் செலவைக் குறைக்க ஒருவேளை உணவைக்கூட குறைத்து,சிற்றுண்டியுடன் சமாளிக்கவேண்டியுள்ளது. அரிசியுடன்பிற அத்தியாவசியப் பொருள்களின் விலையையும் குறைக்க அரசு நடவடிக்கை எடுக்க வேண்டும் என்றார்.
கூலித் தொழிலாளிசித்ரா கூறுகையில், விலைவாசி உயர்வால் வழக்கமாக வாங்கிய அரிசிக்குப் பதிலாக நொய் அரிசி வாங்க வேண்டிய நிலை ஏற்பட்டுள்ளது. கூலி வேலை செய்து குடும் பத்தை நடத்துவது சிரமமாகி வருகிறது. ரேஷன் கடை களில் அத்தியாவசியப் பொருள்களை மலிவுவிலையில் வழங்க வேண்டும்
என்றார்.
ஈரோடு ஒன்றியக் கழகச் செயலாளர் தோப்பு டி.சதாசிவம் தந்தையும், மேட்டுநாசுவம்பாளையம் முன்னாள் ஊராட்சி மன்றத் தலைவருமான தோப்பு எம்.துரைசாமி மறைவு செய்தியறிந்த ஈரோடு தெற்கு மாவட்டக் கழகச் செயலாளரும், முன்னாள் அமைச்சருமான சு.முத்துசாமி அவரது இல்லத்திற்கு நேரில் சென்று அன்னாரின் உடலுக்கு மலர்மாலை வைத்து, கழகக் கொடி போர்த்தி அஞ்சலி செலுத்திவிட்டு அவரது குடும்பத்தாருக்கு ஆறுதல் கூறினார். அதுபோது கழக கொள்கை பரப்பு இணைச் செயலாளர் வி.சி.சந்திரகுமார், மாவட்டக் கழகத் துணைச் செயலாளர் ஆ.செந்தில்குமார், மாவட்டக் கழகப் பொருளாளர் ப.க.பழனிச்சாமி, தலைமைச் செயற்குழு உறுப்பினர் டி.எஸ்.குமாரசாமி உள்ளிட்ட கழக நிர்வாகிகள் பலர் அஞ்சலி செலுத்தினார்கள்.