சென்னை, அக். 22 –
“அதிகாலை 5 மணிக்கே, உடை மாற்றக்கூட அனுமதிக்காமல் ஒரு பெண்ணைக் கைது செய்வது தான் பெண்களுக்குப் பாதுகாப்பு அளிக்கும் முறையா?” என கனிமொழி ராஜாத்தி கருணாநிதி கேள்வி எழுப்பியுள்ளார்.
தி.மு.க. துணைப் பொதுச்செயலாளரும், நாடாளுமன்ற தி.மு.க. குழுத் தலைவருமான கனிமொழி ராஜாத்தி கருணாநிதி நேற்றுகாலை அண்ணா அறிவாலயத்தில்செய்தியாளர்களைச் சந்தித்தார்.
இந்தச் செய்தியாளர்சந்திப்பில் அவர் கூறியதாவது:–
தாராபுரம் தொகுதி இடைத்தேர்தலில் நாம் தமிழர் கட்சி சார்பில் போட்டியிட்ட கார்த்திகா, வேண்டுமென்றே காழ்ப்புணர்ச்சியின் காரணமாகக் கைது செய்யப்பட்டுள்ளார். இது திட்டமிட்ட பழிவாங்கும் நடவடிக்கை மட்டுமல்ல, முழுமையான அத்துமீறல். ஏனெனில் இடைத்தேர்தலின்போது பதிவான ஒரு வழக்குக்காக, அதிகாலை 5 மணிக்கே ஒரு பெண்ணை கைது செய்ய வேண்டிய அவசரம் என்ன? அதிலும், கார்த்திகாவை உடை மாற்றுவதற்குக்கூட அனுமதிக்காமல் கைது செய்ய வேண்டிய அவசியம் என்ன. இந்தக் கைது நடவடிக்கையின் பின்னணியில் என்ன இருக்கிறது என்ற கேள்வி எழுகிறது.
கைதுக்கு உண்மையான
நோக்கம் என்ன?
இவர்கள் தொடர்ந்து சமூக வலைதளங்களில் பெண்களை அவதூறாகப் பேசிக்கொண்டிருக்கிறார்கள். அப்படியிருக்கும்போது, இந்தக் கைது நடவடிக்கையின் உண்மையான நோக்கம் என்ன என்பதைப் பொதுமக்களுக்குத் தெளிவுபடுத்த வேண்டும். எங்களுடைய மேயர் பிரியா அவர்களாக இருக்கட்டும், திராவிட முன்னேற்றக் கழகம் மற்றும் மற்ற எதிர்க்கட்சிகளைச் சேர்ந்த பெண்களாக இருக்கட்டும், அவர்களைப் பற்றி சமூக வலைதளங்களில் தொடர்ந்து மிகவும் கீழ்த்தரமான கருத்துகளும், அவதூறான பதிவுகளும் வெளியிடப்பட்டு வருகின்றன.
இதுதொடர்பாக நாங்களும்பலமுறை புகார் அளித்திருக்கிறோம்.ஆனால், எந்தவிதமான நடவடிக்கையும் இதுவரை எடுக்கப்படவில்லை. அதேநேரத்தில், முதலமைச்சருக்கு மனவருத்தம் ஏற் படும் வகையில் ஏதேனும் நடந்துவிட்டால், உடனடியாக அவர்கள்மீது கைது நடவடிக்கை எடுக்கப்படுகிறது.
எதிர்க்கட்சியினருக்கு ஒரு நீதி!
ஆளுங்கட்சியினருக்கு ஒரு நீதியா?
அதேபோல, ஆளுங்கட்சியைச்சேர்ந்தவர்களே தங்களுடைய கட்சியினரையும், மற்றவர்களையும் மிகவும் தரம் தாழ்ந்து விமர்சித்துப் பேசும்போது, அவர்கள் மீது என்ன நடவடிக்கை எடுக்கப்பட்டிருக்கிறது. பெண் அமைச்சரான ஜெகதீஸ்வரி பேசிய கருத்துகளைக்கூட நாம் கேட்டிருக்கிறோம். அப்படிப் பேசியவர்கள் மீது என்ன நடவடிக்கை எடுக்கப்பட்டுள்ளது.
அதேபோல, ஒரு அமைச்சர் கிரிக்கெட் போட்டியின்போது குழந்தைக்கு மருந்து கொடுப்பதாகக் கூறிய சம்பவத்திலும், அது போதைப்பொருள் என்று சந்தேகிக்கப்படும் வகையில் காட்சிகள் இருப்பதாகக் கூறப்படும்நிலையில், இதுவரை என்ன நடவடிக்கை எடுக்கப்பட்டுள்ளது என தெளிவுப்படுத்த வேண்டும். உண்மையில் எதிர்க்கட்சியினருக்கு ஒரு நீதி, ஆளுங்கட்சியினருக்கு ஒரு நீதியா?
நயினார் நாகேந்திரனுக்கு
எதிராக நடவடிக்கை எடுக்க தைரியம் உண்டா?
பா.ஜ.க.வின் தமிழ்நாடு தலைவராக இருக்கக்கூடிய நயினார் நாகேந்திரன், முதல்வர் விஜய் குறித்து தனிப்பட்ட முறையில் விமர்சித்துப் பேசியிருக்கிறார். அப்படிப் பேசியதற்காக அவர் மீது ஏதேனும் நடவடிக்கை எடுக்கப்பட்டதா, அவருக்கு எதிராக நடவடிக்கை எடுக்கும் துணிச்சல் இருக்கிறதா என்ற கேள்வியை நான் எழுப்புகிறேன்.
ஆனால், தொடர்ந்து திராவிட முன்னேற்றக் கழகத்தையும், மற்ற எதிர்க்கட்சிகளையும் சேர்ந்தவர்கள் கைது செய்யப்படுவதுடன், அவர்கள் மீது பழிவாங்கும் நடவடிக்கைகள் மேற்கொள்ளப்படுவ தாகவும் குற்றச்சாட்டுகள் எழுகின்றன. அந்த வகையில், தாராபுரம் தொகுதி இடைத்தேர்தலில்போட்டியிட்ட வேட்பாளர் கார்த்திகாவின் கைது நடவடிக்கையும் பழிவாங்கும் நோக்கத்துடன் மேற்கொள்ளப்பட்டதாகவே பார்க்கப்படுகிறது.
அதுவும் அதிகாலை 5 மணிக்கே ஒரு பெண்ணை, உடை மாற்றுவதற்குக்கூட அனுமதிக்காமல் கைது செய்திருப்பதுதான் பெண்களுக்குப் பாதுகாப்பு அளிக்கும் முறையா என்ற கேள்விஅனைவரின் மனதிலும் எழுகிறது. எதிர்க்கட்சிகளில் இருக்கக்கூடிய பெண்கள் மீது சட்டரீதியாகவும், காவல்துறையைப் பயன்படுத்தியும், சமூக வலைதளங்கள் மூலமாகவும் தொடர்ந்து தாக்குதல்கள் நடத்தப்படுவதாகக் குற்றச்சாட்டு கள் முன்வைக்கப்படுகின்றன. இத்தகைய நடவடிக்கைகள் ஜனநாயகத்திலும், பெண்களின் பாதுகாப்பிலும் பல்வேறு கேள்விகளை எழுப்புகின்றன.
மக்களை திசைதிருப்பவே
கைது நடவடிக்கை!
அக்டோபர் 7ஆம் தேதி நடைபெற்ற கட்சி நிகழ்ச்சியில், தமிழக முதலமைச்சர் சி.ஜோசப் விஜய் குறித்து பொதுமேடையில் பேசிய விவகாரத்தை இப்போது பெரிது படுத்துவதற்குப் பின்னால் அரசியல் நோக்கம் உள்ளது. தற்போதுஆளுங்கட்சியைச் சேர்ந்த நிர்வாகிஒருவரின் வீட்டிலிருந்தே சுமார் 135 கிலோ போதைப்பொருள் கைப்பற்றப்பட்டுள்ளது.
இந்நிலையில், இந்த விவகாரத்தில் த.வெ.க. கட்சியைச் சேர்ந்த பலருக்குத் தொடர்பிருப்பதாகவும் குற்றச்சாட்டுகள் எழுந்துள்ளன. இத்தகைய விவகாரங்களிலிருந்து மக்களின் கவனத்தைத் திசை திருப்புவதற்காகவே, தற்போது இந்தப் பிரச்சினையைப் பெரிது படுத்துகின்றனர்.
பொதுவெளியில் பேச்சு!
நான் கண்டித்திருக்கிறேன்!
இதுதொடர்பாக, ஓரு அமைச்சர் பொதுவெளியில் உண்மைக்குப் புறம்பான தகவலைப் பதிவிட்டு, நான் அதைக் கண்டிக்க வில்லை; யாருமே அதைக் கண்டிக்கவில்லை என்று கூறுகிறார். இவ்வாறு உண்மைக்குப் புறம்பான கருத்துகளைத் தெரிவிக்கும் அமைச்சர் மீது என்ன நடவடிக்கை எடுக்கப்பட்டுள்ளது.
உண்மையில், சம்பந்தப்பட்ட மேடையிலேயே மாவட்டக் கழகச் செயலாளர் சேகர்பாபு, அப்படிப் பேசக்கூடாது என்று தெளிவாக எடுத்துரைத்திருக்கிறார். நானும் அத்தகைய கருத்துகளைப் பேசுவது நாகரிகமான செயல் அல்ல என்பதைச் சுட்டிக்காட்டிக் கண்டித்திருக்கிறேன்.
ஆனால், இந்த விவகாரத்தில் ஒரு பெண்ணைக் கைது செய்யும் முயற்சியில் இறங்கியிருப்பதுடன், அவர் மீது வழக்கும் பதிவு செய்திருக்கிறார்கள். அதேபோல, உடல்நலக் குறைவால் பாதிக்கப்பட்டுள்ளசம்பந்தப்பட்ட பகுதிச் செயலாளர் மீதும் வழக்குப் பதிவு செய்து, அவரைக் கைது செய்வதற்கான நடவடிக்கைகளை மேற்கொண்டு வருகிறார்கள்.
ஆனால், இதேபோன்று ஆளுங்கட்சியினரை விமர்சித்துப் பேசும் பாஜகவினருக்குஎதிராக நடவடிக்கை எடுக்க இவர்களுக்குத் துணிச்சல் கிடையாது. பொது வெளியில் ஓர் அமைச்சர்
உண்மைக்குப் புறம்பான தகவலைத் தெரிவிக்கும்போது, அவர் மீது என்ன நடவடிக்கை எடுக்கப்படுகிறது. எதிர்க்கட்சியினர் மீது உடனடியாக வழக்குப் பதிவு செய்து கைது நடவடிக்கைகளை மேற்கொள்ளும் காவல்துறை, ஆளுங்கட்சியினர் மீது அதே அணுகுமுறையைக் கடைப்பிடிக்கிறதா என்பதுதான் எங்களுடைய கேள்வி. எதிர்க்கட்சியினருக்கு ஒரு அணுகுமுறை, ஆளுங்கட்சியினருக்கு மற்றொரு அணுகுமுறை என்ற நிலைதான் இருக்கிறது.