சென்னை, அக். 24–
வி.சி.க. அமைச்சர் வன்னி அரசு வெளியிட்டுள்ள அறிக்கைக்கு கண்டனம் தெரிவித்து தி.மு.கழக ஐ.டி.பிரிவு அறிக்கை வெளியிட்டுள்ளது அதில் ஜனநாயகத்திற்கு விரோதமாக யார் கைதானாலும் கழகத் தலைவர் மு.க.ஸ்டாலின் அவர்கள் குரல் கொடுப்பார்; வெட்கத்தைப் பற்றி வி.சி.க. அமைச்சர் வன்னி அரசு பேசலாமா? என்று கேள்வி எழுப்பி யுள்ளது.
தி.மு.க. ஐ.டி. பிரிவு பதிவு வருமாறு:
அரசியல் பழிவாங்கும் நோக்கத்தோடு த.வெ.க அரசால் நிகழ்த்தப்பட்ட கைதுக்கு எதிராக கண்டனம் தெரிவித்திருந்தார் கழகத் தலைவர் மு.க.ஸ்டாலின் அவர்கள்.
இதற்காக, ‘திமுகவுக்கும் வெட்கமில்லை’ என எழுதி இருக்கிறார் அமைச்சர் வன்னி அரசு; உண்மையிலேயே ஜனநாயகத்திற்கு விரோதமாக யார் கைது செய்யப்பட்டாலும் தி.மு.கழகம் குரல் கொடுக்கும்.
ஆனால், வெட்கத்தைப் பற்றி எல்லாம் நீங்கள் பேசலாமா அமைச்சர் அவர்களே?
‘தாய்மண்’ இதழிலும் சரி, காலச்சுவடிலும் சரி பெரியாரின் எழுத்துக்களை திரித்து பரப்பியது யார்? அவதூறுகளை பரப்பியது யார்? இதையெல்லாம் செய்துவிட்டு, ‘தந்தை பெரியாரையும் ஏற்றுக்கொண்டவர்களை தான் வி.சி.க ஏற்கும்’ என எழுதும்போது உங்களுக்கே சிரிப்பு வரவில்லையா?
அல்லது கடந்த 2022 ஆம் ஆண்டு, அக்டோபர் 02 ஆம் தேதி விசிக ஏற்பாடு செய்த சமூக நல்லிணக்க பேரணியில் நாம் தமிழர்
கட்சிக்கு அழைப்பு விடுத்த போதோ, அதில் சீமான் பங்கேற்ற’போதோ உங்களுக்கு வெட்கமில்லாமல் இருந்ததா?அல்லது, ‘ஓடிப்போன கோழை’, “பாஜகவால் திட்டமிட்டு களம் இறக்கப்பட்டவர்தான் விஜய்”, “பாஜகவுடன் இணைக்கமாக உள்ளார் விஜய்”, “சங் பரிவார் அவரை வழிநடத்து
கிறது”, “ஆர்.எஸ்.எஸ் பெற்றெடுத்த பிள்ளை” என பேசிவிட்டு அந்த ஆர்.எஸ்.எஸ்.பிள்ளை களுடனே அமைச்சரவையை பகிர்ந்துகொண்டு த.வெ.க.வின் பிரச்சார பீரங்கியாக மாறி இருக்கும் நீங்கள் வெட்கத்தைப் பற்றி பேசலாமா?
தமிழ்நாட்டில் தலித்களுக்கு எதிரான குற்ற சம்பவங்கள் பெருமளவில் அதிகரித்துள்ளன; மயானத்தில் முதியவரை அடக்கம் செய்ய போலீசார் முன்னிலையி லேயே ஆதிக்கச் சமூகத்தினரின் காலில் பட்டியலின மக்களை விழ வைத்துள்ளனர். அப்போதெல்லாம் வராத ரோஷம், கோபம் இப்போது மட்டும் வருவது ஏன்?
உண்மையிலையே உங்களுக்கு வெட்கமில்லை வன்னி அரசு அவர்களே, நீங்க நம்பலைனாலும் அதான் நிஜம்!
இவ்வாறு தி.மு.கழக ஐ.டி. பிரிவு பதிலடி கொடுத்துள்ளது.