சென்னை, அக். 23–

ஒன்றிய புள்ளியியல் மற்றும் திட்ட அமலாக்க அமைச்சகத்தின் தரவுகளின் அடிப்படையில், தமிழ்நாடு, ஆந்திரா உள்ளிட்ட 12 மாநிலங்களில் மேற் கொள்ளப்பட்ட ஆய்வில், கடந்த செப்டம்பர் மாதம் சர்க்கரை விலை உயர்வில் தமிழ்நாடு முதலிடத்தில் இருப்பதாக தினத்தந்தி நாளேடு தெரிவித்துள்ளது.

அகில இந்திய அளவில் ஜூலை மாதத்தில் 4.92 சதவீதமாக இருந்த சர்க்கரை விலை உயர்வு, ஆகஸ்ட் மாதத்தில் 24 சதவீதத்தைக் கடந்த தாகவும், செப்டம்பரில் சுமார் 30 சதவீதத்தை எட்டியதாகவும் ஆய்வுத் தகவல்கள் தெரிவிக்கின்றன.

தமிழ்நாட்டில் சர்க்கரை உற்பத்தி குறைந்துள்ளதால், கர்நாடகா மற்றும் மகாராஷ்டிரா மாநிலங்களில் இருந்து சர்க்கரை கொள்முதல் செய்ய வேண்டிய நிலை ஏற்பட்டுள்ளதாகக் குறிப்பிட்டுள்ள தினத்தந்தி நாளேடு, சென்னையில் சர்க்கரையின் மொத்த விலை கிலோவுக்கு 56 ரூபாயாக உள்ள நிலையில், சில்லறை விலையில் அதைவிட அதிகமாக விற்பனை செய்யப்படுவதாக தெரிவித்துள்ளது