சென்னை, அக். 21–
நாகை மாவட்டத்தின் செய்தியாளர்களை த.வெ.க.வினர் மிரட்டி யதற்கு கடும் கண்டனம் தெரிவித்து அறிக்கை வெளியிட்டுள்ள மனித நேய மக்கள் கட்சியின் தலைவரும் நாகை சட்டமன்ற உறுப்பினருமான பேராசிரியர் எம்.எச்.ஜவாஹிருல்லா அவர்கள், ஊடகச் சுந்திரத்தை அளும் கட்சியினர் அச்சுறுத்துவதா என்று கேள்வி எழுப்பியுள்ளார்.
இது தொடர்பாக அவரது அறிக்கை வருமாறு: –
நாகப்பட்டினம் மாவட்டத்தில் 137 கிலோ உயர்ரக போதைப்பொருட்கள் பறிமுதல் செய்யப்பட்டு, அவற்றுடன் தொடர்புடையவர்கள் கைது செய்யப்பட்டுள்ள சம்பவங்கள் குறித்து செய்திகளை வெளியிட்டுவரும் செய்தியாளர்களுக்குமிரட்டல் விடுக்கப்பட்டிருப்பது கடும் கண்டனத்திற்குரியது.
போதைப்பொருள் பறிமுதல் சம்பவத்தில் தொடர்புடையவர்கள் ஆளும் தமிழக வெற்றிக் கழகத்தில் (த.வெ.க.) பொறுப்புகளில் இருந்ததாகக் கூறப்படுகிறது. இச்சம்பவத்தைத் தொடர்ந்து அவர்கள் கட்சியிலிருந்து நீக்கப்பட்டதாக அறிவிப் பும் வெளியாகியுள்ளது.
இந்நிலையில், இச்சம்பவம் தொடர்பாகச் செய்தி வெளியிடக் கூடாது என்று வலியுறுத்தி, நாகப்பட்டினத்தைச் சேர்ந்த செய்தியாளர் பார்த்திபனை வாட்ஸ்அப் வாயிலாகத் தொடர்புகொண்ட தவெக நிர்வாகி ஒருவர், அனைத்து செய்தியாளர்களுக்கும் மிரட்டல் விடுக்கும் வகையில் பேசியிருப்பதாகத் தகவல் வெளியாகியுள்ளது. இத்தகைய செயல் வன்மையாகக் கண்டிக்கத்தக்கது.
போதைப்பொருள் புழக்கம் தொடர்பான செய்திகளை வெளியிடுவது செய்தியாளர்களின் கடமை. அந்தக் கடமையைச் செய்வதற்காக அவர்களை மிரட்டுவதும், உண்மைகளை வெளிக்கொண்டுவருவதைத் தடுக்க முயல்வதும் ஜனநாயகத்திற்கும் ஊடகச் சுதந்திரத்திற்கும் எதிரான செயல்களாகும்.
போதைப்பொருள் ஒழிப்பு என்பது சமூகத்தின் எதிர்காலத்தைக் காக்க வேண்டிய முக்கியமான பொறுப்பாகும். இத்தகைய விவகாரங்களில் உண்மைகளை வெளிப்படுத்தும் ஊடகங்களுக்குத் துணை நிற்க வேண்டுமே தவிர, அவர்களை அச்சுறுத்தி மௌனமாக்க முயற்சிப்பது ஒருபோதும் ஏற்றுக்கொள்ள முடியாதது.
இச்சம்பவம் தொடர்பாக நாகப்பட்டினம் செய்தியாளர்கள் சார்பில் மாவட்டக் காவல் கண்காணிப்பாளரிடம் புகார் அளிக்கப்பட்டுள்ளதாகத் தெரிகிறது.
எனவே, இப்புகார் மீது மாவட்டக் காவல்துறை உடனடியாக உரிய விசாரணை மேற்கொண்டு, செய்தியாளர்களை மிரட்டியதாகக் கூறப்படும் நபர் மீது சட்டப்படி நடவடிக்கை எடுக்க வேண்டும்.
ஜனநாயகத்தின் நான்காவது தூணான ஊடகங்களின் குரலை மிரட்டல் களால் ஒடுக்கிவிட முடியாது. உண்மையை வெளிப்படுத்தும் செய்தியாளர்களின் பாதுகாப்பையும் ஊடகச் சுதந்திரத்தையும் காப்பது அரசின் கடமையாகும்.
இவ்வாறு அவர் கண்டனம் தெரிவித்துள்ளார்.
மயிலாடுதுறை மாவட்டம் பூம்புகார் தொகுதிக்குட்பட்ட மாநில, மாவட்ட கழக நிர்வாகிகள், தலைமைச் செயற்குழு உறுப்பினர்கள், பொதுக்குழு உறுப்பினர்கள், ஒன்றிய, நகர, பேரூர்ச் செயலாளர், மாவட்ட சார்பு அணி அமைப்பா ளர்களுடன் கழக மறு சீரமைப்பு குறித்த கலந்துரையாடல் கூட்டம் செம்பனார்கோயிலை அடுத்த மேமாத்தூர் ஏ.ஆர்.மஹாலில் நடைபெற்றது. கூட்டத்தில் மாவட்டச் செயலாளர் நிவேதா எம்.முருகன் எம்.எல்.ஏ. தலைமை தாங்கி பேசினார். உடன் தலைமைக் கழக பிரதிநிதி கோவி.செழியன் எம்.எல்.ஏ., தலைமைக் கழக பிரதிநிதி மாநில பொறியாளர் அணித் தலைவர் துரை கி.சரவணன், கழக உயர்நிலை செயல்திட்ட குழுத் தலைவர் குத்தாலம் பி.கல்யாணம், விவசாய அணி இணைச் செயலாளர் ஆர்.அருள்செல்வம், எம்.எம். சித்திக், பி.எம்.ஸ்ரீதர், முத்து.மகேந்திரன், ஜி.என்.ரவி, மு.ஞானவேலன் மற்றும் பலர் உள்ளனர்.