சென்னை, அக். 20 –
‘‘முதல்வர் Rest எடுப்பதை விடுத்து தொடரும் கொலைகள், போதைப் போருள் கடத்தலைத் தடுக்க நடவடிக்கை எடுப்பாரா?’’ என்று கழகத் தலைவர் மு.க.ஸ்டாலின் அவர்கள் விடுத்துள்ள அறிக்கையில் காட்டமாக விமர்சித்துள்ளார்.
நாகப்பட்டினத்தில் 135 கோடி ரூபாய் மதிப்பில் தவெக நிர்வாகியிடம் சர்வதேச போதை பொருளான மெத்தபெட்டமைன் பிடிபட்ட வழக்கில் பல திடுக்கிடும் தகவல்கள் தெரியவந்துள்ளது.
கைதான த.வெ.க. முன்னாள் நிர்வாகி பூபாலன் தரப்பினர், உயரதிகாரி ஒருவருடன் தொடர்பில் இருந்தாக தெரிகிறது.
அந்த நபர், பூபாலன் தரப்பினரிடம்
‘ஐ போனில் உள்ள ‘‘பேஸ் டைம்
ஆடியோவில்’’ அவ்வப்போது பேசி
வந்துள்ளதாக கூறப்படுகிறது.
இதனால் பூபாலனுக்கு உதவிய அதிகாரிகளும் அதிர்ச்சியில் உள்ளனர். எனவே இந்திய அளவில் பல முக்கிய புள்ளிகள் சிக்க வாய்ப்புள்ளதாக கூறப்படுகிறது.
மேலும், பெருந்துறை அருகே
காணாமல் போன நர்ஸ், பெருந்துறை அருகே நிர்வாண நிலையில் சடலமாக
மீட்கப்பட்டார். அவரை கடத்திச் சென்று பாலியல் பலாத்காரம் செய்து கொன்று நகை கொள்ளையடிக்கப்பட்டது குறித்து போலீசார் விசாரணை நடத்தி வருகிறார்கள்.
கடந்த 14ம் தேதி வேலைக்கு சென்ற நர்ஸ், மருத்துவமனையில் இருந்து அன்று இரவு 7 மணிக்கு மேல் பணி முடிந்து வீட்டுக்கு திரும்பியதாகவும், வழியில் பழக்கடை ஒன்றுக்கு சென்றதாகவும் அதன்பிறகே காணாமல் போனதாகவும் கூறப்படுகிறது.
முதற்கட்ட விசாரணையில், நர்ஸ் கடத்தப்பட்டு பாலியல் பலாத்காரம் செய்து கொலை செய்யப்பட்டுள்ளது தெரியவந்துள்ளது.
போதைப் பொருள் கடத்தல்
கொடிகட்டிப் பறக்கிறது!
இந்நிலையில், கழகத் தலைவர் மு.க.ஸ்டாலின் அவர்கள் விடுத்துள்ள அறிக்கை வருமாறு :–
சில நாட்களுக்கு முன்புதான், திண்டுக்கல் மாவட்டத்தில் காவல் நிலையத்தில் ஜாமின் கையெழுத்து
போட்டுவிட்டு வந்தவர் மனைவி முன்பே கொடூரமாகக் கொலை செய்யப்பட்டார். அப்போதே, “ஜாமினில்
வெளி வரும் குற்றவாளிகள்
கண்காணிக்கப்படுகிறார்களா இல்லையா?” என நான் கேள்வி எழுப்பி
யிருந்தேன். அப்படி உருப்படியான
எதுவும் செய்யப்படுவதில்லை எனச்
சிவகங்கையில் நேற்று நடந்துள்ள
மற்றுமொரு கொலைச் சம்பவம் காட்டியுள்ளது.
கொலை வழக்கில் கைதாகி, ஜாமினில் வெளிவந்த மதன் எனும் ரவுடி ஓட ஓட விரட்டிக் கொலைசெய்யப்பட்டுள்ளார். முழுக்க முழுக்க காவல்துறையின் அலட்சியத்தால் நடந்துள்ள கொலை இது.
பெருந்துறை அருகே செவிலியர்
கடத்தப்பட்டு, பாலியல் வன்கொடுமைக்கு உள்ளாக்கப்பட்டு கொலை செய்யப்பட்டுள்ளார். 5 நாட்களுக்குப் பின்புதான் அவரது சடலத்தையே கண்டறிந்திருக்கிறார்கள். நடப்பது நம் ஆட்சிதானே என நினைத்து த.வெ.க. நிர்வாகிகளின் போதைப் பொருள் கடத்தலும் கொடி
கட்டிப் பறக்கிறது.
வேதாரண்யத்தில் த.வெ.க. ஒன்றியச் செயலாளர் கஞ்சா கடத்திய வழக்கில் கைது செய்யப்பட்டார். இப்போது, அதே மாவட்டத்தில் உலகத்துக்கே மெத் தயாரித்து விற்பனை செய்யும் மையமாகத் தமிழ்நாட்டை மாற்ற முயன்ற த.வெ.க.
நிர்வாகி ‘மெத்’ பூபாலனும் கைதாகியுள்ளார்.
முதலமைச்சரின் திரைப்படங்களைப் பார்த்து இதைத்தான் அவரது கட்சிக்காரர்கள் கற்றுக்கொள்கிறார்களா? மாநிலக் காவல்துறையினரால் இவர்களைப் பிடிக்க முடியவில்லையா அல்லது ஆளும்கட்சி நபர் என்பதால் இத்தனை நாள் கண்டும் காணாமல் விட்டனரா?
முதலமைச்சர் தன் கட்சியினரை
Control–இல் வைக்க வேண்டும்!
Drug control செய்ய வேண்டுமென்றால், முதலில் தன் கட்சியினரை முதலமைச்சர் control-–இல் வைக்க வேண்டும். அதற்கு, காவல்துறை முதலில் அவரது கட்டுப்பாட்டில் இருக்க வேண்டும். ஆனால் நடப்பது என்ன?
காவல்துறையை முதல்வர்
OutSource செய்துவிட்டாரா?
துறைக்குப் பெயரளவில் மட்டுமே முதலமைச்சர் பொறுப்பு வகிக்கிறார். தன்னிடமுள்ள பல துறைகளின் பொறுப்புகளை மற்ற அமைச்சர்களுக்குப் பிரித்துக் கொடுத்ததைப் போல,காவல்துறையையும் outsource செய்துவிட்டாரா?
காவல்துறையில் அவர் உரிய கவனம் செலுத்துவதில்லை என்பதைத்தான் நிற்காமல் தொடரும் அரிவாள் வெட்டுகளும், ஒன்றிய அரசின் விசாரணை அமைப்பு களிடம் பிடிபடும் போதைக் கடத்தல்களும் காண்பிக்கின்றன. CM sir, your negligence is costing lives. Drugs-ஐ விடு, Sports-ஐ
எடு என்று சொன்ன நீங்கள் முதலில் Rest-ஐ விட்டுவிட்டு, உங்கள் துறையைக் கையில் எடுங்கள்.
இவ்வாறு கழகத் தலைவர் மு.க.ஸ்டாலின் அவர்கள் தமது அறிக்கையில் கூறியுள்ளார்.