பெரம்பலூர், அக். 24–
பெரம்பலூர் மாவட்டத்தில் பள்ளிக்கு சென்ற இரண்டு மாணவிகள் நேற்று முதல் காணவில்லை என்று பெற்றோர்கள் பரபரப்பு புகார் தெரிவித்துள்ளனர். தவெக ஆட்சியில் குழந்தைகள், சிறுமிகள் என அடுத்தடுத்து மாயமாவதால் பொதுமக்கள் அச்ச
மடைந்துள்ளனர்.
பெரம்பலூர்!
தமிழ்நாட்டில் கடந்த சில வாரங்களாக குழந்தைகள், சிறுமிகள் மாயமாகும் சம்பவங்கள் நடைபெற்று வருகின்றன. இதுகுறித்து புகார் அளிக்கப்பட்டும் தவெக அரசின் காவல்துறையால் துப்புக் கூட துலக்க முடியவில்லை. ராணிப்பேட்டையில் ஒரு வயது பெண் குழந்தை மாயமாகி ஒரு மாதமாகியும் இதுவரை எந்த தகவலும் கிடைக்காமல் காவல்துறை திணறிவருகிறது.
செஞ்சி அருகே 7 வயது சிறுமி மாயமாகி 11 நாட்களாகியும் இதுவரை கண்டுபிடிக்கப்படவில்லை. இந்நிலையில், பெரம்பலூர் மாவட்டம் வேப்பந்தட்டை தாலுக்காவில் உள்ள வெங்கலம் அரசு மேல்நிலைப்பள்ளியில் 10 -ஆம் வகுப்பு படித்து வரும் இரண்டு மாணவிகள் நேற்று முதல் காணவில்லை. பள்ளிக்கு சென்ற மாணவிகள் வீடு திரும்பவில்லை என்று அரும்பாவூர் காவல் நிலையத்தில்பெற்றோர்கள் புகார் அளித்துள்ளனர்.
பள்ளிக்கு வந்த மாணவிகள் புத்தகப்பையை வகுப்பறையில் வைத்து விட்டு வெளியே சென்றுவிட்டனர் என்றும், அதன்பிறகு மீண்டும் பள்ளிக்கு வரவில்லைஎன்றும் வெங்கலம் அரசு மேல்நிலைப்பள்ளி தெரிவித்துள்ளது. அரசு பள்ளி மாணவிகள் இரண்டு பேர் ஒரே நேரத்தில் பட்டப்பகலில் மாயமானதால் பொதுமக்களிடையே அதிர்ச்சியையும், அச்சத்தையும், பரபரப்பையும் ஏற்படுத்தியுள்ளது. தவெக ஆட்சியில் குழந்தைகள், சிறுமிகள் என அடுத்தடுத்து மாயமாவதால் பொதுமக்கள் பீதியில் உள்ளனர்.
இராணிப்பேட்டை!
இராணிப்பேட்டை அருகே லாலாப்பேட்டையில் குப்பைகளைச் சேகரிக்கும் பணியில் ஈடுபட்டு வரும் லாலாப்பேட்டை பகுதியை சேர்ந்த சேகர் – பிரேமா தம்பதியினர், தங்களது ஒரு வயது பெண் குழந்தையுடன் தூங்கிக் கொண்டிருந்தனர்.
அப்போது, நள்ளிரவில் எழுந்து பார்த்தபோது குழந்தை காணாமல் போனதைக் கண்டு பெற்றோர் அதிர்ச்சி அடைந்தனர். உடனடியாக சிப்காட் காவல் நிலையத்தில் புகார் அளித்துள்ளனர்.
இதையடுத்து, காணாமல் போன குழந்தையைக் கண்டுபிடிக்க போலீசார் விசாரணை மேற்கொண்டு வருகின்றனர். பெண் குழந்தை மாயமாகி, ஒரு மாதம் கடந்த நிலையில், எந்த வித தகவலும் கிடைக்காமல் போலீசார் திணறி வருகின்றனர்.