சென்னை, அக். 23 –
கலைஞர் செய்திகள் தொலைக்காட்சியின் மூத்த ஒளிப்பதிவாளராகப் பணியாற்றி வந்த ஊடகவியலாளர் நண்பர் முருகன் அவர்கள் திடீர் மாரடைப்பு காரணமாக காலமானார் என்ற செய்தி அறிந்து சென்னை பத்திரிகையாளர் சங்கம் (MUJ) மிகுந்த அதிர்ச்சியும், ஆழமான துயரமும் அடைகிறது.
ஊடகத்துறையில் தனது அர்ப்பணிப்புடன் கூடிய பணியால் அனைவரது அன்பையும் மதிப்பையும் பெற்றவர் ஒளிப்பதிவாளர் முருகன். களத்தில் நின்று செய்திகளைத் துல்லியமாகத் தன் கேமராவில் காட்சிப்படுத்துவதிலும், இளையதலைமுறை ஒளிப்பதிவாளர்களுக்குவழிகாட்டியாக விளங்குவதிலும் அவர் ஆற்றிய பங்கு என்றென்றும் நினைவு கூரத்தக்கது.
பல்வேறு அரசியல் கட்சித் தலைவர்களின் நன்மதிப்பைப் பெற்ற ஒரு திறமையான ஊடகத் தொழிலாளியை இன்று ஊடக உலகம் இழந்து நிற்கிறது. அவரது இந்த திடீர் மறைவு சென்னை பத்திரிகையாளர் குடும்பத்திற்கும், ஊடகத் துறைக்கும் ஈடு செய்ய முடியாத பெரும் இழப்பாகும்.
ஒளிப்பதிவாளர் முருகன்அவர்களின் மறைவால் வாடித் தவிக்கும் அவரது குடும்பத்தினருக்கும், உறவினர்களுக்கும், கலைஞர் செய்திகள் தொலைக்காட்சிப் பணியாளர்கள் மற்றும் சக ஊடக நண்பர்கள் அனைவருக்கும் சென்னை பத்திரிகையாளர் சங்கத்தின் (MUJ) சார்பில் எங்களது ஆழ்ந்த இரங்கலையும் ஆறுதலையும் தெரிவித்துக் கொள்கிறோம்.
இவ்வாறு சென்னை பத்திரிகையாளர் சங்கம் ( MUJ) தெரிவித்துக் கொள்கிறது.