திருவள்ளூர், அக். 22 – -
திருவள்ளூர் அடுத்த பூண்டி ஊராட்சி ஒன்றியம், ராமஞ்சேரி ஊராட்சியில் சேதமடைந்து சாய்ந்த நிலையில் உள்ள மின்கம்பங்களைப் பார்க்கும்போது, மக்களின் பாதுகாப்பு குறித்து அதிகாரி களுக்கு அக்கறை இருக்கிறதா என்ற கேள்வி எழுகிறது!
3 ஆயிரத்திற்கும் மேற்பட்ட குடும்பங்கள் வசிக்கும் ராமஞ்சேரி ஊராட்சியில், விவசாயிகள் பயன் படுத்தும் சாலைகளில் உள்ள பல மின்கம்பங்கள் சேதமடைந்து எலும்புக்கூடுகளைப் போல் காட்சியளிக்கின்றன. மின்கம்பங்கள் முறையாகப் பராமரிக்கப்பட வேண்டிய நிலையில், சாய்ந்த மின்கம்பங்களின் மின் ஒயர்களைக் கட்டை
களால் முட்டு க்கொடுத்து தாங்கிப்பிடிக்கும் அவலநிலை ஏற்பட்டுள்ளதாகப் பொதுமக்கள் வேதனை தெரிவிக்கின்றனர்.
சாய்ந்த மின்கம்பங்க ளால் மின் ஒயர்கள் தாழ்வாகச் செல்வதாகவும், டிராக்டர் உள்ளிட்ட விவசாய வாகனங்களில் செல்லும்போது மின் ஒயர்கள் உரசும் அபாயம் இருப்பதாகவும் பொதுமக்கள் புகார் தெரிவிக்கின்றனர். மின் ஒயர்கள் உரசினாலோ, கம்பங்கள் முறிந்து விழுந்தாலோ ஏற்படக்கூடிய ஆபத்தை நினைத்தாலே நெஞ்சம் பதறுகிறது.
மக்கள் புகார் தெரிவித்தும் உரிய சீரமைப்புப் பணி மேற்கொள்ளப்படவில்லை என்பது அவர்களின் குற்றச்சாட்டு. இது
குறித்து மின்வாரிய ஊழி யர்களிடம் கேட்டபோது, ஆட்கள் பற்றாக்குறையால் சீரமைப்புப் பணியில் தாமதம் ஏற்படுவதாகவும், நடவடிக்கைஎடுக்கப்படும் என்றும் தெரிவித்ததாகக் கூறப்படுகிறது.