திரு­வள்­ளூர், அக். 21;–

திரு­வள்­ளூர் மாவட்­டம், பெரி­ய­பா­ளை­யம் அருகே டயர் நிறு­வ­னக் குடோ­னில் சுமார் ரூ.5 லட்­சம் மதிப்­பி­லான 26 டயர்­கள் திரு­டப்­பட்ட வழக்­கில், முன்­னாள் ஊழி­யர் கைது செய்­யப்­பட்­டுள்ள நிலை­யில், அவ­ருக்கு உத­வி­ய­தா­கக் கூறப்­ப­டும் த.வெ.க. நிர்­வா­கி­கள் இரு­வரை போலீ­சார் தேடி வரு­வது அப்­ப­கு­தி­யில் பர­ப­ரப்பை ஏற்­ப­டுத்­தி­யுள்­ளது.

பனப்­பாக்­கம் கிரா­மத்­தில் இயங்கி வரும் டயர் நிறு­வ­னக் குடோ­னில் பேட்­டை­மேடு கிரா­மத்­தைச் சேர்ந்த அமுல்­ராஜ் (35) என்­ப­வர் பணி­யாற்றி வந்­துள்­ளார். தனது சொந்த லாரி­யை­யும் வாட­கைக்கு இயக்கி வந்த அவர், சில மாதங்­க­ளுக்கு முன்பு வேலை­யி­லி­ருந்து நீக்­கப்­பட்­ட­தா­கக் கூறப்­ப­டு­கி­றது.

இந்த நிலை­யில், குடோ­னின் கணக்­கு­களை ஆய்வு செய்த மேலா­ளர் சின்­னி­கி­ருஷ்­ண­னுக்கு டயர்­க­ளின் இருப்­பில் சந்­தே­கம் ஏற்­பட்­டுள்­ளது. இதை­ய­டுத்து கண்­கா­ணிப்­புக் கேமரா காட்­சி­களை ஆய்வு செய்­த­போது, அமுல்­ரா­ஜுக்­குச் சொந்­த­மான லாரி­யில் 26 டயர்­கள் ஏற்­றிச் செல்­லப்­பட்­ட­தா­கத் தெரி­ய­வந்­துள்­ளது. இதன் மதிப்பு சுமார் ரூ.5 லட்­சம் எனக் கூறப்­ப­டு­கி­றது.

மேலா­ளர் அளித்த புகா­ரின் பேரில் பெரி­ய­பா­ளை­யம் போலீ­சார் வழக்­குப் பதிவு செய்து விசா­ரணை நடத்­தி­னர். தொடர்ந்து அமுல்­ரா­ஜைக் கைது செய்து விசா­ரித்­த­போது, தனது கிரா­மத்­தைச் சேர்ந்த த.வெ.க. நிர்­வா­கி­க­ளானவினோத், கிருஷ்­ண­மூர்த்தி ஆகி­யோ­ரின் உத­வி­யு­டன் டயர்­க­ளைத் திருடி விற்­பனை செய்­த­தாக அவர் ஒப்­புக்­கொண்­ட­தா­கக் தெரி­விக்­கப்­பட்­டுள்­ளது.

இதை­ய­டுத்துஅமுல்­ராஜை ஊத்­துக்­கோட்டை நீதி­மன்­றத்­தில் ஆஜர்­ப­டுத்­திய போலீ­சார், நீதி­மன்ற உத்­த­ர­வின்­படி புழல் சிறை­யில் அடைத்­த­னர். இந்த வழக்­கில் தொடர்­பு­டை­ய­தா­கக் கூறப்­ப­டும்வினோத், கிருஷ்­ண­மூர்த்தி ஆகிய இரு­வ­ரை­யும் போலீ­சார் தேடி வரு­கின்­ற­னர்.