#Title

பொம்மை முதல்வர் விஜய் ஆட்சியில் கரூர் அருகே ஏரியில் வண்டல் மண் கடத்தல்! இரண்டு பொக்லைன் இயந்திரங்கள், லாரிகளை முற்றுகையிட்ட பொதுமக்கள் – அதிகாரிகள் விசாரணை நடத்தக் கோரிக்கை!

கரூர், அக். 25 –

கரூர் மாவட்டம் வீரராக்கியம் பெரிய ஏரியில் அனுமதியின்றி வண்டல் மண் எடுக்கப்படுவதாகப் புகார் எழுந்துள்ளது. இதையடுத்து, மண் எடுக்கப் பயன்படுத்தப்பட்டதாகக் கூறப்படும் இரண்டு பொக்லைன் இயந்திரங்கள் மற்றும் லாரிகளை அப்பகுதி பொதுமக்கள் முற்றுகை யிட்ட சம்பவம் பரபரப்பை ஏற்படுத்தி யுள்ளது.

பொம்மை முதல்வர் விஜய் ஆட்சியில் கனிமவள கடத்தல் தொடர்ந்து நடைபெற்று வருகிறது. இது குறித்து நீர்வளத் துறை, கனிமவளத் துறை, மாவட்ட நிர்வாகம் யாரும் கண்டு கொள்வதில்லை என தொடர்ந்து குற்றச் சாட்டு எழுப்பப்பட்டு வருகிறது.

கரூர் மாவட்டம் உப்பிடமங்கலம் அருகே பாலராஜபுரம் பகுதியில் அமைந்துள்ள வீரராக்கி யம் பெரிய ஏரியில், கடந்த 10 நாட்களாக இரண்டு பொக்லைன் இயந்திரங்கள் மூலம் வண்டல் மண் எடுக்கப்பட்டு, ராட்சத டாரஸ் லாரிகளில் ஏற்றிச் செல்லப்படுவதாகப் பொதுமக்கள் குற்றம் சாட்டுகின்றனர்.

இதுவரை ஆயிரக்கணக்கான லோடு மண் எடுத்துச் செல்லப்பட்டிருக்கலாம் என்றும் அவர்கள் தெரிவிக்கின்றனர். ஏரியில் நீண்ட தூரத்திற்கு 20 அடிக்கும் மேல் தோண்டப்பட்டு இருப்பதை சுட்டிக்காட்டி னர்.

பாலம் கட்டுவதற்காக..

தேசிய நெடுஞ்சாலைப் பாலம் கட்டுமானப் பணிகளுக்காக மண் எடுத்துச் செல்வதாகக் கூறி, ஏரியிலிருந்து வண்டல் மண் எடுத்துச் செல்லப்படுவதாகவும், அனுமதிக்கப்பட்ட அளவை விடக் கூடுதலாக மண் எடுக்கப்படுகிறதா என்பது குறித்து விசாரிக்க வேண்டும் என்றும் அப்பகுதி மக்கள் வலியுறுத்துகின்றனர்.

மண் எடுப்பதற்கு மாவட்ட ஆட்சியரின் உத்தரவு இருப்பதாக சம்பந்தப்பட்டவர்கள் கூறியதாகவும், அந்த உத்தரவைக் காட்டுமாறு பொதுமக்கள் கேட்டபோது அதைக் காட்டவில்லை என்றும் புகார் தெரிவிக்கப்பட்டுள்ளது.

ஆய்வு செய்ய வேண்டும் எனப் பொதுமக்கள் கோரிக்கை விடுத்துள் ளனர்.

மேலும், ஏரியில் எடுக்கப்பட்ட மண்ணின் அளவு, லாரிகளில் கொண்டு செல்லப்பட்ட மண்ணின் அளவு மற்றும் அதன் பயன்பாடு ஆகியவற்றை முறையாகக் கணக்கிட்டு, விதிமீறல் உறுதி செய்யப்பட்டால் சம்பந்தப்பட்டவர்கள் மீது உரிய நடவடிக்கை எடுக்க வேண்டும் என்றும் வலியுறுத்தியுள்ளனர்.

விவசாய பயன்பாட்டிற்காக வண்டல் மணல் அனுமதி கொடுக்க மறுத்து வருகின்றனர் .

அருகில் உள்ளவர்கள் எடுத்தாலும் உடனே காவல் நிலையத்திற்கு டிராக்டரை கொண்டு சென்று வழக்கு பதிவு செய்து நடவடிக்கை எடுக்கும் நிர்வாகமும், காவல்துறையும் இதை ஏன் கண்டு கொள்ளவில்லை என விவசாயிகள் கேள்வி எழுப்பினர்.

அப்போது அங்கு கிருஷ்ணராயபுரம் தவெக. எம் எல் ஏ சத்யா வந்தார்.

அவரிடம் இது குறித்து கேட்டபோது எந்த பதிலையும் சொல்லாமல் விசாரிக்கிறேன் என்று காரில் ஏறிப் போய்விட்டார்.

ஏரிகளில் இருந்து வண்டல் மண் எடுப்பதற்கான அனுமதி, அளவு மற்றும் பயன்பாடு குறித்து வெளிப்படையான விளக்கம் அளிக்க வேண்டும். இதன் பின்னணியில் இருக்கும் ஆளுங்கட்சிணர் மீது நடவடிக்கை எடுக்க வேண்டும் என்பதே அப்பகுதி மக்களின் முக்கிய கோரிக்கை யாக உள்ளது.