சென்னை,அக்.22–

நேற்று (21.10.2026) மேயர் திரு­மதி ஆர்.பிரியா அவர்­கள், பெரு­ந­கர சென்னை மாந­க­ராட்­சிப் பகு­தி­க­ளில் பர­வ­லாக மழை பெய்து வரு­வ­தைத் தொடர்ந்து, திரு.வி.க.நகர் மண்­ட­லத்­தில் மேற்­கொள்­ளப்­பட்­டுள்ள வட­கி­ழக்­குப் பரு­வ­மழை முன்­னெச்­ச­ரி க்கை நட­வ­டிக்­கை­க­ளைப் பார்­வை­யிட்டு ஆய்வு செய்­தார்.

மேயர் அவர்­கள், திரு.வி.க.நகர் மண்­ட­லம், வார்டு–71க்குட்­பட்ட பெரம்­பூர் சுரங்­கப்­பா­தை­யில் மேற்­கொள்­ளப்­பட்டு வரும் மழை­நீர் அகற்­றும் நட­வ­டிக்­கை­க­ளை­யும், ஸ்டீபன்­சன் சாலை செங்கை சிவம் பாலம் பகு­தி­யில், ஓட்­டேரி நல்லா கால்­வா­யில் தண்­ணீர் தங்­கு­த­டை­யின்றி செல்­வ­தை­யும், வார்டு–72க்குட்­பட்ட காந்தி கால்­வா­யில் நீர் சீரா­கச் செல்­வ­தை­யும், வார்டு –77க்குட்­ப ட்ட பவு­டர் மில்ஸ் சாலை பேசின் பாலம் பகு­தி­யில் நடை­பெற்று வரும் மழை­நீர் வடி­கால் பணி­க­ளை­யும் பார்­வை­யிட்டு ஆய்வு செய்­தார்.

ஆய்­வின்­போது, மேயர் அவர்­கள் பேசின் பாலம் பகு­தி­யில் நடை­பெற்று வரும் மழை­நீர் வடி­கால் பணி­களை விரைந்து முடித்­தி­ட­வும், மாந­க­ராட்­சிப் பகு­தி­க­ளில் உள்ள மழை­நீர் வடி­கால்­கள் மற்­றும் அனைத்து கால்­வாய்­க­ளி­லும் நீர் தங்­கு­த­டை­யின்றி சீரா­கச் செல்­வதை உறுதி செய்­தி­டும் வகை­யில் கண்­கா­ணிப்பு நட­வ­டிக்­கை­க­ளைத் தொடர்ந்து மேற்­கொள்­ள­வும் அலு­வ­லர்­க­ளுக்கு அறி­வு­றுத்­தி­னார்.

தொடர்ச்­சி­யாக, ரிப்­பன் கட்­டட வளா­கத்­தில் உள்ள ஒருங்­கி­ணைந்த கட்­டளை மற்­றும் கட்­டுப்­பாட்டு மையத்­தில் மேற்­கொள்­ளப்­பட்டு வரும் கண்­கா­ணிப்பு நட­வ­டிக்­கை­க­ளைப் பார்­வை­யிட்டு ஆய்வு செய்து, பொது­மக்­க­ளி­ட­மி­ருந்து வரப்­பெ­றும் புகார்­கள் மீது உட­னடி நட­வ­டிக்­கை­கள் மேற்­கொள்ள அலு­வ­லர்­க­ளுக்கு அறி­வு­றுத்­தி­னார்.

இந்த ஆய்­வு­க­ளின் போது, மண்­டல அலு­வ­லர் சதீஷ் மற்­றும் அலு­வ­லர்­கள் உட­னி­ருந்­த­னர்.