#Title

திண்டுக்கல் மாவட்டக் கழக மூத்த நிர்வாகி ரெட்டியார்சத்திரம் ப.க.சிவகுருசாமி மறைவு! முன்னாள் அமைச்சர் ஐ.பெரியசாமி, மாவட்டச் செயலாளர்கள் அர.சக்கர பாணி, இ.பெ.செந்தில்குமார் அஞ்சலி !

திண்டுக்கல், அக்-. 20 –

திண்டுக்கல் மாவட்ட திமுக மூத்த நிர்வாகி ரெட்டியார்சத்திரம் ப.க.சிவகுரு சாமி மறைவுக்கு முன்னாள் அமைச்சர்கள் ஐ.பெரிய சாமி, அர.சக்கரபாணி, திண்டுக்கல் கிழக்கு மாவட்ட திமுக செயலாளர் ஐ.பி.செந்தில்குமார், திண்டுக்கல் எம்.பி. ஆர்.சச்சிதானந்தம் ஆகியோர் ப.க.சிவகுருசாமி உடலுக்கு மாலை வைத்து அஞ்சலி செலுத்தினர். 49 வருடங்களாக ரெட்டியார் சத்திரம் ஒன்றிய திமுகவை கட்டிக்காத்த அண்ணன் ப.க.சிவகுருசாமி அவர்களை இழந்துவிட்டேன் என்று முன்னாள் அமைச்சரும், தி.மு.க. துணை பொதுச்செயலாளருமான ஐ.பெரியசாமி உருக்கமாக பேசினார்.

திண்டுக்கல் மாவட்டத்தில் உள்ள ரெட்டியார்சத்திரம் ஒன்றியம், டி.புதுப்பட்டி ஊராட்சி கிரா மத்தைச் சேர்ந்தவர் சிவகுருசாமி. 1937ம் வருடம் பிப்ரவரி 27ம் தேதி பிறந்த அவர் இளம்வயதிலேயே திராவிட இயக்கத்தில் இணைந்து செயல்பட்டு வந்தார். அதன் பின்னர் திமுகவில் 1977ம்ஆண்டு முதல் 2026 இன்றுவரை ரெட்டியார்சத்திரம் ஒன்றிய திமுக செயலாளராக பதவி வகித்துவருகிறார்.

1986-ம் வருடம் ரெட்டியார்சத்திரம் ஊராட்சி ஒன்றிய திமுக சேர்மனாக (ஒன்றியக்குழு தலைவர்)தேர்ந்தெடுக்கப்பட்ட ப.க.சிவகுருசாமி, கட்சி பணிகளில் தொடர்ந்து ஈடுபட்டு, 1991ம் வருடம் மாவட்டகவுன்சிலராகவும், அதன்பின்னர் தொடர்ந்து 2011 வரை ஒன்றியகுழு உறுப்பினராக பதவிவகித்துள்ளார். இரண்டு முறை ஒன்றிய பெருந்தலைவராகவும் இந்தியாவிலேயே 84 வயதில் 36 வருடங்களுக்கு பிறகு மீண்டும் ஒன்றிய பெருந்தலைவராக தேர்ந்தெடுக்கப்பட்டவராக ப.க.சிவகுரு சாமி பெயர்பெற்றார். தற்போது சென்னையில் நடைபெற்ற திமுக முப்பெரும்விழாவில் ப.க.சிவகுரு சாமி அவர்களின் கழக பணியை பாராட்டி திமுக தலைமை கழகம் அவருக்கு ‘தந்தை பெரியார்’ வழங்கியது. திமுக மாநில துணைப் பொதுசெயலாளர் ஐ.பெரியசாமி அவர்களின் நம்பிக்கைக்குரியவராக இருந்துவந்த ப.க.சிவகுருசாமி அவர்கள் கடந்த சில நாட்களாக உடல்நலக்குறைவால் மருத்துவமனையில் சிகிச்சை பெற்றுவந்தார். இந்நிலையில் 17.10.2026 அன்று காலை இயற்கை எய்தினார் என்றசெய்தி திண்டுக்கல் மாவட்ட தி.மு.க. வினரை பெரும் அதிர்ச்சியில் ஆழ்த்தியது.

மறைந்த சிவகுருசாமி அவர்களுக்கு பிச்சை யம்மாள் (85) என்ற மனைவியும், சக்கரவர்த்தி மணிமாறன், தம்பித்துரை என்ற இரு மகன்களும், மணிமேகலை என்ற மகளும் உள்ளனர். ப.க.சிவகுருசாமி அவர்களின் மறைவு செய்தி கேட்டு தன் உடல் நிலையையும் பொருட்படுத்தாதது, தி.மு.க. மாநில துணைப் பொதுச்செயலாளரும், முன்னாள் அமைச்சருமான ஐ.பெரியசாமி ப.க.சிவ குரு சாமியின் உடலுக்கு மாலை அணிவித்து கண்ணீர் மல்க அஞ்சலி செலுத்தினார்.அப்போது நிர்வாகிகள் மத்தியில் பேசிய முன்னாள் அமைச்சர் ஐ.பெரியசாமி ரெட்டியார்சத்திரம் ஒன்றியத்தில் 49 வருடங்களாக தி.மு.க. ஒன்றிய செயலாளராக பதவியில் இருந்து என் உடன் பிறந்த சகோதரரை போல் என்னிடம் அன்பாக பழகி ரெட்டியார்சத்திரம் ஒன்றியம் தி.மு.க.வை கட்டிக்காத்த சகோதரரை இழந்துவிட்டேன் என்றார். திமுக தலைமை கழகம் அவருக்கு (ப.க.சிவகுருசாமி) தந்தை பெரியார் விருது வழங்கியபோதும், உடல் நலக் குறைவால் சென்னையில் நேரடியாக அவரால் வாங்க முடிய வில்லை. அவருக்கு பதில் நான் கழகத் தலைவரிடம் வாங்கினேன். இதை என்னால் மறக்க முடியாது. அவருக்கு ஒரு பாராட்டுவிழா வைத்து விருதை வழங்கலாம் என்று நினைத்தபோது அண்ணன் மறைந்து விட்டார். அவரின் இறப்பு ரெட்டியார்சத்திரம் ஒன்றிய திமுகவிற்கு பெரும் இழப்பாகும் என்றார்.

முன்னாள் அமைச்சர் ஐ.பெரியசாமி அவர்களை தொடர்ந்து முன்னாள் உணவுத்துறை அமைச்சர் அர.சக்கரபாணி தி ண்டுக்கல் கிழக்கு மாவட்ட தி.மு.க. செயலாளர் ஐ.பி.செந்தில்குமார், திண்டுக்கல் பாராளுமன்ற உறுப்பினர் ஆர்.சச்சிதானந்தம் மெர்சி பவுண்டே சன் நிறுவனர் மெர்சி செந்தில்குமார் மற்றும் திண்டுக்கல் கிழக்கு மாவட்ட தி.மு.க. அவைத்தலைவர் வழக்கறிஞர் காமாட்சி, திமுக தலைமை செயற்குழு உறுப்பினர்கள் ஆத்தூர் நடராஜன், தண்டபாணி, மாவட்டப் பொரு ளாளர் சத்தியமூர்த்தி, மாவட்ட துணை செயலாளர்கள் ஆ.நாகராஜன், பிலால் உசேன்,

மார்க்கிரேட் மேரி, திண்டுக்கல் மாநகர மேயர் இளமதி ஜோதிபிரகாஷ், துணை மேயர் ச.ராஜப்பா, ஒன்றிய செயலாளர்கள் திண்டுக்கல் நெடுஞ்செழியன், பிள்ளையார்நத்தம் முருகேசன், இன்பராஜ், பாறைப்பட்டி இராமன், மணி, பொதுக்குழு உறுப்பினர்கள் அக்பர், கலைராஜன், மாவட்ட இலக்கிய அணி அமைப்பாளர் முருகானந்தம், விவசாய அணி அமைப்பாளர் இல.கண்ணன், மாவட்ட திமுக தகவல் தொழில்நுட்ப அணி ஒருங்கிணைப்பாளர்கள் பாறைப்பட்டி வாஞ்சிநாதன், சித்தரேவு கணேசன்,

திண்டுக்கல் மேற்கு மாவட்ட திமுக பொருளாளர் சாணார்பட்டி விஜயன், பேரூராட்சி மன்ற தலைவர்கள் கன்னிவாடி தனலெட்சுமி சண்முகம், அகரம் நந்தகோபால், ஸ்ரீராமபுரம் சகிலாராஜா, அய்யம்பாளையம் ரேகாஅய்யப்பன், நத்தம் சிக்கந்தர்பாட்ஷா, பேரூர் கழக தி.மு.க. செயலாளர் கன்னிவாடி இளங்கோவன், இளைஞரணி அமைப்பாளர்கள் ரமேஷ், காங்கேயன்,

வசந்தகுமார், முன்னாள் ஊராட்சிமன்ற தலைவர்கள் சின்னு (எ) முருகன், அருணாசலம், கரிசல்பட்டி பால்ராஜ், சுந்தரி அன்பரசு, மெர்சி (எ) லெட்சுமி மற்றும் திமுக நிர்வாகிகள் டி.புதுப்பட்டி உதயகுமார், மாணவரணி செல்வம் உட்பட தி.மு.க.வினர் பலர் கலந்துகொண்டு மறைந்த ப.க.சிவகுருசாமி உடலுக்கு மலர் அஞ்சலி செலுத்தினார்கள்.