சென்னை, அக்.21–
த.வெ.க. அரசின் பேருந்து பயணம் திட்டத்தால் அரசு போக்குவரத்துக் கழகங்களின் நிதிச்சுமை அதிகரித்து, அவை அதலபாதாளத்தில் வீழும் நிலை உருவாகியுள்ளது.
கடந்த ஆட்சிக் காலத்தில் அறிமுகப்படுத்தப்பட்டவிடியல் பயணம் திட்டத் தின்கீழ், அரசு போக்குவரத்துக் கழகங்களுக்கு மாதந்தோறும் மானியத்தொகை முறையாக வழங்கப்பட்டு வந்தது. தற்போது, இத்திட்டத்தை விஜய் அரசு பெயர் மாற்றம் செய்து விரிவு படுத்தியுள்ளது இதனால் போக்குவரத்துக் கழகங்களின் செலவுகள் அதிகரித்துள்ளது. மானியத் தொகை முறையாக வழங்கப்படுவதில்லை. நடத்துநர்களுக்கான பயணப்படிகூட சரிவரக்கிடைப்பதில்லை - பணியாளர்கள் புகார் பல கோடி ரூபாய் இழப்பு, வாகன தேய்மானம், பணியாளர்கள் ஊதியம், பணிமனை செலவு என பெரும் செலவு ஆகிறது.
ஏற்கனவே, நஷ்டத்தில் இயங்கும் போக்குவரத்து நிறுவனங்கள் அதல பாதாளத்தில் வீழும் நிலைஉருவாகியுள்ளது. இது அடுத்த மாதம் ஊழியர்களுக்கு ஊதியம் வருமா என்ற சந்தேகத்தை ஏற்படுத்தியுள்ளது.
பிஎஸ்என்எல் ஊழியர்களுக்கு வந்த நிலைதான் அரசு போக்குவரத்துக் கழக ஊழியர்களுக்கும் வரப் போகிறது என்று பலருக்கு அச்சம்.
மாதம்தோறும் அரசு போக்குவரத்து கழகங்களுக்கு மானிய தொகையை விடுவித்தால் மட்டுமே நஷ்டத்தை ஈடு செய்து பேருந்துகளை இயக்க முடியும். தற்போது பல பேருந்துகள் போதிய பராமரிப்பின்றி, இயக்க முடியாத நிலைக்கு தள்ளப்பட்டுள்ளது. தவெக கட்சி கொடி வண்ணத்தில் விடப்பட்ட பேருந்துகள் ஆங்காங்கே பழுதாகி நின்று விடுகிறது.
இந்த பேருந்துகளை பொதுமக்கள் தள்ளி செல்லும் சூழல் ஏற்பட்டுள்ளது.
அரசுப் போக்குவரத்துக் கழகங்கள்நிதி நெருக்கடியில் சிக்காமல் இருப்பதை அரசு உறுதி செய்ய வேண்டும். பேருந்துகள் முறையாகப் பராமரிக்கப்பட்டு, போதிய எண்ணிக்கையில் இயக்கப்பட வேண்டும் பேருந்துகள் பழுதாகி நடுவழியில் நிற்பதும், ஊழியர்களுக்குச் சம்பளம் வழங்குவதில் சிக்கல் ஏற்படுவதும் பொதுமக்களைத்தான் நேரடியாகப் பாதிக்கும்.
எனவே, இலவசப் பயணத் திட்டத்துக்கான மானியத்தை உரிய காலத்தில் வழங்கி, பொதுப் போக்குவரத்துச் சேவையைப் பாதுகாக்க அரசு நடவடிக்கை எடுக்க வேண்டும்.