#Title

காரைக்குடியில் பணத்திற்காக நோயாளியை சிறை வைத்த எம்.எல்.ஏ. சகோதரரின் தனியார் மருத்துவமனை! அமைச்சர் தொகுதியில் தொடரும் அவலநிலை!

சிவகங்கை, அக். 22 –

சிவகங்கை மாவட்டம் காரைக்குடி நகரைச் சேர்ந்தவர் திருமதி வேலம்மாள். இவர் உடல் நலக் குறைவினால் காரைக்குடி அம்பேத்கர் சிலை அருகில் உள்ள தனியார் மருத்துவமனையில் சிகிச்சைக்காக சேர்க்கப்பட்டார். சிகிச்சைக்காக முதலில் முன் பணமாக வேலம்மாளின் தங்க நகைகள் அடகு வைக்கப்பட்டு ரூபாய் 5,500 செலுத்தி உள்ளார்.

சிகிச்சை முடிந்த நிலையில் மேலும் ரூபாய் 16 ஆயிரத்து 1100 ரூபாய் செலுத்த வேண்டும் என்று மருத்துவமனை நிர்வாகம் வேலம்மாளிடம் தெரிவித்தார்கள் . அதற்கு உறவினர்கள் சார்பில் மேலும் 10 ஆயிரம் ரூபாய் செலுத்தினார்கள்.

தற்போது பணம் இல்லை என்றும், வீட் டிற்குச் சென்று விட்டு விரைவில் வந்து மீதிப் பணத்தை செலுத்துவதாகவும் வேலம்மாளை டிஸ் சார்ஜ்செய்யுமாறு கூறினார்கள் . அதற்கு மருத்துவமனை நிர்வாகம் மறுத்து அங்குள்ள ஒருஅறையில்நோயாளி வேலம்மாளை பூட்டி வைத்தார்கள்.

இது பற்றி உறவினர்கள் மருத்துவமனை நிர்வாகத் திடம் முறையிட்டும் அவர்கள் அதை காதில் வாங்கிக் கொள்ளவில்லை. இதை கேள்விப்பட்ட காரைக்குடி செய்தியாளர் ஒருவர் மருத்துவ மனை நிர்வாகத் துடன் நேரில் சென்று பேசினார்.

அவர் ரூபாய் 1000 செலுத்திவிட்டு மீதி பணம் அவர்கள் வீட்டிற்கு சென்று விட்டு விரைவில் வந்துமீதிப்பணத்தை கட்டுவார்கள் என்றும் அதற்கு தான் பொறுப்பு என்று கூறி உள்ளார். அதை மருத்துவமனை நிர்வாகம் கண்டு கொள்ள வில்லை. மீதி பணம் செலுத்தினால் வேலம்மாளை டிஸ்சார்ஜ் செய்வதாக உறுதியாக கூறினார்கள்.

செய்தியாளர் இது குறித்து காரைக்குடி சட்டமன்ற உறுப்பினர் அமைச்சர் டி.கே.பிரபு விற்கு செய்தியாளர் போனில் தொடர்பு கொண்டு வேலம்மாள் குறித்த விபரங்களை தெரிவித்தார். அமைச்சர் மருத்துவமனை நிர்வாகத்திடம் இது குறித்து பேச விரும்பினார்.

ஆனால் மருத்துவமனை நிர்வாகம் அமைச்சருடன் பேச விரும்பவில்லை என்று கூறி தொலை பேசியை வாங்க மறுத்து விட்டனர். வேலம்மாளின் சிகிச்சைக்காக உள்ள மீதிப்பணத்தை செலுத்தவேண்டும் என்று கண்டிப்பாக கூறினார்கள். இதன் பிறகு அமைச்சர் ஜி.பே முலம் மருத்துவமனைக்கு ரூபாய் 6000செலுத்தினார். அதன் பிறகு வேலம்மாளை மருத்துவமனையிலிருந்து டிஸ்சார்ஜ் செய்துள்ளார்கள்.

இந்த மருத்துவமனை திருப்பத்தூர் சட்டமன்ற தொகுதி த.வெ.க. உறுப்பினர் சகோதரரின் மருத்துவமனை என்பது குறிப் பிடத்தக்கதாகும். தொடர்ந்து காரைக்குடியில் இரண்டு மாதங்களுக்கு முன் தனியார் மருத்துவமனையில் சேர்க்கப் பட்ட ஒருவர் உயிரிழந்தது தொடர்பாக போராட்டங்கள் பல்வேறு பிரச்சினைகள் ஏற்பட்டது.

காரைக்குடியில்உள்ள தனியார் மருத்துவமனையில் சிகிச்சைக்காக அதிக பணம் கேட்டு நோயாளிகள் மிரட்டப்படுவது இது போன்ற செயல்கள் அதிகரித்து வருவதாகவும் சிகிச்சை பெற வந்தவர்கள் புகார் கூறியுள்ளார்கள் .

மாவட்ட நிர்வாகம், மாவட்ட சுகாதார துறையும் இதுகுறித்து உடனடியாக நடவடிக்கை எடுக்க வேண்டும் என்று பொதுமக்கள் கோரிக்கை விடுத்துள்ளார்கள். . அமைச்சரின் தொகுதியிலேயே இத்தகைய அவலநிலை தொடர் கதையாக இருக்கிறது. என்று சிகிச்சைக்கு வந்தவர்கள் புலம்பி னார்கள்.