சென்னை, அக்.20–
தமிழகத்தில் பருவமழை தொடங்கியுள்ள நிலையில், மழை, வெள்ளம் மற்றும் பிற பேரிடர்களின்போது மாற்றுத்திறனாளிகள் மற்றும் முதி யோர்களின் பாதுகாப்பை உறுதிப்படுத்த தமிழக அரசு உடனடியாகப் போர்க்கால அடிப்படையில் முன்னெச்ச ரிக்கை நடவடிக்கைகளை மேற்கொள்ள வேண்டும் என்று தி.மு.க. மாற்றுத்திறனாளிகள் அணியின் மாநிலச் செயலாளர் பேராசிரியர் தீபக் நாதன் வலியுறுத்தியுள்ளார்.
இது தொடர்பாக அவர் வெளியிட்டுள்ள அறிக்கையில் கூறியிருப்பதாவது:–
பருவமழை மற்றும் பேரிடர் காலங்களில் மாற்றுத்திறனாளிகள், முதியோர்கள் மற்றும் அவர்களது குடும்பங்கள் எதிர் கொள்ளும் பாதிப்புகள் வழக்கமான நிவாரண நடவடிக்கைகளால் மட்டும் முழுமையாகத் தீர்க்கப் பட முடியாது. குறிப்பாக, அதிக உதவி தேவைப்படும் மாற்றுத்திறனாளிகள், தனியாக வசிக்கும் முதியோர்கள், ஆதரவற்ற குடும்பங்கள் மற்றும் அவசரகாலங்களில் பிறரின் உதவியின்றி பாதுகாப்பான இடங்களுக்குச் செல்ல இயலாதவர்கள் ஆகியோரின் பாதுகாப்பில் தமிழக அரசு கூடுதல் கவனம் செலுத்த வேண்டும்.
ஏற்கெனவே, பேரிடர் மேலாண்மைச் சட்டம், 2005-இன் கீழ் சம்பந்தப்பட்டஅதிகாரிகள் மேற்கொள்ளவேண்டிய கடமைகள் மற்றும் மாற்றுத் திறனாளிகளின் பாதுகாப்பை உறுதிப்படுத்த வேண்டிய அவசியம் குறித்துஅனைத்து மாவட்ட ஆட்சியர்கள், வருவாய் மற்றும் பேரிடர் மேலாண்மைத் துறை அதிகாரிகள், தமிழ்நாடு நகர்ப்புற வாழ்விட மேம்பாட்டு வாரிய அதிகாரிகள், மாற்றுத்திறனாளிகள் நல ஆணையர் மற்றும் மாவட்ட மாற்றுத் திறனாளிகள் நல அலுவலர்கள் உள்ளிட்ட சம்பந்தப்பட்ட அதிகாரிகளிடம் கோரிக்கைகள்முன்வைக்கப்பட்டுள்ளன.
இந்தக் கோரிக்கைகளை வெறும் கடிதங்களாகக் கருதாமல், அவற்றின் அடிப்படையில் உடனடியாகச் செயல்பட வேண்டிய அவசியம் ஏற்பட்டுள்ளது.
மாற்றுத்திறனாளிகள் மற்றும் முதியோர்களைக் கொண்ட குடும்பங்களை முன்கூட்டியே கண்டறிந்து, அவர்களுக்குத் தேவையான அத்தியாவசிய உணவுப் பொருட்கள், பாதுகாப்பான குடிநீர், மருந்துகள், மருத்துவ உதவிகள் மற்றும் பாதுகாப்பான தங்குமிடங்கள் ஆகியவற்றை உரிய நேரத்தில் வழங்குவதற்கான ஏற்பாடுகளை அரசு உறுதிப்படுத்த வேண்டும். வெள்ள அபாயம் உள்ள பகுதிகளில் வசிப்பவர்களை முன்கூட்டியேபாதுகாப்பான இடங்களுக்கு அழைத்துச் செல்வதற்கான திட்டங்களும் செயல்படுத்தப்பட வேண்டும்.
சிறப்பு ஏற்பாடுகள்
தேவை!
பேரிடர் காலங்களில் சக்கர நாற்காலிகள், செவிப்புலன் கருவிகள், நடப்பதற்கான உதவிக் கருவிகள் மற்றும் பிற அத்தியாவசிய உதவி உபகரணங்கள் சேதமடையவோ,வெள்ளத்தில் அடித்துச் செல்லப்படவோ வாய்ப்புள்ளது. இதனால், பேரிடருக்குப் பிறகு மாற்றுத்திறனாளிகள்தங்களது அன்றாட வாழ்க்கையைத் தொடர்வதிலும், மருத்துவ உதவிகளைப் பெறுவதிலும் கடுமையான சிரமங்களைஎதிர்கொள்ள நேரிடுகிறது.
எனவே, சேதமடைந்த உதவி உபகரணங்களை உடனடியாகப் பழுதுபார்த்துத் தருவதற்கும், பயன்படுத்த முடியாத உபகரணங்களுக்குப் பதிலாக மாற்று உபகரணங்களை வழங்குவதற்கும் அரசு சிறப்பு ஏற்பாடுகளைச் செய்ய வேண்டும்.
அதேபோன்று, வெள்ளம் மற்றும் பேரிடர்களால் ஆதார் அட்டை, மாற்றுத்திறனாளிகளுக்கான அடையாள அட்டை, மருத்துவ ஆவணங்கள், வங்கிச் சான்றுகள் உள்ளிட்ட முக்கிய ஆவணங்களை இழக்க நேரிடலாம். இத்தகைய சூழலில், பாதிக்கப்பட்டவர்களை மீண்டும் மீண்டும் அலுவலகங்களுக்கு அலையவிடாமல், எளிமையான நடைமுறைகளின் மூலம் மாற்று ஆவணங்களைப் பெற்றுத் தருவதற்கான சிறப்பு முகாம்களை அரசு நடத்த வேண்டும். ஏற்கெனவே பாதிக்கப்பட்டுள்ள மக்களுக்கு கூடுதல் நிர்வாகச் சுமையை ஏற்படுத்தாமல், மனிதநேயத்துடன் இந்த நடவடிக்கைகள் மேற்கொள்ளப்பட வேண்டும்.
மாற்றுத்திறனாளிகளுக்கும் இடமளிக்க வேண்டும்!
மாவட்ட மற்றும் மாநில அளவிலான பேரிடர் மேலாண்மைக் குழுக்களில் மாற்றுத்திறனாளிகளின் பிரதிநிதிகள் இடம் பெறுவதை தமிழக அரசு உறுதிப்படுத்த வேண்டும். மாற்றுத்திறனாளிகளின் தேவைகள் குறித்து அவர்களிடம் நேரடியாகக் கேட்டறிந்து, பேரிடர் தடுப்பு, முன்னெச்ச ரிக்கை, பாதுகாப்பான வெளியேற்றம், நிவாரணம் மற்றும் மறுவாழ்வுதொடர்பான திட்டங்களைஉருவாக்க வேண்டும்.
அணுகல்தன்மை இல்லாத நிவாரண முகாம்கள், தகவல் தொடர்பு வசதிகளின் குறைபாடு கள், போக்குவரத்து சிக்கல்கள் மற்றும் மருத்துவ உதவிகளைப் பெறுவதில் ஏற்படும் தடைகள் ஆகியவை பேரிடர் காலங்களில் மாற்றுத்திறனாளிகளின் உயிருக்கும் பாது காப்புக்கும் அச்சுறுத்தலாக அமையக்கூடும். எனவே, பேரிடர் தொடர்பான அனைத்து திட்டங்களிலும் மாற்றுத்திறனாளிகளின் தேவைகள் உள்ளடக்கப்படுவது கட்டாயமாக்கப்பட வேண்டும்.
மாற்றுத்திறனாளிகளுக்குப் புரியும் வகையில் எச்சரிக்கைத் தகவல்களை வழங்குவதோடு, செவித்திறன், பார்வைத்திறன் மற்றும் அறிவுசார் குறைபாடுகள் கொண்டவர்கள் உட்பட பல்வேறு மாற்றுத்திறனாளிகளும் அவற்றைப் புரிந்துகொண்டு உரிய நேரத்தில்பாதுகாப்பாகச் செயல்படுவதற்கான அணுகல்தன்மை கொண்ட தகவல் தொடர்பு முறை களையும் அரசு உறுதிப்படுத்த வேண்டும்.
மனிதநேய கடமை!
பேரிடர் காலங்களில் மாற்றுத்திறனாளிகள்
மற்றும் முதியோர்களின் பாதுகாப்புஎன்பது
அரசின் கருணையைச் சார்ந்த விஷயமல்ல; அது அவர்களின் அடிப்படை உரிமை. அவர்களைப் பாதுகாப்பது அரசின்
சட்டபூர்வமான பொறுப்பும்சமூகத்தின் மனிதநேயக் கடமையுமாகும்.
மழை, வெள்ளம் ஏற்பட்டு உயிரிழப்புகளும் பாதிப்புகளும் நிகழ்ந்த பிறகு நிவாரண நடவடிக்கைகளை மேற்கொள்வதைவிட, பாதிப்புகள் ஏற்படுவதற்கு முன்பே உரிய பாதுகாப்பு ஏற்பாடுகளைச் செய்வதே பொறுப்பான நிர்வாகத்தின் அடையாளம்.
எனவே, ஏற்கெனவே முன்வைக்கப்பட்ட கோரிக்கைகளை தமிழக அரசு உடனடியாகப் பரிசீலித்து, சம்பந்தப்பட்ட துறைகளுக்கு உரிய அறிவுறுத்தல்களை வழங்கி, மாவட்ட அளவில் முன்னெச்சரிக்கை நடவடிக்கைகள் செயல்படுத்தப்படுவதை உறுதிப்படுத்த வேண்டும்.
மாற்றுத்திறனாளிகள் மற்றும் முதியோர்களின் பாதுகாப்பில் எவ்வித அலட்சியமும் ஏற்படாத வகையில், ஒருங்கிணைந்தசெயல்திட்டத்தை உருவாக்கி நடை முறைப்படுத்த வேண்டும் என்று பேராசிரியர் தீபக் நாதன் தமிழக அரசை வலியுறுத்தியுள்ளார்.
முன்னெச்சரிக்கையே பாதுகாப்பு! உரிய நேரத்தில் உதவுவதே மனிதநேயம்!
இவ்வாறு அவர் தெரிவித்துள்ளார்.