#Title

பயிர்க்கடனை முழுமையாக ரத்து செய்யக்கோரி தமிழ்நாடு முழுவதும் விவசாயிகள் சாலை மறியல்! ஆயிரக்கணக்கானோரை கைது செய்து திறனற்ற த.வெ.க. அரசு அராஜகம்!

சென்னை, அக். 23 –

பயிர்க்கடனை முழுமையாக தள்ளுபடி செய்ய வலியுறுத்தி தமிழகம் முழுவதும் மறியலில் ஈடுபட்ட ஆயிரக்கணக்கான விவசாயிகள் கைது செய்யப்பட்டனர். சட்டமன்றத் தேர்தல் வாக்குறுதியில் த.வெ.க. அறிவித்தபடி, விவசாயிகளின் பயிர்க் கடனை முழுமையாக ரத்து செய்ய வேண்டும். இலவச மின்சாரத்தை பறிக்கும் ஸ்மார்ட் மீட்டர் திட்டத்தை கைவிட வேண்டும் என வலியுறுத்தி சாலை மறியல் செய்தனர்.

வறட்சியால்பாதிக்கப்பட்ட பயிர்களுக்கு நிவாரணம், காவிரி நீர் பங்கீட்டில் தமிழகத்துக்கான உரிமையை உறுதிசெய்ய வேண்டும் என்பது உள்ளிட்ட கோரிக்கைகளை வலியுறுத்தி தமிழகம் முழுவதும் விவசாயிகள் சங்கத்தினர் சார்பில் சாலை மறியல் நடந்தது. நாகப்பட்டினம் மாவட்டத்தில் திருமருகல், மேலப்பிடாகை, கீழ்வேளூர், தலை ஞாயிறு, வேதாரண்யம் ஆகிய 5 இடங்களில் மறியல் நடந்தது.

பல்வேறு இடங்களில் சாலை மறியல்!

திருவாரூர் மாவட்டத்தில் திருவாரூர் விளம்பல், குடவாசல், நீடாமங்கலம், நன்னிலம், பேரளம், கொரடாச்சேரி, மன்னார்குடி, கோட்டூர், கூத்தா நல்லூர், முத்துப் பேட்டை, திருத்துறைப் பூண்டி விளக்குடி உள்ளிட்ட பல்வேறு இடங்களில் சாலை மறியல் நடைபெற்றது. தஞ்சாவூர் மாவட்டத்தில், தஞ்சை பழைய பேருந்து நிலையம், ஒரத்தநாடு புதூர் பைபாஸ் சாலை, பேராவூரணி-ஆவணம் சாலை, பாப்பாநாடு, திருவோணம் உள்ளிட்ட பல்வேறு இடங்களில் சாலை மறியல் போராட்டம் நடைபெற்றது.

புதுக்கோட்டை மாவட்டத்தில், புதுக்கோட்டை புதிய பேருந்து நிலையம், அறந்தாங்கி பேருந்து நிலையம், கந்தர்வக்கோட்டை பேரூராட்சி பேருந்து நிலையம் உள்ளிட்ட பல்வேறு இடங்களில் சாலை மறியல் போராட்டம் நடைபெற்றது. கரூர் மாவட்டத்தில் கிருஷ்ணராயபுரம் தேசிய நெடுஞ்சாலையில் விவசாயி கள் சாலை மறியல் போராட்டத்தில் ஈடுபட்டனர். திருச்சி மாவட்டத்தில் மணப்பாறை, லால்குடி, மணச்சநல்லூர் பகுதிகளில் விவசாயி கள் மறியல் போராட்டம் நடத்தினர்.

ஆயிரக்கணக்கானோர் கைது!

இதேபோல், ஸ்ரீவைகுண் டம், கோவில்பட்டி, விளாத்தி குளம், நாகர்கோவில் கிருஷ்ணன்கோவில், கருங்கல், களியல், திருவட்டார், திருப்பூர் ஊத்துக்குளி, மடத்துகுளம், கோபி, மதுரை, விருதுநகர், ராஜபாளையம், தேனி, போடி, திண்டுக்கல், திருவாடானை, மானாமதுரை, வேலூர், திருவண்ணாமலை, வந்தவாசி, செங்கம், ராணிப்பேட்டை,

திருப்பத்தூர், கடலூர், பரங்கிப்பேட்டை, சிதம்பரம், காட்டுமன்னார்கோவில்,விருத்தா சலம், திட்டக்குடி, பண்ருட்டி, குறிஞ்சிப்பாடி, விழுப்புரம், கள்ளக்குறிச்சி, நாமக்கல், பள்ளிபாளையம், தேன்கனிக்கோட்டை, பாப்பிரெட்டிப்பட்டி, சேலம், கிருஷ்ணகிரி, தர்மபுரி உள்ளிட்ட தமிழகம் முழுவதும் பல்வேறு இடங்களில் சாலை மறியலில் ஈடுபட்ட ஆயிரக்கணக்கான விவசாயி கள் கைது செய்யப்பட்டனர்.