நாகை, அக். 22 –
மனித நேய மக்கள் கட்சித் தலைவர் பேராசிரியர் எம்.எச்.ஜவாஹிருல்லா விடுத்துள்ள அறிக்கை வருமாறு:
தாராபுரம் சட்டமன்றத் நாம் தமிழர் கட்சியின் இடைத்தேர்தல் வேட்பாளர் கார்த்திகா கைது: அரசியல் பழிவாங்கும் நடவடிக்கைக்கு கண்டனம்.
மனிதநேய மக்கள் கட்சியின் தலைவரும் நாகப்பட்டினம் சட்டமன்ற உறுப்பினருமான பேராசிரியர் எம்.எச்.ஜவாஹிருல்லா வெளியிடும் அறிக்கை
தாராபுரம் சட்டமன்றத் தொகுதி இடைத்தேர்தலில் நாம் தமிழர்கட்சியின் வேட்பாளராகப் போட்டியிட்ட கார்த்திகாவையும் அவரது கணவரையும் காவல்துறையினர் கைது செய்திருப்பது அதிர்ச்சி யளிக்கிறது. இந்தக் கைது நடவடிக்கையின் பின்னணி மற்றும் அதில் பின்பற்றப்பட்ட நடைமுறைகள் அனைத்தும் கடும் கண்டனத்திற்குரியவை.
ஜனநாயகத்தில் அரசியல்கட்சிகள் தேர்தலில் போட்டியிடுவதற்கும், தங்களது கருத்துகளை மக்களிடம் எடுத்துரைப்பதற்கும், ஆளுங்கட்சியின் செயல்பாடுகளை விமர்சிப்ப தற்கும் முழு உரிமை உண்டு. அரசியல் கருத்து வேறுபாடுகள் காரணமாக எவரும் பழிவாங்கப்படக் கூடாது. சட்டம் அனைவருக்கும் சமமாகச் செயல்படுத்தப்பட வேண்டும் என்பதே ஜனநாயகத்தின் அடிப்படை நெறியாகும்.
தாராபுரம் இடைத்தேர்தலின் போது கடந்த அக்டோபர் 2ஆம் தேதி தாராபுரத்தில் நாம் தமிழர் கட்சியின் தேர்தல் பணிமனைக்கு அருகில் வைக்கப்பட்டிருந்த விளம்பர பலகை அகற்றப்பட்டதைக் கண்டித்து, அக்கட்சியினர் காவல் நிலையம் முன்பு போராட்டத்தில் ஈடுபட்டனர். இதனைத் தொடர்ந்து, தேர்தல் காலத்தில் வாக்காளர்களுக்குப் பணம் மற்றும் பரிசுப் பொருட்கள் வழங்கப்படுவதாகக் குற்றம்சாட்டிய வேட்பாளர் கார்த்திகா, தேர்தல் அலுவலரிடம் புகார் அளித்தார்.
வாக்காளர்களுக்கு பணம் கொடுத்த புகார் மீது நடவடிக்கை எடுக்காத காவல்துறை தேர்தல் பரப்புரை தொடர்பான வழக்கில் தற்போது கைது செய்திருப்பது பழிவாங்கலின் வெளிப்பாடாகவே அமைந்துள்ளது.
ஒருவர் மீது குற்றச் சாட்டு இருந்தால், உரிய விசாரணை நடத்தி, சட்டத்தின் அடிப்படையில் நடவடிக்கை எடுப்பதில் மாற்றுக் கருத்தில்லை. ஆனால், கைது நடவடிக்கைகள் மேற்கொள்ளப்படும் போது சட்டப்பூர்வ நடைமுறைகள் முழுமையாகப் பின்பற்றப்பட வேண்டும். குற்றச்சா ட்டுகள் நிரூபிக்கப்படுவதற்கு முன்பே எவரும் குற்றவாளி யாகச்
எனவே, கார்த்திகா மற்றும் அவரது கணவர் மீதான வழக்குகளின் விவரங்களைத் தமிழக அரசு வெளிப்படையாகத் தெரிவிக்க வேண்டும். முறையற்ற வகையில் கைதுச் செய்யப்பட்டுள்ள சகோதரி கார்த்திகாவும் அவரது கணவரும் உடனடியாக விடுதலை செய்யப்பட வேண்டும் என்று கேட்டுக்கொள்கிறேன்.
அரசியல் எதிர்ப்புக் குரல்களை ஒடுக்குவது ஜனநாயகத்தின் வலிமையல்ல; அது ஜனநாயகத்தின் மாண்பைக் குலைக்கும் செயல். சட்டத்தின் ஆட்சி நிலைநாட்டப்பட வேண்டும்; அரசியல் பழிவாங்கலுக்கு இடமளிக்கக் கூடாது!
இவ்வாறு அவர் அறிக் கையில் தெரிவித்துள்ளார்.