சென்னை, அக். 22 –

தென்­மேற்கு வங்­கக் கட­லில் புதிய குறைந்த காற்­ற­ழுத்த தாழ்வு பகுதி உரு­வா­கி­யுள்­ளது. இத­னால் தமி­ழ­கத்­தில் பெரும்­பா­லான மாவட்­டங்­க­ளில் கன­மழை பெய்­யும் என்று வானிலை ஆய்வு மையம் தெரி­வித்­துள்­ளது.

தமி­ழ­கத்­தில் வட­கி­ழக்கு பரு­வ­மழை வேக­மெ­டுத்து வரு­கி­றது. குறிப்­பாக கட­லோர மாவட்­டங்­கள் டெல்டா மற்­றும் மேற்கு தொடர்ச்சி மலை மாவட்­டங்­க­ளில் நல்ல மழை பெய்து வரு­கி­றது. தாய்­லாந்து வளை­குடா மற்­றும் மியான்­ம­ரில் வளி­மண்­டல மேல­டுக்கு சுழற்சி நில­வு­ கி­றது.

இந்த வளி­மண்­டல கீழ­டுக்கு சுழற்சி, இன்று காலைக்­குள் வடக்கு அந்­த­மான் கடல் பகு­தி­யில் தாக்­கத்தை ஏற்­ப­டுத்­தக்­கூ­டும். இதன் தாக்­கத்­தால் மத்­திய வங்­கக்­க­டல் பகு­தி­யில் 23ம் தேதி காற்­ற­ழுத்த தாழ்­வுப்­­பகுதி உரு­வாக வாய்ப்பு உள்­ளது என்று வானிலை ஆய்வு மையம் தெரி­வித்­துள்­ளது. புதி­தாக உரு­வா­க­வுள்ள காற்­ற­ழுத்த தாழ்­வுப்­ப­குதி, மேற்கு மற்­றும் வட­மேற்கு திசை நோக்கி நக­ரக்­கூ­டும்.

இந்­நி­லை­யில் இலங்­கையை ஒட்­டிய தென்­மேற்கு வங்­கக் கட­லில் புதிய குறைந்த காற்­ற­ழுத்த தாழ்­வுப் பகுதி உரு­வா­கி­யுள்­ளது. இத­னால் கட­லோர மாவட்­டங்­க­ளில் உள்ள 9 துறை­மு­கங்­க­ளில் 1ஆம் எண் புயல் கூண்டு எச்­ச­ரிக்கை ஏற்­றப்­பட்­டுள்­ளது.

வரும் நாட்­க­ளில் தமி­ழ­கத்­தில் மழை­யின் தாக்­கம் அதி­க­ரிக்­கும் என்று வானிலை மையம் தெரி­வித்­துள்­ளது.