சென்னை, அக். 22 –
வேட்பாளர்களின் சொத்து விபரங்கள், கல்வித் தகுதி, குற்றப் பின்னணி குறித்த தகவல்களை வெளிப்படுத்துவது, வாக்காளர்கள் தாங்கள் யாருக்கு வாக்களிக்க வேண்டும் என்பதை தீர்மானிக்க உதவும் வகையில் 2002 ஆம் ஆண்டு உச்ச நீதிமன்ற தீர்ப்புக்குப் பிறகு மக்கள் பிரதிநிதித்து வச் சட்டத்தில் பிரிவு125 ஏ சேர்க்கப்பட்டது. அதன்படி வழக்குத் தொடர தேர்தல் ஆணையத்தின் அனுமதி தேவை என்று கர்நாடக உயர்நீதிமன்றம் தெரிவித்திருந்தது. இதனை எதிர்த்து உச்சநீதிமன்றத்தில் தொடரப்பட்ட மேல்முறையீட்டு வழக்கில், நீதிபதிகள் திபாங்கர் தத்தா, சீல்நாகு ஆகியோர் அடங்கிய அமர்வு முக்கியத் தீர்ப்பினை வழங்கியுள்ளது. கர்நாடக உயர்நீதிமன்றத்தின் உத்தரவை உச்ச நீதிமன்றம் முழுமையாக நிராகரித்தது. தேர்ந்தெடுக்கப்பட்ட வேட்பாளர்கள் மீது தனி நபர்கள் புகார்களை அளிப்பதை அனுமதிப்பது தேவையற்ற, ஆதாரமற்ற வழக்கு களை ஊக்குவிக்கும் என்ற வாதத்தையும் உச்ச நீதிமன்றம் நிராகரித்தது. புகார்களை ஆய்வு செய்து உரிய உத்தரவை பிறப்பிக்கும் அதிகாரம் மாஜிஸ்திரேட் நீதிமன்றங்களுக்கு உள்ளது. எனவே இதுபோன்ற கட்டுப்பாடு தேவையற்றது என்று உச்ச நீதிமன்றம் தனது தீர்ப்பில் தெரிவித்துள்ளது. இந்த சட்ட விவகாரத்தை தீர்மானிக்க தேர்தல் ஆணையத்தின் விளக் கங்களை சார்ந்திருக்க வேண்டிய அவசிய மில்லை என்றும், சட்டத்துக்கு விளக்கம் அளிப்பது நீதிமன்றத்தின் பணி என்றும் உச்சநீதிமன்றம் கூறியுள்ளது.