ரிஷிவந்தியம், அக்.23:
கள்ளக்குறிச்சி மாவட்டம், ரிஷிவந்தியத்தில் ஊராட்சி ஒன்றிய அலுவலகம் ஏற்படுத்த வேண்டும் என அந்தப் பகுதி பொதுமக்கள் கடந்த 60 ஆண்டு காலமாக கோரிக்கை வைத்திருந்த நிலையில், கடந்த ஐந்து வருடமாக நமது திராவிட மாடல் நல்லாட்சி நடைபெற்றுக் கொண்டிருந்த போது ரிஷிவந்தியம் தொகுதி சட்டமன்ற உறுப்பினர் வசந்தம் க.கார்த்திகேயனிடம் பொதுமக்கள் ஊராட்சி ஒன்றிய அலுவலகம் அமைத்துத் தர வேண்டும் என கோரிக்கை வைத்திருந்தனர். பல ஆண்டுகளாக பொதுமக்கள் வைத்திருந்த கோரிக்கையை நிறைவேற்ற முத்துவேல் கருணாநிதி ஸ்டாலின் அவர்கள் தலைமையில் நடைபெற்ற திராவிட மாடல் நல்லாட்சியில், பொதுப்பணித்துறை அமைச்சராக இருந்த எ.வ.வேலுவின் கவனத்திற்கு கொண்டு சென்று வலியுறுத்தினார்,
60 ஆண்டு கால கோரிக்கையை ஏற்று, ரூ.6.50 கோடி மதிப்பீட்டில் ரிஷிவந்தியத்தில் புதிய ஊராட்சி ஒன்றிய அலுவலக கட்டிடம் கட்டப்படும் என முறைப்படி அறிவித்தார்,
இதனைத் தொடர்ந்து புதிய ஊராட்சி ஒன்றிய அலுவலகம் அமைக்க 2026 ஆம் ஆண்டு ஜனவரி மாதத்தில் ரிஷிவந்தியம் ஒன்றியத்தை இரண்டாகப் பிரித்து 22 கிராம ஊராட்சிகள் உள்ளடக்கிய ரிஷி வந்தியம் ஒன்றியமும், அதேபோல் 38 கிராம ஊராட்சி கள் உள்ளடக்கிய வானாபுரம் புதிய ஒன்றியமும் உருவாக்கி தமிழ்நாடு அரசு அதிகாரப்பூர்வமாக அரசாணை வெளியிடப்பட்டது, மேலும் இப்புதியை ஒன்றியங்களில் செயலாக்கம் அக்டோபர் 20 முதல் அமலுக்கு வரும் என்றும் அறிவிக்கப்பட்டது,
அந்த வகையில் அரசின் அறிவிப்பின்படி புதிய கட்டிடம் கட்டி முடிக்கப்படும் வரை பொதுமக்களின் வசதிக்காக ரிஷிவந்தியத்தில் உள்ள சமுதாயக் கூடத்தில் தற்காலிக ஊராட்சி ஒன்றிய அலுவலகம் அமைக்கப்பட்டது. இதன் திறப்பு விழா அக்டோபர் 21 புதன் கிழமை அன்று அனைத்துக் கட்சிகளை சேர்ந்த முக்கிய நிர்வாகிகள், அரசு அதிகாரிகள், முன்னாள் உள்ளாட்சி மன்ற பிரதிநிதிகள், பொதுமக்கள் மற்றும் கழக நிர்வாகிகள் முன்னிலையில் மிகச் சிறப்பாக நடைபெற்றது.
கழகத் தலைவருக்கு பொதுமக்கள் நன்றி!
நிகழ்ச்சியில் வசந்தம் க.கார்த்திகேயன் எம்.எல்.ஏ., தற்காலிக ஊராட்சி ஒன்றிய அலுவலக கட்டிடத்தை திறந்து வைத்து, அனைவருக்கும் நன்றி தெரிவித்து சிறப்புரை ஆற்றிய பிறகு அங்கிருந்து புறப்பட்டார்.
60 ஆண்டு கால கோரிக்கையை விரைந்து நிறைவேற்ற நடவடிக்கை எடுத்த திராவிட மாடல் நாயகர், சமூக நீதிக் காவலர், கழகத் தலைவர், முன்னாள் தமிழக முதல்வர் மு.க.ஸ்டாலின், கழக இளைஞரணி செயலாளர், முன்னாள் தமிழக துணை முதல்வர் உதயநிதி ஸ்டாலின், முன்னாள் அமைச்சர் எ.வ.வேலு, வசந்தம் க.கார்த்திகேயன் எம்.எல்.ஏ. ஆகியோர்களுக்கு அப்பகுதி மக்கள் நன்றியை தெரிவித்துக் கொண்டனர்.
இதனை தொடர்ந்து சிறிது நேரத்திற்குப் பின் த.வெ.க., மாவட்டச் செயலாளர் பரணி பாலாஜி தனது ஆதரவாளர்களுடன் வந்து கட்டிடத்தை
பார்வையிட்டு திறந்து வைத்தாா.
பொதுமக்கள் அதிர்ச்சி!
தமிழக வெற்றிக் கழக நிர்வாகிகளுக்கு கட்சியின் தலைமை அறிவிப்பின்படி கட்சி நிர்வாகிகள் யாரும் எந்த ஒரு அரசு நிகழ்ச்சி யிலும் கலந்து கொள்ளக் கூடாது மற்றும் அரசு அலுவலகங்களில் ஆய்விற்கு செல்லக்கூடாது என தெரிவித்தும் அதனை மதிக்காமல் நேற்று முன்தினம் நடைபெற்ற தற்காலிக வட்டார வளர்ச்சி அலுவலக கட்டிட திறப்பு விழாவில் எந்த ஒரு அரசுப் பதவியிலும் இல்லாத மாவட்டச் செயலாளர் பரணி பாலாஜி அலுவலகத்தை திறந்து வைத்த சம்பவம் பொதுமக்கள் மத்தியில் அதிர்ச்சியை ஏற்ப டுத்தியுள்ளது, நாளுக்கு நாள் தமிழக வெற்றிக் கழகத்தினர் இதுபோன்று சம்பவத்தில் ஈடுபடுவது தொடர் வாடிக்கையாக்கி உள்ளதால் பொது மக்கள் மத்தியில் அதிர்ச்சியை ஏற்படுத்தியுள்ளது,
பரணி பாலாஜி
மக்கள் பிரதிநிதியா?
மாவட்டச் செயலாளராக இருக்கும் பரணி பாலாஜி மந்திரியாக உள்ளாரா அல்லது எம்.எல்.ஏ. வாக உள்ளாரா இல்லை மக்கள் பிரதிநிதியாக உள்ளாரா என பொதுமக்கள் மத்தியில் கேள்வியும் எழுந்து உள்ளது. அந்த தொகுதிக்கு அவர் என்ன சட்டமன்ற உறுப்பினரா உள்ளாட்சி பிரதிநிதியா என சமூக ஆர்வலர்களும் பொதுமக்களும் கேள்வி எழுப்பி வரும் சம்பவம் பரபரப்பை ஏற்படுத்தி வருகிறது, திராவிட மாடல் நல்லாட்சியில் கொண்டுவரப் பட்ட பல்வேறு எண்ணற்ற மக்கள் நல திட்டங்களுக்கு வெற்றி (வெத்து ) ஸ்டிக்கர் ஒட்டி பெயர் எடுத்து வரும் சோபா மாடல் அரசு இது சம்பந்தமாக என்ன நடவடிக்கை எடுக்கப் போகிறது. ரீல்ஸ் முதல்வர் ஜோசப் விஜய் என்ன நடவடிக்கை எடுக்கப் போகிறார் என்றும் பொதுமக்களும் சமூக ஆர்வலர்களும் மிகுந்த எதிர்பார்ப்பில் உள்ளனர்.
தேனி மாவட்டம், உத்தமபாளையம் வட்டம், கருநாக்கமுத்தன்பட்டியை சேர்ந்த மு. வீரராகவன் தனது செயலுக்கு வருத்தம் தெரிவித்து, மீண்டும் கழகப் பணியாற்ற அனுமதிக்குமாறு கழகத் தலைவர் அவர்களிடம் வைத்த கோரிக்கையினை ஏற்று, அவர் மீதான ஒழுங்கு நடவடிக்கை ரத்து செய்யப்பட்டு, இன்று முதல் கழக உறுப்பினராகச் செயல்பட அனுமதிக்கப்பட்டுள்ளார்.