#Title

வடகிழக்குப் பருவமழை தீவிரம்! தமிழகத்தில் 5 நாட்கள் கனமழை நீடிக்கும்! சென்னை உள்பட 11 மாவட்டங்களுக்கு பலத்த மழை எச்சரிக்கை!

சென்னை, அக்.22–

வட தமிழக கடலோர பகுதிகளுக்கு அப்பால் உள்ள தென்மேற்கு வங்கக் கடல் பகுதிகளின் மேல் ஒரு வளிமண்டல சுழற்சி நிலவுகிறது. இந்த சுழற்சியில் இருந்து வட மேற்கு வங்கக் கடல் பகுதிகள் வரை ஒரு காற்றழுத்த தாழ்வு பாதை நிலவுகிறது.

இதன் காரணமாக தமிழகத்தில் அனேக இடங்களில் மழை பெய்து வருகிறது.

சென்னை மற்றும் புறநகர் பகுதியில் இரவில் மழை பெய்கிறது. மேலும் 5 நாட்களுக்கு கனமழைக்கு வாய்ப்பு இருப்பதாக சென்னை மண்டல வானிலை ஆய்வு மையம் தெரிவித்துள்ளது.

தமிழக கடலோர மாவட்டங்களில் கன முதல் மிக கனமழையும் அதனையொட்டிய மாவட்டங்களில் கனமழையும் இன்று பெய்யக்கூடும்.

சென்னை, திருவள்ளூர், செங்கல்பட்டு, காஞ்சிபுரம், புதுக்கோட்டை, தஞ்சாவூர், திருவாரூர், நாகப்பட்டினம், மயிலாடுதுறை, கடலூர், விழுப்புரம் ஆகிய 11 மாவட்டங்களில் ஓரிரு இடங்களிலும், புதுவை மற்றும் காரைக்கால் பகுதிகளில் இடி–மின்னல் மற்றும் பலத்த காற்றுடன் கூடிய கன முதல் மிக கனமழைபெய்யக்கூடும். திருச்சி, அரியலூர், பெரம்பலூர், ராணிப் பேட்டை, வேலூர், திருப்பத்தூர், தேனி, திண்டுக்கல். மதுரை, விருதுநகர் மற்றும் ராமநாதபுரம் மாவட்டங்களில் பலத்த காற்றுடன் கூடிய மிதமானது முதல் கனமழை பெய்ய வாய்ப்பு உள்ளது.

ஏனையதமிழகத்தில் ஒரு சில இடங்களில் இடி. மின்னல் மற்றும் பலத்த காற்றுடன் கூடிய மிதமான மழை பெய்யக்கூடும்.

நேற்று (21–ந்தேதி) தென்காசி, விருதுநகர், திருநெல்வேலி, கன்னியாகுமரி மாவட்டங்களில் ஓரிரு இடங்களில் கன முதல் மிக கனமழை பெய்யக்கூடும். தூத்துக்குடி. கன்னியா குமரியில் ஒரு சில இடங்களில் அதிகனமழை (ரெட் அலர்ட்) பெய்யவாய்ப்பு உள்ளது. புதுக்கோட்டை.தஞ்சாவூர், திருவாரூர். நாகப்பட்டினம், மயிலாடு துறை, மதுரை, திண்டுக்கல். தூத்துக்குடி, ராமநாதபுரம் மாவட்டங்களில் ஓரிரு இடங்களிலும் காரைக்கால் பகுதிகளி லும் இடி–மின்னல் மற்றும் பலத்த காற்றுடன் கனமழை பெய்ய வாய்ப்பு உள்ளது.

22–ந்தேதி கன்னியாகுமரி, திருநெல்வேலி, தூத்துக்குடி, ராமநாதபுரம், தென்காசி, விருதுநகர், தேனி, திண்டுக்கல், மதுரை, சிவகங்கை, புதுக்கோட்டை, தஞ்சாவூர், நாகப்பட்டினம் மயிலாடுதுறை மாவட்டங்களில் ஓரிரு இடங்களிலும் காரைக்கால் பகுதிகளிலும் கனமழை பெய்யக்கூடும். 23–ந் தேதி நீலகிரி, கோவை, சேலம், நாமக்கல், திருச்சி, அரியலூர், பெரம்பலூர், புதுக்கோட்டை, திண்டுக்கல் மற்றும் மதுரை ஓரிரு மாவட்டங்களில் இடங்களில் கனமழையும் ஏனைய மாவட்டங்களில் மிதமான மழையும் பெய்யக்கூடும்.

24 மற்றும் 25–ந்தேதியில் நீலகிரி, கோவை, திருப்பூர், தேனி, மதுரை,ஈரோடு, சேலம், நாமக்கல், திருச்சி. அரியலூர், பெரம்பலூர், புதுக்கோட்டை. தஞ்சாவூர், திருவாரூர், நாகப்பட்டினம், மயிலாடுதுறை, கிருஷ்ணகிரி, தர்மபுரி, திருப்பத்தூர், வேலூர்,ராணிப்பேட்டை, கள்ளக்குறிச்சி மற்றும் திருவண்ணாமலை மாவட்டங்களில் ஓரிரு இடங்களிலும், காரைக்கால் பகுதிகளிலும் கனமழை பெய்ய வாய்ப்பு உள்ளது என்று வானிலை ஆய்வு மையம் தெரிவித்து உள்ளது.

இந்த நிலையில் தென் மேற்கு அரபிக் கடலில் ஒரு காற்றழுத்ததாழ்வு பகுதி நேற்று உருவானது.

காலை 5.30 மணி நிலவரப்படி அந்தகாற்றழுத்த தாழ்வு பகுதி அதே பகுதியில் நீடிக்கிறது. கடந்த 12 மணி நேரத்தில் மேற்கு வடமேற்கு திசையில் நகர்ந்து நேற்று காலை அதே இடத்தில் நீடிக்கிறது. இது அடுத்த 12 மணி நேரத்திற்கு தனது தீவிரத்தை தக்க வைத்துக் கொண்டு தொடர்ந்து மேற்குவட மேற்கு திசையில் நகரக் கூடும்.

அதனைத் தொடர்ந்து இன்று(21–ந் தேதி) வரை மேற்கு வடமேற்கு திசையிலும் 22–ந் தேதி நாளை சோமாலியா கடற்கரை நோக்கி மேற்கு தென்மேற்கு திசையிலும் நகர வாய்ப்பு உள்ளது என்று சென்னை மண்டல வானிலை ஆய்வு மைய தென் மண்டல தலைவர் விஞ்ஞானி வி.ஆர். துரை தெரிவித்து உள்ளார்.

அவர் மேலும் கூறிய தாவது:–

இந்த காற்றழுத்த தாழ்வு பகுதியால் தமிழகத்திற்கு எந்த க்கமும் ஏற்படாது. தென்மேற்குஅரபிக் கடலிலும் சோகத்ரா தீவை சுற்றியுள்ள பகுதிகளிலும் சோமாலியா கடற்கரை பகுதிகளிலும் கடல் சீற்றத்துடன் காணப்படும்.

எனவே மீனவர்கள் 22–ந் தேதி வரை அந்தப் பகுதிகளுக்கு செல்ல வேண்டாம் என்று அறிவுறுத்தப்படுகிறது. வருகிற 24–ந் தேதி வாக்கில் வங்கக்கடலில் புதிய காற்றழுத்த தாழ்வு பகுதி 1 உருவாகக் கூடும்.

இவ்வாறு அவர் கூறினார்.