சேலம், அக். 20 –
சேலம் மத்திய மாவட்ட திமுக மற்றும் கருங்கல்பட்டி பகுதி திமுக சார்பில் திமுக முப்பெரும் விழா பொது கூட்டம் சேலம் தாதகாபட்டி பகுதியில் நடைபெற்றது.
சேலம் மத்திய மாவட்ட செயலாளரும், முன்னாள் அமைச்சருமான ராஜேந்திரன் தலைமையில் நடைபெற்ற இந்த கூட்டத்தில் கழக அமைப்பு செயலாளர் ஆர்.எஸ்.பாரதி கலந்து கொண்டு சிறப்புரை யாற்றினார்.
ஆர்.எஸ்.பாரதி சிறப்புரை!
கழக அமைப்பு செயலாளர் ஆர்.எஸ்.பாரதி பேசும் போது, 50 ஆண்டுகளுக்கு முன்பு இருந்த எழுச்சி தற்போது ஏற்பட்டு உள்ளது. பழைய தி.மு.க. உருவாகி வருவது மிக பெரிய நம்பிக்கை பிறந்து உள்ளது. அண்ணா விருது பெற்ற சேலம் மாவட்ட அவை தலைவர் சுபாஸை பாரட்டை பேசிய அவர் தி.மு.க.வில் தொடர்ந்து பயணித்தால் அனைவருக்கும் விழா எடுக்கபடும் என்று உறுதி அளித்த அவர், தற்போது தி.மு.க.வை அழிக்க நினைப்பவர்கள் எல்லாம் சுபாசு போன்றவர்கள் இருக்கும் வரை நடக்காது என்றும் தி.மு.க.வை அழிக்க நினைத்து பேசியவர்களுக்கு மலர் வளையம் வைத்தது தி.மு.க. என்றும், ஆட்சியில் இல்லாமல்
இருக்கலாம் ஆனால் தி.மு.க. சாதனைகளை யாராலும் அழிக்க முடியாது என்றார்.
ஒரு குடும்பத்தில் ஒருவர் படிப்பதற்கே வழியில்லாமல் இருந்த நிலையில் ஒரு குடும்பத்தில் உள்ள அனைவரும் பட்ட படிப்பு படிக்க காரணமான கட்சி தி.மு.க. என்று பேசிய அவர், இன்றைய இளைஞர்கள், பெண்களுக்கு இது தெரியாமால் தான் கடந்த தேர்தலில் வாக்களித்து விட்டனர் என்றார்.
என்ன மாற்றம் கண்டீர்கள்!
ரீல்ஸ் மோகத்தில் இருக்கும் இன்றைய இளைஞர்களுக்கு கடந்த கால வரலாறு தெரியாமல் உள்ளது என்றும் இந்த 4 மாதத்தில் என்ன மாற்றத்தை இந்த மக்கள் கண்டார்கள் என்று கேள்வி எழுப்பிய அவர், அரிசி விலை பல மடங்கு உயர்ந்தது தான் காரணம் என்றும், மின் கட்டணம் உயர்வு போன்றவைகளும் தான் சாதனை என்று ஊழலை ஒழிப்பேன் என்று கூறிய இந்த ஆட்சியில் லஞ்சம் அதிக அளவில் இருப்பதாக குற்றம் சாட்டினார்.
மின்வாரியத்தில் ஊழல்!
பெரியார் நூலகம் கட்டியது குறித்து பேசிய விஜய் அரசு பணத்தில் இருந்து தான் கட்டியதாக கூறி உள்ளார்..ஒரு முதலமைச்சர் அரசு பணத்தில் தான் திட்டங்களை நிறைவேற்ற முடியும் என்பது கூட தெரியாமல் உள்ளார் என்றும் கடந்த ஆட்சியில் மக்களுக்காக ஒரு யூனிட் மின்சாரத்தை 20 ரூபாய்க்கு வாங்கும் டெண்டரை இந்த அரசு வந்ததும், ரத்து செய்து விட்டு தற்போது 35 ரூபாய்க்கு வாங்கியதற்கு காரணம் என்ன என்றும் இது விஜக்கு தெரியுமா என்று கேள்வி எழுப்பிய அவர், தணிக்கை குழு விசாரணையில் பதில் சொல்லியே ஆக வேண்டும் என்றும் இதில் நடைபெற்று உள்ள முறைகேட்டினால் விஜயை சிறைக்கு அனுப்ப நிர்மல் குமாரும் ஆதவ் அர்ஜுனாவும் முடிவு செய்து விட்டனர் என்றார்.
மின்சார வாரியத்தில் நடைபெற்று உள்ள ஊழலை நிச்சயம் மக்கள் மத்தியில் கொண்டு செல்வோம் என்றும் பாமாயில் வாங்கியதில் 600 கோடி ஊழல் நடந்து உள்ளது என்றார்.. பருப்பு முதல் பாமாயில் வரை அனைத்திலும் ஊழல்நடந்து வருகிறது என்றும் இதனை தி.மு.க. சும்மா விடாது என்றார். விஜய் 5 நிமிடம் வந்தாலே போதும் என்று சொன்ன நிலையில் மாட்டு வண்டி ஓட்டவும் டீ கடைக்கு சென்று குடிக்க வைத்தது தி.மு.க. என்றார்.
கடந்த தேர்தலில் கூட்டணிக்கு கொடுத்த தொகுதிகளில் தி.மு.க. நின்று இருந்தால் மேலும் பல தொகுதிகள் ஜெயித்து இருக்கும் என்றும் வரும் உள்ளாட்சி தேர்தலில் கூட்டணி இல்லாமல் தி.மு.க. தனியாக நிற்கும் நிலை உருவாகி உள்ளதாகவும் பேசினார்.
கோவை பெரியார் நூலகம்,மெட்ரோ திட்டம் போன்ற தலைவரின் சாதனைகளை மக்கள் இப்போது தான் உணர ஆரம்பித்து உள்ளனர் என்று அவர் பேசினார்.
சேலம் ராஜேந்திரன் பேச்சு
முன்னதாக கூட்டத்தில் பேசிய முன்னாள் அமைச்சர் ராஜேந்திரன், தமிழகத்தை பொருளாரதாரத்திலும், தொழில் துறை, கல்வி துறை என அனைத்து துறைகளிலும் நம்பர் ஒன் என்ற நிலையில் தமிழகத்தை மாற்றியவர் திமுக தலைவர் ஸ்டாலின் என்றும் ஆனால் தற்போது நடைபெறும் நடிகர் விஜய் ஆட்சியில் மின் வெட்டில் முதலிடம், பொருளாதார வீழ்ச்சியில் முதலிடம், பெண்கள், குழந்தை களுக்கு பாதுகாப்பு இல்லாததில் முதலிடம், என்று மக்கள் விரோத ஆட்சி நடத்துவதில் முதலிடத்தில் தமிழகத்தை நடத்தி வருகிறார் என்று பேசிய அவர், மின்சாரத்தை இந்திய துணை கண்டத்திலேயே வேறு எங்கும் வாங்காத விலைக்கு மின்சாரத்தை வாங்கி பண வீழ்ச்சிக்கு வித்திட்டு உள்ளார் என்றும் இந்த ஆட்சி நீடிக்காது என்றும் விரைவில் மக்களால் தூக்கி எறியப்படும் என்றும் அவர் பேசினார்.
கூட்டத்தில் மத்திய மாவட்ட அவை தலைவர் சுபாசு, பொருளாளர் கார்த்திகேயன், தலைமை செயற்குழு உறுப்பினர் ராஜேந்திரன், தேர்தல் பணி குழு செயலாளர் தாமரை கண்ணன, கருங்கல்பட்டி பகுதி செயலாளர் சரவணன் உள்ளிட்ட பலரும் கலந்து கொண்டனர்.