நாகப்பட்டினம், அக். 21 –
நாகப்பட்டினத்தில் ரூ.1000 கோடி மதிப்புள்ள 135 கிலோ த.வெ.க. நிர்வாகியிடம் சர்வதேச போதைப் பொருளான மெத்தபெட்டமைன் பிடிபட்ட வழக்கில் பல திடுக்கிடும் தகவல்கள் தெரியவந்துள்ளது.
மத்திய வருவாய் குற்றப்பிரிவு புலனாய்வுத் துறை திருச்சி மண்டல அதிகாரிகளுக்கு நாகப்பட்டினத்தில் இருந்து இலங்கைக்கு சர்வதேச போதைப்பொருளான மெத்தபெட்டமைன் கடத்துவதாக ராமநாத புரம் மாவட்டத்தில்இருந்து கடந்த சில தினங்களுக்கு முன் தகவல் வந்தது.
இதையடுத்து கடந்த16ம்தேதி நாகப்பட்டினம் மாவட்டம் வேளாங்கண்ணி அருகே பிரதாபராமபுரத்தைச் சேர்ந்த சுகன் வீட்டில் 16 பேர்கொண்ட புலனாய்வுத் துறை அதிகாரிகள் சோதனை நடத்தி அங்கு பதுக்கி வைத்திருந்த, சர்வதேச சந்தை மதிப்பில் ரூ.1000 கோடி மதிப்பிலான 135 கிலோ மெத்த பெட்டமைன் பறிமுதல் செய்தனர்.
இந்தக் கடத்தலுக்கு மூளையாக இருந்தநாகப்பட்டினம் மாவட்ட த.வெ.க. செயற்குழு உறுப்பினரும், வழக்கறிஞருமான வேளாங்கண்ணி அருகே கீழப்பிடாகையை சேர்ந்த பூபாலன் (42),மணிகண்டன் (29), பிரதாபராம புரம் சதீஷ் (30) ஆகிய 4 பேரை கைது செய்து வேதாரண்யம் மாஜிஸ்திரேட் முன்பு ஆஜர்படுத்தப்பட்டு, நள்ளிரவில்நாகப்பட்டினம் மாவட்டசிறையில் அடைத்தனர்.
லேத் பட்டறையில் தயாரித்த
போதைப் பொருள்!
இந்நிலையில் வருவாய் குற்றப்பிரிவு
புலனாய்வுத் துறை அதிகாரிகள் அவர்களிடம் நடத்திய விசாரணையில் பல திடுக்கிடும் தகவல்கள் வெளியாகிஉள்ளது.
கைப்பற்றப்பட்ட மெத்தபெட்டமைன் இன்னும் சில தினங்களில் நாகப்பட்டினத்தில் இருந்து இலங்கைக்கு கடத்த தயார் நிலையில் இருந்தது தெரியவந்துள்ளது. மேலும் ராமநாத புரத்தில் ஒரு லேத் பட்டறையில் வைத்து மெத்த பெட்டமைன் தயாரித்து நாகப்பட்டினத்திற்கு அனுப்பி வைத்ததாக அங்கு ஏற்கனவே கைது செய்யப்பட்டவர்கள் கூறி உள்ளனர்.
இதன் அடிப்படையில் கடந்த ஜூன் மாதம் முதல் வேளாங்கண்ணியில் முகாமிட்ட புலனாய்வுத் துறை அதிகாரிகள், சுகன் மற்றும் அவருடன் தொடர்புடையவர்களின் வீடுகளை ரகசியமாக கண்காணித்து வந்துள்ளனர். ராமநாதபுரத்தில் ஏற்கனவே கைது செய்யப்பட்டவர்களின் செல்போன்கள் உரையாடல் கள், வாட்ஸ்அப் செயல்பாடுகளை அதிகாரிகள் கண்காணித்து வந்துள்ளனர். இந்தக் கண்காணிப்பின் போது சந்தேகத்திற்கு இடமாக வந்த அழைப்புகளை பார்த்த போது நாகப்பட்டினத்தில் இருந்து வந்ததை உறுதி செய்தனர்.
ஐரோப்பா – மத்திய ஆசிய
நாடுகளுக்கும் கடத்த முயற்சி!
இதன் பின்னர் சுகன் வீட்டில் மெத்த பெட்டமைன் பதுக்கி வைத்திருப்பது தெரியவந்து, புலனாய்வுத் துறைஅதிகாரி கள் சுகன் வீட்டில் சோதனை செய்து அதனை பறிமுதல் செய்துள்ளனர்.
நாகப்பட்டினத்தில் இருந்து இலங்கை வழியாக ஐரோப்பா, மத்திய ஆசிய நாடுகளுக்கும் கடத்த சர்வதேச கடத்தல் கும்பல் தயார் நிலையில் இருந்ததாகக் கூறப்படுகிறது.
மெத்தபெட்டமைன் தயார் செய்ய வட மாநிலங்களில் இருந்து மூலப் பொருட்களை கும்பல்கள் கொண்டு வந்து பெங்களூரில் இருந்து ராமநாதபுரம் கொண்டு சென்று அங்கு வைத்து தயார் செய்யப்பட்டது தெரிய வந்துள்ளது.
ராமநாதபுரத்தில் இருந்து கடத்தப்படும் மெத்தபெட்டமைன் மண்டபம், வேதாளை, பாம்பன் வழியாக இலங்கையில் உள்ள கல்பிட்டிக்கு செல்வதாகவும், அதே போல் நாகப்பட்டினத்தில் இருந்து இலங்கைமன்னார் பகுதிக்கும், தூத்துக்குடியில் இருந்து கொழும்புக்கும் மெத்தபெட்டமைன் கடத்தப்படுவதாக தகவல்கள் வெளியாகி உள்ளது.
சர்வதேச போதைப் பொருளான மெத்தபெட்டமைன் கடற்கரைமாவட்டமான நாகப்பட்டினத்தில் கைப்பற்றபட்டுள்ளதால் சர்வதேச குற்ற அமைப்புகளுடன் பிடிபட்ட 4 பேருக்கும், நாகப்பட்டினத்தைச் சேர்ந்த மற்றவர்களுக்கும் தொடர்புகள் இருக்குமா? என்ற கோணத்தில் தொடர்ந்து விசாரணைநடத்தப்படுகிறது.
கைதான த.வெ.க. முன்னாள் நிர்வாகி பூபாலன் தரப்பினர், உயரதிகாரி ஒருவருடன் தொடர்பில் இருந்தாகத் தெரிகிறது.
அதிகாரிகளுக்கு
அதிர்ச்சி!
அந்த நபர், பூபாலன் தரப்பினரிடம் ‘ஐ’ போனில் உள்ள ‘‘பேஸ் டைம் ஆடியோவில்’’அவ்வப்போது பேசி வந்துள்ளதாகக் கூறப்படு கிறது.
பேஸ் டைம் ஆடியோவில் பேசுவதை எந்த ஒரு தொழில்நுட்பத்தை பயன்படுத்தியும் எடுக்க முடியாது என்பதால், அமெரிக்காவில் உள்ள ‘ஐ’ போன் தலைமையகத்தை நாடவும் அதிகாரிகள் முடிவு செய்துள்ளனர்.
இதனால் பூபாலனுக்குஉதவிய அதிகாரிகளும் அதிர்ச்சியில் உள்ளனர். எனவே இந்திய அளவில் பல முக்கியப் புள்ளிகள் சிக்க வாய்ப்புள்ளதாகக் கூறப்படுகிறது.