நாகர்­கோ­வில், ஆக். 22–

நாகர்­கோ­வில் மாந­க­ராட்­சிக்கு உட்­பட்ட பறக்­கின் கால்­வாய் மற்­றும் காங்­கே­யன் கால்­வாய் நீண்ட நாட்­க­ளாக தூர்­வா­ரப்­ப­டா­ மல் மணல் தூர்ந்து காணப்­பட்­டது. இத­னால் மழை நேரங்­க­ளில் மழை நீர் சாலை­க­ளில் பெருக்­கெ­டுத்து ஓடி­யது.

எனவே கால்­வாய்­களை வட­கி­ழக்குபருவ மழைக்கு முன்­ன­தாக தூர்­வார வேண்­டும் என்று எஸ். ஆஸ்­டின் எம்.எல்.ஏ. மாவட்ட கலெக்­டர் மற்­றும் மாந­க­ராட்சி ஆணை­யா­ள­ரி­டம் கோரிக்கை விடுத்­தி­ருந்­தார். இத­னைத் தொடர்ந்து காங்­கே­யன் கால்­வாய் மற்­றும் பறக்­கின் கால்­வாயை தூர்­வா­ரும் பணி நடை­பெற்று வரு­கி­றது.

ஜே.சி.பி. இயந்­தி­ரம் மூலம் இப்­ப­ணி­கள் நடந்து வரு­கின்­றன. தூர்­வா­ரும் பணி­களை எஸ். ஆஸ்­டின் எம்.எல்.ஏ. நேரில் சென்று பார்­வை­யிட்டு ஆய்வு செய்­தார். பின்பு எஸ்.ஆஸ்­டின் எம்.எல்.ஏ. கூறி­ய­தா­வது:-

நாகர்­கோ­வில் மாந­கர பகு­தி­யில் வட­கி­ழக்கு பருவ மழைக்கு முன்­ன­தாக கால்­வாய்­களை தூர்­வா­ரும் நட­வ­டிக்­கை­கள் மேற்­கொள்­ளப்­பட்­டுள்­ளன. காங்­கே­யன் கால்­வாய் 2 கிலோ மீட்­டர் தூரத்­திற்­கும், பறக்­கின் கால்­வாய் 3 கிலோ­மீட்­டர் தூரத்­திற்­கும் தூர்­வா­ரப்­ப­டு­கி­றது. கால்­வாய்­க­ளில் உள்ள புதர்­கள் அகற்­றப்­பட்டு மண் தோண்­டப்­பட்டு கால்­வாயை சீர­மைக்­கும் பணி நடந்து வரு­கி­றது. நாகர்­கோ­வில் நக­ரில் உள்ள அனைத்து கால்­வாய்­க­ளும் தூர்­வா­ரப்­பட்டு சுத்­தம் செய்ய உரிய நட­வ­டிக்­கை­கள் எடுக்­கப்­ப­டும்.

இவ்­வாறு அவர் கூறி­னார்.

இந்த ஆய்­வில் மாந­க­ராட்சி மேயர் மேரி பிரின்சி லதா, மண்­டல தலை­வர் அகஸ்­டினா கோகி­ல­வாணி, கவுன்­சி­லர்­கள் அன்­ன­லட்­சுமி, பியாசா ஹாஜி பாபு, தி.மு.க. வட்ட செய­லா­ளர்­கள் நாக­ரா­ஜன், கண்­ணன் மற்­றும் மாந­க­ராட்சி உதவி பொறி­யா­ளர்­கள் ராஜா, பழ­னி­யம்­மாள், சுஜின் ஆகி­யோர் உட­னி­ருந்­த­னர்.